<p><strong>ಗದಗ:</strong> ಮಣ್ಣಿನ ಗಣೇಶ ಮೂರ್ತಿ ತಯಾರಿಕೆ ಮತ್ತು ಬಳಕೆ ಉತ್ತೇಜಿಸಲು ಜಿಲ್ಲಾಡಳಿತವು ಪರಿಣಾಮಕಾರಿ ಕ್ರಮಗಳನ್ನು ಕೈಗೊಂಡ ನಂತರ, ಕಳೆದ 4 ವರ್ಷಗಳಿಂದ ಜಿಲ್ಲೆಯಲ್ಲಿ ಪಿಒಪಿ (ಪ್ಲಾಸ್ಟರ್ ಆಪ್ ಪ್ಯಾರೀಸ್) ಮೂರ್ತಿಗಳ ಬಳಕೆ ಗಣನೀಯವಾಗಿ ತಗ್ಗಿದೆ.</p>.<p>ಪಿಒಪಿ ಮೂರ್ತಿಗಳನ್ನು ನಿಷೇಧಿಸಿದ ಜಿಲ್ಲಾಡಳಿತವು, ಇದಕ್ಕೆ ಪರ್ಯಾಯವಾಗಿ ಮಣ್ಣಿನಮೂರ್ತಿ ತಯಾರಕರಿಗೆ ಅನುಕೂಲ ಕಲ್ಪಿಸಲು ಒಂದೇ ಸೂರಿನಡಿ ಮಾರಾಟ ಮಳಿಗೆಯ ಸೌಲಭ್ಯ ಒದಗಿಸಿತ್ತು. ಈ ಕ್ರಮದಿಂದಾಗಿ ಸಾರ್ವಜನಿಕರಿಗೆ ಒಂದೇ ಕಡೆ ತಮಗೆ ಬೇಕಾದ ಅಳತೆ, ಗಾತ್ರ, ವಿನ್ಯಾಸದ ಪರಿಸರಸ್ನೇಹಿ ಮೂರ್ತಿಗಳು ಸ್ಪರ್ಧಾತ್ಮಕ ದರದಲ್ಲಿ ಲಭಿಸುವಂತಾಯಿತು.</p>.<p>ಮೊದಲು ಗಣೇಶ ಮೂರ್ತಿ ತಯಾರಕರು ಮೂರ್ತಿ ಮಾರಾಟಕ್ಕಾಗಿ ನಗರದಲ್ಲಿ 10ರಿಂದ 15ದಿನಗಳವರೆಗೆ ಮಳಿಗೆ ಪಡೆಯಬೇಕೆಂದರೆ ₹15ರಿಂದ ₹20 ಸಾವಿರ ಬಾಡಿಗೆ ಪಾವತಿಸಬೇಕಿತ್ತು. ಜಿಲ್ಲಾಡಳಿತದ ಕ್ರಮದಿಂದ ಮಾರಾಟಗಾರರಿಗೆ ಬಾಡಿಗೆ ಹೊರೆ ತಪ್ಪಿದೆ. ನಗರದ ವ್ಯಾಪಾರಿಗಳು ಮಾತ್ರವಲ್ಲ, ಧಾರವಾಡ, ಹಾವೇರಿ, ಲಕ್ಷ್ಮೇಶ್ವರ, ಕುನ್ನೂರು, ಗುಡಿಗೇರಿಯಿಂದಲೂ ವ್ಯಾಪಾರಿಗಳು ಇಲ್ಲಿಗೆ ಮಣ್ಣಿನ ಮೂರ್ತಿಗಳನ್ನು ತಂದು ಮಾರಾಟ ಮಾಡುತ್ತಾರೆ.</p>.<p>ಕೈಯಿಂದಲೇ ತಯಾರಿ: ಇಲ್ಲಿನ ಟ್ಯಾಗೋರ್ ರಸ್ತೆಯಲ್ಲಿನ ಎಸ್.ಬಿ. ಕಿತ್ತೂರ ಗಣೇಶ ಮೂರ್ತಿ ತಯಾರಿಕ ಮಂಡಳಿಯಲ್ಲಿ ಬಣ್ಣ ಬಣ್ಣದ ಮೂರ್ತಿಗಳು ತಲೆ ಎತ್ತಿವೆ. ವಿಶೇಷವೆಂದರೆ ಇಲ್ಲಿ ಯಾವುದೇ ಅಚ್ಚನ್ನು ಬಳಸದೆ, ಕೈಯಿಂದಲೇ ಮೂರ್ತಿ ತಯಾರಿಸುತ್ತಾರೆ. ಜೇಡಿ ಮಣ್ಣಿನೊಂದಿಗೆ ಹತ್ತಿ ಮಿಶ್ರ ಮಾಡಿ ಮೂರ್ತಿ ತಯಾರಿಸುತ್ತಾರೆ.