ಫಸ್ಟ್‌ ಕ್ರಿಕೆಟ್ ಅಕಾಡೆಮಿ ಜಿಮ್ಖಾನಾ ಮೈದಾನದಲ್ಲಿ ಆಯೋಜಿಸಿದ್ದ ಟೂರ್ನಿಯಲ್ಲಿ ಭಾನುವಾರ ಟಾಸ್ ಗೆದ್ದು ಬ್ಯಾಟ್‌ ಮಾಡಿದ ಎಚ್‌ಸಿಎ ತಂಡ ನಿಗದಿತ 30 ಓವರ್‌ಗಳಲ್ಲಿ 8 ವಿಕೆಟ್‌ ಕಳೆದುಕೊಂಡು 125 ರನ್‌ ಗಳಿಸಿತು. ಈ ತಂಡದ ಅನ್ಮೋಲ್‌ ಪಗಾಡ್‌ (41) ಗರಿಷ್ಠ ಸ್ಕೋರರ್‌ ಎನಿಸಿದರು. ಬಿಡಿಕೆ ತಂಡದ ಭುವನ್ ಬಿಸಿಡೋಣಿ ಎರಡು ವಿಕೆಟ್‌ ಉರುಳಿಸಿದರು. ಬಿಡಿಕೆ ತಂಡ 23 ಓವರ್‌ಗಳಲ್ಲಿ ನಾಲ್ಕು ವಿಕೆಟ್‌ ಕಳೆದುಕೊಂಡು ಗುರಿ ತಲುಪಿತು. ಅಬ್ದುಲ್‌ ಸಮಿ ದಿವಾನ್‌ಅಲಿ (58, 45ಎಸೆತ, 11ಬೌಂಡರಿ) ಮತ್ತು ರೋಹಿತ್‌ ಎಂ. ಯರೇಸೀಮಿ (22) ಮೊದಲ ವಿಕೆಟ್‌ಗೆ 61 ರನ್‌ ಕಲೆಹಾಕಿ ಗೆಲುವಿನ ಹಾದಿ ಸುಗಮ ಮಾಡಿದರು.
