<p><strong>ದಾವಣಗೆರೆ: </strong>ಗಣೇಶನ ಹಬ್ಬಕ್ಕೆ ಖರೀದಿಗಾಗಿ ಜನರು ಕೊನೇ ಕ್ಷಣದಲ್ಲಿ ಮಾರುಕಟ್ಟೆ ಕಡೆ ದಾಂಗುಡಿ ಇಟ್ಟಿದ್ದಾರೆ. ಇದರಿಂದಾಗ ಗುರುವಾರ ಸಂಜೆ ಹಬ್ಬದ ವ್ಯವಹಾರದ ಭರಾಟೆ ಜೋರಾಗಿ ನಡೆಯಿತು.</p>.<p>ಜಯದೇವ ಸರ್ಕಲ್–ಪಿ.ಬಿ. ರಸ್ತೆಯಲ್ಲಿ ಜನಸಂದಣಿ ಹೆಚ್ಚಾಗಿದ್ದರಿಂದ ಪೊಲೀಸರು ಬ್ಯಾರಿಕೇಡ್ ಹಾಕಿ ವಾಹನ ಸಂಚಾರವನ್ನೇ ಸ್ಥಗಿತಗೊಳಿಸಿದರು.</p>.<p>ನಿಟುವಳ್ಳಿ, ಕೆಎಸ್ಆರ್ಟಿಸಿ ಬಸ್ ನಿಲ್ದಾಣದ ಮುಂಭಾಗ, ಕೆ.ಆರ್. ಮಾರುಕಟ್ಟೆ, ಪಿ.ಬಿ. ರಸ್ತೆ, ಗಡಿಯಾರ ಕಂಬ, ಚೌಕಿ ಪೇಟೆ ಸಹಿತ ಎಲ್ಲ ಮಾರುಕಟ್ಟೆಗಳಲ್ಲಿ ಭಾರಿ ಸಂಖ್ಯೆಯಲ್ಲಿ ಜನರು ನೆರೆದಿದ್ದರು. ಅದರಲ್ಲಿ ಮಹಿಳೆಯರ ಪ್ರಮಾಣವೇ ಅಧಿಕವಾಗಿತ್ತು.</p>.<p>ಹಬ್ಬ ಬಂದಾಗ ಹೂವು, ಹಣ್ಣುಗಳ ದರ ವಿಪರೀತ ಜಾಸ್ತಿಯಾಗಿ ಬಿಡುತ್ತಿತ್ತು. ಆದರೆ ಕೊರೊನಾ ಸೋಂಕಿನ ಪರಿಣಾಮ ಈ ಬಾರಿ ಭಾರಿ ಹೆಚ್ಚಳವಾಗಿಲ್ಲ. ‘ನಾವು ಬೆಳಿಗ್ಗೆಯೇ ಬಂದಿದ್ದೆವು. ರೇಟ್ ಹೆಚ್ಚಿಸುವುದು ಬಿಡಿ. ಮಾಮೂಲಿ ದರಕ್ಕೆ ಮಾರಾಟವಾದರೆ ಸಾಕು ಎಂದು ಕುಳಿತಿದ್ದೇವೆ. ಮಧ್ಯಾಹ್ನದ ವರೆಗೆ ಏನೇನೂ ವ್ಯಾಪಾರ ಇರಲಿಲ್ಲ. ಸಂಜೆಯಾಗುತ್ತಿದ್ದಂತೆ ಜನ ಬಂದಿದ್ದಾರೆ. ಚೆಂಡು ಹೂವು ಮಾರಿಗೆ ₹ 30ರಂತೆ ನೀಡುತ್ತಿದ್ದೇವೆ. ಎರಡು ವರ್ಷಗಳ ಹಿಂದೆ ಇದೇ ಚೆಂಡು ಹೂವನ್ನು ಮಾರಿಗೆ ₹ 50ರಂತೆ ಮಾಡಿದ್ದೆವು’ ಎಂದು ಚೆಂಡು ಹೂವು ಮಾರಾಟಗಾರ ಜಂಗಮ ತುಂಬಿಗೆರೆಯ ರವೀಂದ್ರ ನೆನಪು ಮಾಡಿಕೊಂಡರು.</p>.<p>‘ಬಾಳೆಕಂದಿಗೆ ಜೋಡಿಗೆ ₹ 20 ಎಂದು ಮಾರಾಟ ಮಾಡುತ್ತಿದ್ದೇವೆ. ಸ್ವಲ್ಪ ಸಣ್ಣದಾದರೆ ಜೋಡಿಗೆ ₹ 10ಕ್ಕೆ ನೀಡುತ್ತಿದ್ದೇವೆ’ ಎಂದು ಅಣಜಿ ಕೆರೆಗಳಹಳ್ಳಿಯ ಅಂಜಿನಮ್ಮ, ರೇಣುಕಮ್ಮ ಮಾಹಿತಿ ನೀಡಿದರು.