ವಿನಯ ಕುಲಕರ್ಣಿ ಬಂಧನ; ಕಾಂಗ್ರೆಸ್‌ನಿಂದ ಮನವಿ ಸಲ್ಲಿಕೆ

ರಾಷ್ಟ್ರಪತಿಗೆ ಬರೆದ ಮನವಿ ಪತ್ರವನ್ನು ಶುಕ್ರವಾರ ನಗರದಲ್ಲಿ ಹುಬ್ಬಳ್ಳಿ ತಹಶೀಲ್ದಾರ್‌ ಶಶಿಧರ ಮಾಡ್ಯಾಳ ಅವರಿಗೆ ಸಲ್ಲಿಸಿದ ಕಾಂಗ್ರೆಸ್‌ ಮುಖಂಡರು ‘ವಿಜಯ ಮತ್ತು ವಿನಯ ಕುಲಕರ್ಣಿ ಅವರ ಜನಸೇವೆ, ರಾಜಕೀಯ ಬೆಳವಣಿಗೆ ಸಹಿಸಿಕೊಳ್ಳದೆ ಕೆಲ ಕುತಂತ್ರಿಗಳ ಬುದ್ಧಿಗೆ ತಲೆಬಾಗಿ ಸಿಬಿಐ ಅವರನ್ನು ಬಂಧಿಸಿದೆ. ಕೂಡಲೇ ಅವರನ್ನು ಬಿಡುಗಡೆ ಮಾಡಬೇಕು’ ಎಂದು ಒತ್ತಾಯಿಸಿದರು.

ಪಕ್ಷದ ಜಿಲ್ಲಾ ಘಟಕದ ಅಧ್ಯಕ್ಷ ಅಲ್ತಾಫ್ ಹುಸೇನ್‌ ಹಳ್ಳೂರ, ಮುಖಂಡರಾದ ಬಂಗಾರೇಶ ಹಿರೇಮಠ, ರಾಜಶೇಖರ ಮೆಣಸಿನಕಾಯಿ, ಶರಣಪ್ಪ ಕೋಟಗಿ, ಮೋಹನ ಹಿರೇಮನಿ, ಮೋಹನ ಹೊಸಮನಿ, ಸುರೇಶ ಸವನೂರ, ಕಲ್ಲಪ್ಪ ಎಲಿವಾಳ, ಶಹಜಮಾನ್ ಮುಜಾಹೀದ್, ಬಸವರಾಜ ಕಿತ್ತೂರ, ಬಸವರಾಜ ಮೆಣಸಗಿ, ಕುಂದನಹಳ್ಳಿ, ಸೂರ್ಯಕಾಂತ ಘೋಡಕೆ, ರಾಜೀವ ಲದ್ವಾ, ಯಲ್ಲಪ್ಪ ಮೇಹರವಾಡೆ, ಶಾರುಖ್‌ ಮುಲ್ಲಾ, ವೀರಣ್ಣ ನಿರಲಗಿ ಇದ್ದರು.