ಹಿಂದಿನ ಕಾಲದಲ್ಲಿ ಹೆಚ್ಚು ಬೇಡಿಕೆ ಇದ್ದಿದ್ದು ಸಿರಿಧಾನ್ಯಗಳಿಗೆ. ಆಗಿನ ಕಾಲದಲ್ಲಿ ನಮ್ಮ ಹಿರಿಯರು ಸಿರಿಧಾನ್ಯಗಳ ಆಹಾರ ಸೇವಿಸಿ ಗಟ್ಟಿಮುಟ್ಟಾಗಿದ್ದರು. ವರ್ಷಗಳು ಉರುಳಿದಂತೆ ಸಿರಿಧಾನ್ಯಗಳನ್ನು ಬಳಸುವವರ ಸಂಖ್ಯೆ ಕಡಿಮೆಯಾಗುತ್ತಾ ಬಂತು, ಬೇಡಿಕೆ ತಗ್ಗಿತ್ತು, ನಿರ್ಲಕ್ಷ್ಯಕ್ಕೆ ಒಳಗಾಗಿತ್ತು. ಆದರೆ ಇತ್ತೀಚಿನ ದಿನಗಳಿಂದ ಅವುಗಳಿಗೆ ಮತ್ತೆ ಪ್ರಾಮುಖ್ಯತೆ ಹೆಚ್ಚುತ್ತಿದೆ. ಬೇಡಿಕೆಯೂ ಏರಿಕೆಯಾಗಿದೆ. ರೈತರು ಕೂಡ ಸಿರಿಧಾನ್ಯ ಬೆಳೆಯುವತ್ತ ಒಲವು ತೋರಿಸುತ್ತಿದ್ದಾರೆ.