</p>.<p>‘ಸೇಬು ಕೆ.ಜಿ.ಗೆ ₹ 100ರಿಂದ ₹ 120, ಚಿಕ್ಕು ₹ 40, ದ್ರಾಕ್ಷಿ ₹ 100, ಸೀತಾಫಲ ₹ 60 ಇದೆ. ಎಲ್ಲ ಮಿಕ್ಸ್ ಕೆ.ಜಿ.ಗೆ ₹ 100ಕ್ಕೆ ನೀಡುತ್ತಿದ್ದೇವೆ’ ಎಂದು ಪಿ.ಬಿ. ರಸ್ತೆ ಬಳಿಯ ಹಣ್ಣಿನ ವ್ಯಾಪಾರಿ ರಾಣೆಬೆನ್ನೂರಿನ ದುರುಗಪ್ಪ ತಿಳಿಸಿದರು.</p>.<p>ಕೊರೊನಾ ಕಾರಣದಿಂದ ವ್ಯಾಪಾರವೇ ಇಲ್ಲ. ಈಗ ಜನ ಬರುತ್ತಿದ್ದಾರೆ. ತಂದಿರುವುದನ್ನು ಮಾರಾಟ ಮಾಡಿ ಮನೆ ಸೇರಬೇಕು. ನಾಳೆ ಅಷ್ಟೊಂದು ವ್ಯಾಪಾರ ಇರುವುದಿಲ್ಲ ಎಂದು ಹೂವಿನ ವ್ಯಾಪಾರಿ ಉಚ್ಚಂಗಿದುರ್ಗ ಕರಡಿದುರ್ಗದ ಮಂಜಮ್ಮ, ನಿಟುವಳ್ಳಿಯ ಶ್ರೀನಿವಾಸ ಅಭಿಪ್ರಾಯ ಪಟ್ಟರು.</p>.<p>ಗಣೇಶನ ಹಬ್ಬಕ್ಕೆ ಕಬ್ಬಿಗೆ ಎಲ್ಲಿಲ್ಲದ ಬೇಡಿಕೆ ಇರುತ್ತದೆ. ಈ ಬಾರಿ ಮಾರುಕಟ್ಟೆಗೆ ಕಬ್ಬು ಬಹಳ ಕಡಿಮೆ ಪ್ರಮಾಣದಲ್ಲಿ ಕಂಡು ಬಂತು. ಸೇವಂತಿಗೆ ಮಾರಿಗೆ ₹ 30ರಿಂದ ₹ 50, ಕನಕಾಂಬರಿ ₹ 60ರಿಂದ ₹ 80, ಕಮಲ ಪುಷ್ಪ ಒಂದಕ್ಕೆ ₹ 20, ಬಿಲ್ವಪತ್ರೆ ಮಾಲೆಗೆ ₹ 40, ತುಳಸಿ ಮಾಲೆಗೆ ₹ 30, ವಿಳ್ಯದೆಲೆ ಕವಳೆಗೆ (40 ಎಲೆ) ₹ 25 ದರದಲ್ಲಿ ವ್ಯಾಪಾರ ನಡೆಯುತ್ತಿತ್ತು.</p>.<p class="Briefhead"><strong>ಗಣೇಶನ ವಿಗ್ರಹಗಳಿಗೂ ಬೇಡಿಕೆ</strong><br />ಮನೆಗಳಲ್ಲಿ ಪ್ರತಿಷ್ಠಾಪಿಸಿ ಪೂಜಿಸಲು ಪುಟ್ಟ ಪುಟ್ಟ ಗಣಪನ ವಿಗ್ರಹಗಳಿಗೆ ಎಲ್ಲಿಲ್ಲದ ಬೇಡಿಕೆ ಕಂಡು ಬಂತು. ₹ 200ರಿಂದ ₹ 800 ವರೆಗಿನ ಗಣೇಶನ ವಿಗ್ರಹಗಳಿಗೆ ಬಹುತೇಕರು ಆದ್ಯತೆ ನೀಡಿದ್ದರು. ₹ 1000ದಿಂದ ₹ 8000 ವರೆಗಿನ ವಿಗ್ರಹಗಳು ಕೂಡ ಇದ್ದವು. ಬಹುತೇಕ ಕಡೆಗಳಲ್ಲಿ ಜನರು ದೊಡ್ಡ ವಿಗ್ರಹಗಳನ್ನು ನೋಡುತ್ತಿದ್ದರೇ ವಿನಃ ಖರೀದಿ ಮಾಡುತ್ತಿರಲಿಲ್ಲ. ಅರ್ಧ ಅಡಿಯಿಂದ ಎರಡು ಅಡಿವರೆಗಿನ ಗಣೇಶನ ಮೂರ್ತಿಗಳನ್ನು ಎಲ್ಲೆಡೆ ಒಯ್ಯುತ್ತಿರುವುದು ಕಂಡು ಬಂತು.