</p>.<p>ಮೂರ್ತಿ ತಯಾರಿಕೆಗೆ ಬೇಕಾದ ಜೇಡಿ ಮಣ್ಣನ್ನು ಶಿಗ್ಗಾಂವಿಯಿಂದ 4 ತಿಂಗಳ ಹಿಂದೆಯೇ ತಂದಿದ್ದಾರೆ. ಗಣೇಶನ ರುಂಡ, ಮುಂಡ, ಕೈ, ಕಾಲುಗಳನ್ನು ಪ್ರತ್ಯೇಕವಾಗಿ ತಯಾರಿಸಿ, ಒಣಗಿಸಿ ನಂತರ ಜೋಡಿಸುತ್ತಾರೆ. ‘ಗಣೇಶಮೂರ್ತಿಯೊಂದು ಸಂಪೂರ್ಣವಾಗಿ ಸಿದ್ಧಗೊಳ್ಳಲು 4 ದಿನ ಬೇಕಾಗುತ್ತದೆ. ಈಗಾಗಲೆ 1500 ರಿಂದ 2000 ಚಿಕ್ಕಗಾತ್ರದ ಮೂರ್ತಿಗಳನ್ನು ತಯಾರಿಸಲಾಗಿದೆ’ ಎಂದು ಕೆಲಸಗಾರ ಮುಸ್ತಾಕ್ ಹೇಳಿದರು.</p>.<p>ನಗರದಲ್ಲಿ ಅಂಗೈಯಗಲದ ಗಾತ್ರದಿಂದ ಹಿಡಿದು, 6 ಅಡಿ ಎತ್ತರದವರೆಗಿನ ಗಣೇಶ ವಿಗ್ರಹಗಳು ಲಭ್ಯವಿದೆ. ಮೂರ್ತಿಯ ಗಾತ್ರ, ಎತ್ತರ ಹೆಚ್ಚಿದಂತೆ ಒಡೆಯುವ ಸಾಧ್ಯತೆ ಹೆಚ್ಚು. ಒಂದೆಡೆಯಿಂದ ಇನ್ನೊಂದೆಡೆಗೆ ಸಾಗಿಸಲು ಕಷ್ಟ ಎನ್ನುತ್ತಾರೆ ಕಲಾವಿದರು. ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ಬಾರಿ ಬೆಲೆ ಏರಿಕೆಯಾಗಿದೆ. ಮುಖ್ಯವಾಗಿ ಮೂರ್ತಿ ತಯಾರಿಕೆಗೆ ಬಳಸುವ ಮಣ್ಣಿನ ಬೆಲೆ ಹೆಚ್ಚಿದೆ. ಕಾರ್ಮಿಕರ ಕೂಲಿಯೂ ಹೆಚ್ಚಿದೆ. ಸಣ್ಣಗಾತ್ರದ ಮೂರ್ತಿಗಳಿಗೆ ₹ 200 ರಿಂದ ಆರಂಭಿಸಿ ದೊಡ್ಡ ಗಾತ್ರದ ಮೂರ್ತಿಗೆ ₹ 15 ಸಾವಿರದವರೆಗೆ ಬೆಲೆ ಇದೆ ಎನ್ನುತ್ತಾರೆ ತಯಾರಕರು.</p>.<p>‘ಮಣ್ಣಿನ ಮೂರ್ತಿಗಳಿಗೆ ಲೇಪಿಸುವ ಬಣ್ಣಗಳು ರಾಸಾಯನಿಕ ರಹಿತವಾಗಿದ್ದು, ಪುಣೆ, ಮುಂಬೈ, ಕೊಲ್ಲಾಪುರದಿಂದ ಇದನ್ನು ತರಿಸುತ್ತೇವೆ. ಗಣೇಶನ ಹಬ್ಬಕ್ಕೆ ಇನ್ನೂ ಎರಡು ತಿಂಗಳು ಇರುವಾಗಲೇ ಮೂರ್ತಿ ತಯಾರಿಕೆ ಆರಂಭಗೊಂಡಿದೆ. ಪುರುಷರಿಗೆ ₹300 ರಿಂದ ₹600, ಮೂರ್ತಿಗಳಿಗೆ ಬಣ್ಣ ಲೇಪಿಸುವ ಮಹಿಳೆಯರಿಗೆ ₹ 200 ಕೂಲಿ ಇದೆ’ ಎಂದು ಮೂರ್ತಿ ತಯಾರಕ ಶರಣಪ್ಪ ಹೇಳಿದರು.