ಇಲ್ಲಿನ ಸರ್ವೋದರ ಸೊಸೈಟಿ ಹತ್ತಿರ ಗಾಂಜಾ ಮಾರಾಟ ಮಾಡುತ್ತಿದ್ದ ಬಗ್ಗೆ ಬಂದ ಖಚಿತ ಮಾಹಿತಿ ಮೇರೆಗೆ ಸಿಇಎನ್ ಅಪರಾಧ ಠಾಣೆಯ ಇನ್ಸ್ಪೆಕ್ಟರ್ ಟಿ.ವಿ. ದೇವರಾಜ್ ಮತ್ತು ಸಿಬ್ಬಂದಿ ದಾಳಿ ನಡೆಸಿದ್ದಾರೆ. ಸ್ಥಳೀಯರಾದ ಪ್ರವೀಣ ಕುಮಾರ ಅಲಿಯಾಸ್ ಕುಮಾರ್ ಅಲಿಯಾಸ್ ಕುಮ್ಮಿ (28), ಯಾಸೀನ್ಬಿ ಅಲಿಯಾಸ್ ಬಡೇಬಿ (60), ಮೆಹಬೂಬಿ ಅಲಿಯಾಸ್ ಚೋಟಿಬಿ (57), ಜಗದೀಶ ಅಲಿಯಾಸ್ ಜಗ್ಗ (23), ಆಕಾಶ್ (20) ಅವರನ್ನು ಬಂಧಿಸಿದ್ದಾರೆ. ₹ 8,000 ಮೌಲ್ಯದ 330 ಗ್ರಾಂ ಗಾಂಜಾ, ಒಂದು ಆಟೋರಿಕ್ಷಾ, ಒಂದು ಬೈಕ್, ನಾಲ್ಕು ಮೊಬೈಲ್ ವಶಪಡಿಸಿಕೊಂಡಿದ್ದಾರೆ.