</p>.<p class="Briefhead"><strong>ಹೈಸ್ಕೂಲ್ ಮೈದಾನದಲ್ಲಿ ಬೃಹತ್ ಗಣಪತಿ ಪ್ರತಿಷ್ಠಾಪನೆಗೆ ಭರದ ಸಿದ್ಧತೆ<br />ದಾವಣಗೆರೆ: </strong>ಹೈಸ್ಕೂಲ್ ಮೈದಾನದಲ್ಲಿ 8 ಅಡಿ ಎತ್ತರದ ಗಣಪತಿಯ ಮೂರ್ತಿಯನ್ನು ಇಟ್ಟು ಪೂಜಿಸಲು ಸಕಲ ಸಿದ್ಧತೆಗಳು ನಡೆದಿವೆ.</p>.<p>ಹಿಂದೂ ಮಹಾಗಣಪತಿ ಸಮಿತಿಯಿಂದ ನಡೆಸುವ ಈ ಗಣೇಶೋತ್ಸವಕ್ಕೆ ಸಂಬಂಧಿಸಿದಂತೆ ಈಗಾಗಲೇ ಹಂದರಗಂಬ ಪೂಜೆ ಮಾಡಲಾಗಿದ್ದು, ಮೂರ್ತಿ ಪ್ರತಿಷ್ಠಾಪನಾ ಪೀಠ, ಸುತ್ತ ಹಂದರಗಳನ್ನು ನಿರ್ಮಿಸಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ದಾವಣಗೆರೆ: </strong>ಗಣೇಶನ ಹಬ್ಬಕ್ಕೆ ಖರೀದಿಗಾಗಿ ಜನರು ಕೊನೇ ಕ್ಷಣದಲ್ಲಿ ಮಾರುಕಟ್ಟೆ ಕಡೆ ದಾಂಗುಡಿ ಇಟ್ಟಿದ್ದಾರೆ. ಇದರಿಂದಾಗ ಗುರುವಾರ ಸಂಜೆ ಹಬ್ಬದ ವ್ಯವಹಾರದ ಭರಾಟೆ ಜೋರಾಗಿ ನಡೆಯಿತು.</p>.<p>ಜಯದೇವ ಸರ್ಕಲ್–ಪಿ.ಬಿ. ರಸ್ತೆಯಲ್ಲಿ ಜನಸಂದಣಿ ಹೆಚ್ಚಾಗಿದ್ದರಿಂದ ಪೊಲೀಸರು ಬ್ಯಾರಿಕೇಡ್ ಹಾಕಿ ವಾಹನ ಸಂಚಾರವನ್ನೇ ಸ್ಥಗಿತಗೊಳಿಸಿದರು.</p>.<p>ನಿಟುವಳ್ಳಿ, ಕೆಎಸ್ಆರ್ಟಿಸಿ ಬಸ್ ನಿಲ್ದಾಣದ ಮುಂಭಾಗ, ಕೆ.ಆರ್. ಮಾರುಕಟ್ಟೆ, ಪಿ.ಬಿ. ರಸ್ತೆ, ಗಡಿಯಾರ ಕಂಬ, ಚೌಕಿ ಪೇಟೆ ಸಹಿತ ಎಲ್ಲ ಮಾರುಕಟ್ಟೆಗಳಲ್ಲಿ ಭಾರಿ ಸಂಖ್ಯೆಯಲ್ಲಿ ಜನರು ನೆರೆದಿದ್ದರು. ಅದರಲ್ಲಿ ಮಹಿಳೆಯರ ಪ್ರಮಾಣವೇ ಅಧಿಕವಾಗಿತ್ತು.</p>.