ಕಾಡಾನೆ ದಾಳಿ; ಸಿಬ್ಬಂದಿಗೆ ಗಾಯ

ಹಲವಾರು ದಿನಗಳಿಂದ ಎಂಟು ಆನೆಗಳು ಅರಣ್ಯ ಪ್ರದೇಶಕ್ಕೆ ಹೊಂದಿಕೊಂಡ ತಂಬೂರ ಗ್ರಾಮದ ಅರಣ್ಯ ಪ್ರದೇಶದಲ್ಲಿ ಬೀಡು ಬಿಟ್ಟಿದ್ದವು. ಅರಣ್ಯ ಅಧಿಕಾರಿಗಳು ಎಂದಿನಂತೆ ತಂಬೂರ ಗ್ರಾಮದ ಗೌಳಿ ದಡ್ಡಿಯಿಂದ ಆನೆಗಳನ್ನು ಕಾಡಿಗೆ ಓಡಿಸಲು ಕಾರ್ಯಾಚರಣೆ ಮಾಡುತ್ತಿದ್ದ ವೇಳೆ ಮದ್ದಾನೆ ಅಧಿಕಾರಿಗಳ ಮೇಲೆ ದಾಳಿ ಮಾಡಿದೆ.

ತಾಲ್ಲೂಕು ವಲಯ ಅರಣ್ಯಾಧಿಕಾರಿ ಶ್ರೀಕಾಂತ ಪಾಟೀಲ ನೇತೃತ್ವದಲ್ಲಿ ಎಂ.ವೈ. ಛಲವಾದಿ, ಉಪವಲಯ ಅರಣ್ಯಾಧಿಕಾರಿ ಸುರೇಶ ಹರೋಲಿ, ಉಮೇಶ ಕಡಿ, ಮಹಾತೇಶ ಮಾಗಿ, ಸಿದ್ದಪ್ಪ ದೇವಣ್ಣವರ, ಮೌಶಿನ ಗುಳಗುಂದಿ, ಆನಂದ ಮನಗಣ್ಣವರ, ಮೌನೇಶ ಲಿಂಗನಶೆಟ್ಟಿ, ಕೃಷ್ಣ ಪಮ್ಮಾರ, ಪರಶುರಾಮ ಲಕ್ಕಣ್ಣವರ ಹಾಗೂ ಅರಣ್ಯ ವೀಕ್ಷಕರು ಕಾರ್ಯಾಚರಣೆಯಲ್ಲಿ ಪಾಲ್ಗೊಂಡಿದ್ದರು.

ಕಾರ್ಯಾಚರಣೆ ವೇಳೆ ಕಾಡಾನೆ ದಾಳಿ ಮಾಡಿದ್ದು, ಅದೃಷ್ಟವಶಾತ್ ಯಾರಿಗೂ ಪ್ರಾಣಕ್ಕೆ ತೊಂದರೆಯಾಗಿಲ್ಲ ಎಂದು ಶ್ರೀಕಾಂತ ಪಾಟೀಲ ತಿಳಿಸಿದರು.