ಯುವ ಸಮುದಾಯಕ್ಕೆ ನಾಯಕತ್ವ ಗುಣ ಮತ್ತು ಜೀವನ ಕೌಶಲವನ್ನು ಎನ್ಸಿಸಿ ಕಲಿಸುತ್ತದೆ. ಜ್ಯೂನಿಯರ್ ಮತ್ತು ಸೀನಿಯರ್ ಎಂಬ ಎರಡು ವಿಭಾಗದಲ್ಲಿ ಶಾಲಾ, ಕಾಲೇಜುಗಳಲ್ಲಿ ವಿದ್ಯಾರ್ಥಿಗಳು ದಾಖಲಾಗಬಹುದು. ಪ್ರತಿ ವಾರ ಶಾಲಾ, ಕಾಲೇಜುಗಳಲ್ಲಿ ಪರೇಡ್ ನಡೆಯುತ್ತದೆ. ಅಲ್ಲದೆ, ವರ್ಷಕ್ಕೊಮ್ಮೆ ಹತ್ತು ದಿನಗಳ ಶಿಬಿರಗಳನ್ನು ಸಹ ನಡೆಸಲಾಗುತ್ತದೆ. ಸೇನಾಪಡೆಯ ದೈನಂದಿನ ಚಟುವಟಿಕೆಗಳ ಹಾಗೆಯೇ ದಿನಚರಿ ಇರುವುದರಿಂದ ವಿದ್ಯಾರ್ಥಿಗಳಲ್ಲಿ ಉತ್ಸಾಹ ತುಂಬುತ್ತದೆ. ಇಲ್ಲಿ ತರಬೇತಿ ಪಡೆದವರು ನೌಕಾ ಪಡೆ, ವಾಯುಪಡೆ ಹಾಗೂ ಸೇನೆಗೆ ಆಯ್ಕೆಯಾಗಲು ಮತ್ತು ಕಾರ್ಯ ನಿರ್ವಹಿಸಲು ಅನುಕೂಲವಾಗುತ್ತದೆ. ನೌಕಾಪಡೆಯಲ್ಲಿಯೇ ಸುಮಾರು 55 ಸಾವಿರ ಎನ್ಸಿಸಿ ಕೆಡಿಟ್ಗಳು ಸೇವೆ ಸಲ್ಲಿಸುತ್ತಿದ್ದಾರೆ’ ಎಂದರು.