<p>ಹಬ್ಬ ಬಂದಾಗ ಹೂವು, ಹಣ್ಣುಗಳ ದರ ವಿಪರೀತ ಜಾಸ್ತಿಯಾಗಿ ಬಿಡುತ್ತಿತ್ತು. ಆದರೆ ಕೊರೊನಾ ಸೋಂಕಿನ ಪರಿಣಾಮ ಈ ಬಾರಿ ಭಾರಿ ಹೆಚ್ಚಳವಾಗಿಲ್ಲ. ‘ನಾವು ಬೆಳಿಗ್ಗೆಯೇ ಬಂದಿದ್ದೆವು. ರೇಟ್ ಹೆಚ್ಚಿಸುವುದು ಬಿಡಿ. ಮಾಮೂಲಿ ದರಕ್ಕೆ ಮಾರಾಟವಾದರೆ ಸಾಕು ಎಂದು ಕುಳಿತಿದ್ದೇವೆ. ಮಧ್ಯಾಹ್ನದ ವರೆಗೆ ಏನೇನೂ ವ್ಯಾಪಾರ ಇರಲಿಲ್ಲ. ಸಂಜೆಯಾಗುತ್ತಿದ್ದಂತೆ ಜನ ಬಂದಿದ್ದಾರೆ. ಚೆಂಡು ಹೂವು ಮಾರಿಗೆ ₹ 30ರಂತೆ ನೀಡುತ್ತಿದ್ದೇವೆ. ಎರಡು ವರ್ಷಗಳ ಹಿಂದೆ ಇದೇ ಚೆಂಡು ಹೂವನ್ನು ಮಾರಿಗೆ ₹ 50ರಂತೆ ಮಾಡಿದ್ದೆವು’ ಎಂದು ಚೆಂಡು ಹೂವು ಮಾರಾಟಗಾರ ಜಂಗಮ ತುಂಬಿಗೆರೆಯ ರವೀಂದ್ರ ನೆನಪು ಮಾಡಿಕೊಂಡರು.</p>.<p>‘ಬಾಳೆಕಂದಿಗೆ ಜೋಡಿಗೆ ₹ 20 ಎಂದು ಮಾರಾಟ ಮಾಡುತ್ತಿದ್ದೇವೆ. ಸ್ವಲ್ಪ ಸಣ್ಣದಾದರೆ ಜೋಡಿಗೆ ₹ 10ಕ್ಕೆ ನೀಡುತ್ತಿದ್ದೇವೆ’ ಎಂದು ಅಣಜಿ ಕೆರೆಗಳಹಳ್ಳಿಯ ಅಂಜಿನಮ್ಮ, ರೇಣುಕಮ್ಮ ಮಾಹಿತಿ ನೀಡಿದರು.</p>.<p>‘ಸೇಬು ಕೆ.ಜಿ.ಗೆ ₹ 100ರಿಂದ ₹ 120, ಚಿಕ್ಕು ₹ 40, ದ್ರಾಕ್ಷಿ ₹ 100, ಸೀತಾಫಲ ₹ 60 ಇದೆ. ಎಲ್ಲ ಮಿಕ್ಸ್ ಕೆ.ಜಿ.ಗೆ ₹ 100ಕ್ಕೆ ನೀಡುತ್ತಿದ್ದೇವೆ’ ಎಂದು ಪಿ.ಬಿ. ರಸ್ತೆ ಬಳಿಯ ಹಣ್ಣಿನ ವ್ಯಾಪಾರಿ ರಾಣೆಬೆನ್ನೂರಿನ ದುರುಗಪ್ಪ ತಿಳಿಸಿದರು.</p>.<p>ಕೊರೊನಾ ಕಾರಣದಿಂದ ವ್ಯಾಪಾರವೇ ಇಲ್ಲ. ಈಗ ಜನ ಬರುತ್ತಿದ್ದಾರೆ. ತಂದಿರುವುದನ್ನು ಮಾರಾಟ ಮಾಡಿ ಮನೆ ಸೇರಬೇಕು. ನಾಳೆ ಅಷ್ಟೊಂದು ವ್ಯಾಪಾರ ಇರುವುದಿಲ್ಲ ಎಂದು ಹೂವಿನ ವ್ಯಾಪಾರಿ ಉಚ್ಚಂಗಿದುರ್ಗ ಕರಡಿದುರ್ಗದ ಮಂಜಮ್ಮ, ನಿಟುವಳ್ಳಿಯ ಶ್ರೀನಿವಾಸ ಅಭಿಪ್ರಾಯ ಪಟ್ಟರು.</p>.