ಗುರುವಾರ , ಆಗಸ್ಟ್ 11, 2022
24 °C

ವಿಶ್ವ ಪವರ್‌ಲಿಫ್ಟಿಂಗ್‌ ಕೂಟಕ್ಕೆ ದಾವಣಗೆರೆಯ ಏಳು ಮಂದಿ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ದಾವಣಗೆರೆ: ಮಹಾರಾಷ್ಟ್ರದ ಅಮರಾವತಿಯಲ್ಲಿ ಡಿಸೆಂಬರ್ 4ರಿಂದ 7ರವರೆಗೆ ನಡೆಯುವ ವಿಶ್ವ ಪವರ್ ಲಿಫ್ಟಿಂಗ್ ಚಾಂಪಿಯನ್‌ಷಿಪ್‌ನಲ್ಲಿ ದಾವಣಗೆರೆಯ ಏಳು ಕ್ರೀಡಾಪಟುಗಳು ಪಾಲ್ಗೊಳ್ಳಲಿದ್ದಾರೆ.

ದಾವಣಗೆರೆಯ ಸಾಯಿ ಜಿಮ್‌ನ ಎಫ್‌. ಇಸ್ಮಾಯಿಲ್ (ಸಬ್‌ ಜೂನಿಯರ್), ಗಣೇಶ್, ಮಂಜುನಾಥ್ (ಜೂನಿಯರ್), ಫಕ್ರುದ್ದೀನ್ ಸಿ. (ಮಾಸ್ಟರ್–2), ಲಕ್ಷ್ಮೀಕಾಂತ್ (ಮಾಸ್ಟರ್–3), ಬೀರೇಶ್ವರ ಶಾಲೆಯ ದಿವ್ಯಾ ಸಿ. (ಜೂನಿಯರ್) ಮತ್ತು ಚಂದ್ರಪ್ಪ (ಮಾಸ್ಟರ್–2) ಅವರು ಚಾಂಪಿಯನ್‌ಷಿಪ್‌ಗೆ ತೆರಳಲಿದ್ದಾರೆ. ಫಕ್ರುದ್ದೀನ್ ಸಿ. ಮೂರನೇ ಬಾರಿ ಅಂತರರಾಷ್ಟ್ರೀಯ ಮಟ್ಟದ ಚಾಂಪಿಯನ್‌ಷಿಪ್‌ನಲ್ಲಿ ಸ್ಪರ್ಧಿಸುತ್ತಿದ್ದಾರೆ ಎಂದು ರಾಜ್ಯ ಅಮೆಚೂರ್ ಪವರ್‌ಲಿಫ್ಟಿಂಗ್ ಸಂಸ್ಥೆಯ ಪ್ರಧಾನ ಕಾರ್ಯದರ್ಶಿ ಕೆ.ಎಸ್.ಸಾಯಿನಾಥ್ ಸೋಮವಾರ ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದರು.

ಕೊರೊನಾ ಕಾರಣದಿಂದ ಚಾಂಪಿಯನ್‌ಷಿಪ್ ಮುಂದೂಡಲಾಗಿತ್ತು. 11 ದೇಶಗಳು ಪ್ರತಿನಿಧಿಸಬೇಕಿತ್ತು. ಈಗ ಆರರಿಂದ ಏಳು ದೇಶಗಳ ಕ್ರೀಡಾಪಟುಗಳು ಮಾತ್ರ ಭಾಗವಹಿಸುತ್ತಿದ್ದಾರೆ ಎಂದು ಅವರು ವಿವರಿಸಿದರು.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.