‘ಮೃಗಾಲಯದಲ್ಲಿರುವ ಒಂದು ಹುಲಿಗೆ ಪ್ರತಿನಿತ್ಯ 10 ಕೆ.ಜಿ. ಮಾಂಸವನ್ನು ಆಹಾರವಾಗಿ ನೀಡಲಾಗುತ್ತದೆ. ಇಲ್ಲಿರುವ ಎರಡು ಹುಲಿಗಳಿಗೆ 20 ಕೆ.ಜಿ. ಮಾಂಸ ಬೇಕು. 1 ಕೆ.ಜಿ. ದನದ ಮಾಂಸಕ್ಕೆ ₹135 ಇದ್ದು, ಪ್ರತಿ ದಿನ ಒಂದು ಹುಲಿಗೆ ಆಹಾರ ಪೂರೈಸಲು ₹1,350 ವ್ಯಯಿಸಬೇಕಾಗುತ್ತದೆ. ಗದಗ ಕಿರು ಮೃಗಾಲಯದ ಒಂದು ದಿನದ ಆದಾಯ ಇರುವುದು ₹4ರಿಂದ ₹5 ಸಾವಿರ ಮಾತ್ರ! ಇನ್ನು ಚಿರತೆ, ನರಿ, ಹೈನಾ, ತೋಳಗಳಿಗೆಲ್ಲ ಮಾಂಸ ಒದಗಿಸಲು ಪ್ರತಿನಿತ್ಯ ₹8 ಸಾವಿರಕ್ಕೂ ಹೆಚ್ಚು ಖರ್ಚಾಗುತ್ತದೆ’ ಎನ್ನುತ್ತಾರೆ ಬಿಂಕದಕಟ್ಟಿ ಮೃಗಾಲಯದ ಪಶುವೈದ್ಯಕೀಯ ಸಹಾಯಕ ಹಾಗೂ ಎಜುಕೇಷನ್ ಆಫೀಸರ್ ನಿಖಿಲ್ ಕುಲಕರ್ಣಿ.