‘ಸಂಚಾರ ಪೊಲೀಸರು ಬಳಸುವ ಬ್ಲಾಕ್‌ಬೆರಿ ಯಂತ್ರದಲ್ಲಿ ನೋ ಪಾರ್ಕಿಂಗ್‌ ಹಾಗೂ ಮೊಬೈಲ್‌ನಲ್ಲಿ ಮಾತನಾಡುತ್ತ ವಾಹನ ಚಾಲನೆಗೆ ಇದ್ದ ₹100 ದಂಡವನ್ನು ₹1,000ಕ್ಕೆ ಹೆಚ್ಚಿಸಲಾಗಿದೆ. ಇದನ್ನುಮಾತ್ರ ಬದಲಾಯಿಸುವ ಅವಕಾಶ ಆ ಯಂತ್ರದಲ್ಲಿದೆ. ಹೊಸ ಸಾಫ್ಟ್‌ವೇರ್‌ ಅಳವಡಿಸಿದ ಬಳಿಕವೇ ದಂಡ ವಿಧಿಸುವ ಹೊಸ ನಿಯಮ ಜಾರಿಗೆ ತರಬೇಕಿದೆ. ಇದಕ್ಕೆ 15 ದಿನ ಸಮಯ ಬೇಕು.ಅಲ್ಲಿವರೆಗೆ ಸಾರ್ವಜನಿಕರಲ್ಲಿ ಜಾಗೃತಿ ಮೂಡಿಸಲಾಗುವುದು’ ಎಂದುಅಪರಾಧ ಮತ್ತು ಸಂಚಾರಿ ವಿಭಾಗದ ಡಿಸಿಪಿ ಶಿವಕುಮಾರ ಗುಣಾರೆ ‘ಪ್ರಜಾವಾಣಿ’ಗೆ ತಿಳಿಸಿದರು.
