‘ನಿಮ್ಮ ದೇಹ ಸ್ಥಿತಿಯನ್ನು ಅರಿತುಕೊಳ್ಳಿ...’

2020ರ ವರೆಗೆ ನಮ್ಮ ಗುರಿ ಅಂದರೆ ಶೇ 90ರಷ್ಟು ಎಚ್‌ಐವಿ ಸೋಂಕಿರುವವರು ತಮ್ಮ ಎಚ್‌.ಐ.ವಿ. ಸ್ಥಿತಿಯನ್ನು ತಿಳಿದಿರಬೇಕು.

ಶೇ 90ರಷ್ಟು ಎಚ್.ಐ.ವಿ ಸೋಂಕಿತರು ಎ.ಆರ್.ಟಿ ಚಿಕಿತ್ಸೆಯನ್ನು ಪಡೆದಿರಬೇಕು. ಎ.ಆರ್.ಟಿ ಪಡೆಯುತ್ತಿರು
ವವರು ತಮ್ಮ ವೈರಲ್ ಲೋಡ್ ಪ್ರಮಾಣ ಹೆಚ್ಚಾಗದಂತೆ ಜಾಗ್ರತೆ ವಹಿಸಬೇಕು. ಈ ನಿಟ್ಟಿನಲ್ಲಿ ಜಿಲ್ಲಾ ಆಸ್ಪತ್ರೆ ಹಾಗೂ ತಾಲ್ಲೂಕು ಆಸ್ಪತ್ರೆಯಲ್ಲಿ ಐ.ಸಿ.ಟಿ,ಸಿ ಕೇಂದ್ರಗಳನ್ನು ತೆರೆಯಲಾಗಿದೆ. ಇಲ್ಲಿ ಬಂದಂತಹ ಅಭ್ಯರ್ಥಿಗಳಿಗೆ ಆಪ್ತಸಮಾಲೊಚಕರು ಎಚ್‌.ಐ.ವಿ ಬಗ್ಗೆ ಸಮಗ್ರ ಮಾಹಿತಿ ನೀಡಿ, ರಕ್ತತಪಾಸಣೆ ಮಾಡುತ್ತಾರೆ. ವರದಿಯನ್ನು ಗುಪ್ತವಾಗಿ ಇಡಲಾಗುತ್ತದೆ.

ಇನ್ನು ಗರ್ಭಿಣಿಯರು ತಪ್ಪದೆ ಮೂರು ತಿಂಗಳು ಇರುವಾಗಲೆ ತಪ್ಪದೆ ಎಚ್.ಐ.ವಿ ಪರೀಕ್ಷೆ ಮಾಡಿಸಿಕೊಳಬೇಕು. ಅವರಿಗೆ ಏನಾದರೂ ಸೋಂಕು ತಗುಲಿದ್ದರೆ ಮಗುವಿಗೆ ಎಚ್.ಐ.ವಿ ಬಾರದ ಹಾಗೆ ಔಷಧಿಯನ್ನು ನೀಡಿ ಮಗುವನ್ನು ಅದರಿಂದ ಕಾಪಾಡಬಹುದು. ತಾಯಿಗೂ ಸಹ ಎ.ಆರ್.ಟಿ ಮಾತ್ರೆಯನ್ನು ಆರಂಭ ಮಾಡಬೇಕು.

ಸೋಂಕಿತ ತಾಯಿಯು ಮಗುವಿಗೆ ಎದೆ ಹಾಲು ನೀಡಬಹುದು. ಎದೆ ಹಾಲು ಅತ್ಯಂತ ಸೂಕ್ತವಾದ ಆಹಾರ. ಆದರೆ ಉಸ್ತುವಾರಿಗೆ ತಾಯಿಯು ಐ.ಸಿ.ಟಿ,ಸಿ ಕೇಂದ್ರದೊಂದಿಗೆ ನಿಯಮಿತ ಸಂಪರ್ಕ ಹೊಂದಿರಬೇಕು. ಸರಿಯಾಗಿ ಎ.ಆರ್.ಟಿ ಮಾತ್ರೆಯನ್ನು ತೆಗೆದುಕೊಳ್ಳಬೇಕು. ಆರು ತಿಂಗಳವರೆಗೆ ಎದೆ ಹಾಲನ್ನು ಮಾತ್ರ ಕೊಡಬೇಕು.

ಮಗುವಿನ ರಕ್ತ ತಪಾಸಣೆಯನ್ನು 6 ವಾರ, 6 ತಿಂಗಳು, 12 ತಿಂಗಳು, 18 ತಿಂಗಳಲ್ಲಿ ಐ.ಸಿ.ಟಿ,ಸಿ ಕೇಂದ್ರದಲ್ಲಿ ಮಾಡಿಸಬೇಕು. ಇದರಿಂದ ಮಗುವಿಗೆ ತೊಂದರೆ ಬರುವುದಿಲ್ಲ. ಬಹಳ ಜನಕ್ಕೆ ತಾಯಿಯಿಂದ ಮಕ್ಕಳಿಗೆ ಬಂದರೆ ಮಗು ಬದುಕುವುದಿಲ್ಲ ಅನ್ನುವ ಭಾವನೆ ಇದೆ. ಇದು ಸರಿಯಲ್ಲ.

‘ಎಲ್ಲರ ಎಚ್‌ಐವಿ ಸ್ಥಿತಿ ಅರಿತುಕೊಳ್ಳಿ’ ಘೋಷಣೆಯಡಿ ವಿವಿಧೆಡೆಯಂತೆ ಜೈಲಿಗೆ ಹೊಗಿ ಕೈದಿಗಳ ರಕ್ತ ತಪಾಸಣೆಯನ್ನು ‘ಸಾಥಿ’ ಎಂಬ ಕಾರ್ಯಕ್ರಮದ ಅಡಿಯಲ್ಲಿ ಪಡೆದು, ಅವರ ಸಮ್ಮುಖದಲ್ಲಿಯೇ ನಮ್ಮ ಆಪ್ತ ಸಮಾಲೋಚಕರು ಮತ್ತು ಪ್ರಯೋಗಶಾಲೆ ತಂತ್ರಜ್ಞರ ಒಟ್ಟಿಗೆ ಮಾಡಲಾಯಿತು.

ಹುಬ್ಬಳ್ಳಿ ಮತ್ತು ಧಾರವಾಡದಲ್ಲಿ 577 ಕೈದಿಗಳನ್ನು ತಪಾಸಣೆ ಮಾಡಲಾಯಿತು. ಅವರಲ್ಲಿ ಎಚ್‌ಐವಿ ಸೋಂಕು ತಗುಲಿರುವ ಒಬ್ಬ ಕೈದಿ ಪತ್ತೆಯಾಗಿದ್ದು ಎ.ಆರ್.ಟಿ ಚಿಕಿತ್ಸೆಯನ್ನು ಕೊಡಿಸಲಾಗಿದೆ.