<p>ಗಣೇಶನ ಹಬ್ಬಕ್ಕೆ ಕಬ್ಬಿಗೆ ಎಲ್ಲಿಲ್ಲದ ಬೇಡಿಕೆ ಇರುತ್ತದೆ. ಈ ಬಾರಿ ಮಾರುಕಟ್ಟೆಗೆ ಕಬ್ಬು ಬಹಳ ಕಡಿಮೆ ಪ್ರಮಾಣದಲ್ಲಿ ಕಂಡು ಬಂತು. ಸೇವಂತಿಗೆ ಮಾರಿಗೆ ₹ 30ರಿಂದ ₹ 50, ಕನಕಾಂಬರಿ ₹ 60ರಿಂದ ₹ 80, ಕಮಲ ಪುಷ್ಪ ಒಂದಕ್ಕೆ ₹ 20, ಬಿಲ್ವಪತ್ರೆ ಮಾಲೆಗೆ ₹ 40, ತುಳಸಿ ಮಾಲೆಗೆ ₹ 30, ವಿಳ್ಯದೆಲೆ ಕವಳೆಗೆ (40 ಎಲೆ) ₹ 25 ದರದಲ್ಲಿ ವ್ಯಾಪಾರ ನಡೆಯುತ್ತಿತ್ತು.</p>.<p class="Briefhead"><strong>ಗಣೇಶನ ವಿಗ್ರಹಗಳಿಗೂ ಬೇಡಿಕೆ</strong><br />ಮನೆಗಳಲ್ಲಿ ಪ್ರತಿಷ್ಠಾಪಿಸಿ ಪೂಜಿಸಲು ಪುಟ್ಟ ಪುಟ್ಟ ಗಣಪನ ವಿಗ್ರಹಗಳಿಗೆ ಎಲ್ಲಿಲ್ಲದ ಬೇಡಿಕೆ ಕಂಡು ಬಂತು. ₹ 200ರಿಂದ ₹ 800 ವರೆಗಿನ ಗಣೇಶನ ವಿಗ್ರಹಗಳಿಗೆ ಬಹುತೇಕರು ಆದ್ಯತೆ ನೀಡಿದ್ದರು. ₹ 1000ದಿಂದ ₹ 8000 ವರೆಗಿನ ವಿಗ್ರಹಗಳು ಕೂಡ ಇದ್ದವು. ಬಹುತೇಕ ಕಡೆಗಳಲ್ಲಿ ಜನರು ದೊಡ್ಡ ವಿಗ್ರಹಗಳನ್ನು ನೋಡುತ್ತಿದ್ದರೇ ವಿನಃ ಖರೀದಿ ಮಾಡುತ್ತಿರಲಿಲ್ಲ. ಅರ್ಧ ಅಡಿಯಿಂದ ಎರಡು ಅಡಿವರೆಗಿನ ಗಣೇಶನ ಮೂರ್ತಿಗಳನ್ನು ಎಲ್ಲೆಡೆ ಒಯ್ಯುತ್ತಿರುವುದು ಕಂಡು ಬಂತು.</p>.<p class="Briefhead"><strong>ಹೈಸ್ಕೂಲ್ ಮೈದಾನದಲ್ಲಿ ಬೃಹತ್ ಗಣಪತಿ ಪ್ರತಿಷ್ಠಾಪನೆಗೆ ಭರದ ಸಿದ್ಧತೆ<br />ದಾವಣಗೆರೆ: </strong>ಹೈಸ್ಕೂಲ್ ಮೈದಾನದಲ್ಲಿ 8 ಅಡಿ ಎತ್ತರದ ಗಣಪತಿಯ ಮೂರ್ತಿಯನ್ನು ಇಟ್ಟು ಪೂಜಿಸಲು ಸಕಲ ಸಿದ್ಧತೆಗಳು ನಡೆದಿವೆ.</p>.<p>ಹಿಂದೂ ಮಹಾಗಣಪತಿ ಸಮಿತಿಯಿಂದ ನಡೆಸುವ ಈ ಗಣೇಶೋತ್ಸವಕ್ಕೆ ಸಂಬಂಧಿಸಿದಂತೆ ಈಗಾಗಲೇ ಹಂದರಗಂಬ ಪೂಜೆ ಮಾಡಲಾಗಿದ್ದು, ಮೂರ್ತಿ ಪ್ರತಿಷ್ಠಾಪನಾ ಪೀಠ, ಸುತ್ತ ಹಂದರಗಳನ್ನು ನಿರ್ಮಿಸಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
