ತಾಲ್ಲೂಕಿನಲ್ಲಿ 1,01,659 ಮಹಿಳೆಯರು, 1,02,445 ಪುರುಷರು, 11ಇತರೆ ಸೇರಿ ಒಟ್ಟು 2,04,115 ಮತದಾರರು ಇದ್ದಾರೆ. ತಾಲ್ಲೂಕಿನಲ್ಲಿ 252ಮತಗಟ್ಟೆಗಳು ಸ್ಥಾಪಿಸಲಾಗಿದ್ದು ಅವುಗಳಲ್ಲಿ 48ಸೂಕ್ಷ್ಮ ಮತಗಟ್ಟೆ ಎಂದು ಗುರುತಿಸಲಾಗಿದೆ.
10 ಮತಗಟ್ಟೆಗಳಲ್ಲಿ ಸಿ.ಸಿ.ಟಿ.ವಿ ಕ್ಯಾಮೆರಾ ಅಳವಡಿಸಲಾಗಿದ್ದು ಇಲ್ಲಿನ ಚಟುವಟಿಕೆಗಳನ್ನು ಚುನಾವಣಾಧಿಕಾರಿಗಳು ಕಚೇರಿಯಿಂದಲೇ ನೇರವಾಗಿ ವೀಕ್ಷಿಸಬಹುದಾಗಿದೆ. ಎರಡು ಪಿಂಕ್ ಮತ್ತು ಮೂರು ಮಾದರಿ ಮತಗಟ್ಟೆಗಳನ್ನು ಸ್ಥಾಪಿಸಲಾಗಿದೆ. ಮತಗಟ್ಟೆಗೆ 5 ಸಿಬ್ಬಂದಿ ನೇಮಿಸಲಾಗಿದೆ. ಶೇ 25ರಷ್ಟು ಹೆಚ್ಚುವರಿ ಸಿಬ್ಬಂದಿಗಳನ್ನು ಕಾಯ್ದಿರಿಸಲಾಗಿದೆ.
ಮತಯಂತ್ರ. ವಿವಿ ಪ್ಯಾಟ್ ಮತ್ತು ಸಿಬ್ಬಂದಿಗಳನ್ನು 41 ಸರ್ಕಾರಿ ಬಸ್, 4ಮಿನಿ ಬಸ್, 10 ಜೀಪ್ಗಳಲ್ಲಿ ಮತಗಟ್ಟೆಗೆ ಸಾಗಿಸಲಾಯಿತು.
ಸೂಕ್ತ ಭದ್ರತೆಗಾಗಿ 1 ಡಿವೈಎಸ್ಪಿ, 4 ಸಿಪಿಐ, 2 ಪಿಎಸ್ಐ, 25 ಎಎಸ್ಐ, 350 ಕಾನ್ಸ್ಟೆಬಲ್, 100 ಗೃಹರಕ್ಷಕ ದಳದ ಸಿಬ್ಬಂದಿ, 4 ಡಿಎಆರ್ , 1ಕೆಎಸ್ಆರ್ಪಿ, 1 ಸಿಐಎಸ್ಎಫ್, 1 ಸಿಆರ್ಪಿಎಫ್ ತುಕಡಿಗಳನ್ನು ಬಳಸಿಕೊಳ್ಳಲಾಗಿದೆ ಎಂದು ಸಹಾಯಕ ಚುನಾವಣಾಧಿಕಾರಿ ಮಹೇಶ್ ಚಂದ್ರ ತಿಳಿಸಿದ್ದಾರೆ.