</p>.<p>‘ಬಲಬದಿಗೆ ಸೊಂಡಿಲಿರುವ ಬಲಮುರಿ ಗಣೇಶನಿಗೆ ಹೆಚ್ಚಿನ ಬೇಡಿಕೆ ಇದೆ. ನಗರದ ನಿವಾಸಿಗಳು ಮಾತ್ರವಲ್ಲ, ಜಿಲ್ಲೆಯ ಸುತ್ತಮುತ್ತಲಿನ ಗ್ರಾಮಸ್ಥರು ಸಹ ಇಲ್ಲಿಗೆ ಮೂರ್ತಿಗಳನ್ನು ಖರೀದಿಸಲು ಬರುತ್ತಾರೆ. ಹಬ್ಬಕ್ಕೆ 5 ದಿನಗಳ ಬಾಕಿ ಉಳಿದಿರುವಾಗ ಖರೀದಿ ಭರಾಟೆ ಚುರುಕು ಪಡೆಯುತ್ತದೆ’ ಎಂದು ಅವರು ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಗದಗ:</strong> ಮಣ್ಣಿನ ಗಣೇಶ ಮೂರ್ತಿ ತಯಾರಿಕೆ ಮತ್ತು ಬಳಕೆ ಉತ್ತೇಜಿಸಲು ಜಿಲ್ಲಾಡಳಿತವು ಪರಿಣಾಮಕಾರಿ ಕ್ರಮಗಳನ್ನು ಕೈಗೊಂಡ ನಂತರ, ಕಳೆದ 4 ವರ್ಷಗಳಿಂದ ಜಿಲ್ಲೆಯಲ್ಲಿ ಪಿಒಪಿ (ಪ್ಲಾಸ್ಟರ್ ಆಪ್ ಪ್ಯಾರೀಸ್) ಮೂರ್ತಿಗಳ ಬಳಕೆ ಗಣನೀಯವಾಗಿ ತಗ್ಗಿದೆ.</p>.<p>ಪಿಒಪಿ ಮೂರ್ತಿಗಳನ್ನು ನಿಷೇಧಿಸಿದ ಜಿಲ್ಲಾಡಳಿತವು, ಇದಕ್ಕೆ ಪರ್ಯಾಯವಾಗಿ ಮಣ್ಣಿನಮೂರ್ತಿ ತಯಾರಕರಿಗೆ ಅನುಕೂಲ ಕಲ್ಪಿಸಲು ಒಂದೇ ಸೂರಿನಡಿ ಮಾರಾಟ ಮಳಿಗೆಯ ಸೌಲಭ್ಯ ಒದಗಿಸಿತ್ತು. ಈ ಕ್ರಮದಿಂದಾಗಿ ಸಾರ್ವಜನಿಕರಿಗೆ ಒಂದೇ ಕಡೆ ತಮಗೆ ಬೇಕಾದ ಅಳತೆ, ಗಾತ್ರ, ವಿನ್ಯಾಸದ ಪರಿಸರಸ್ನೇಹಿ ಮೂರ್ತಿಗಳು ಸ್ಪರ್ಧಾತ್ಮಕ ದರದಲ್ಲಿ ಲಭಿಸುವಂತಾಯಿತು.</p>.<p>ಮೊದಲು ಗಣೇಶ ಮೂರ್ತಿ ತಯಾರಕರು ಮೂರ್ತಿ ಮಾರಾಟಕ್ಕಾಗಿ ನಗರದಲ್ಲಿ 10ರಿಂದ 15ದಿನಗಳವರೆಗೆ ಮಳಿಗೆ ಪಡೆಯಬೇಕೆಂದರೆ ₹15ರಿಂದ ₹20 ಸಾವಿರ ಬಾಡಿಗೆ ಪಾವತಿಸಬೇಕಿತ್ತು. ಜಿಲ್ಲಾಡಳಿತದ ಕ್ರಮದಿಂದ ಮಾರಾಟಗಾರರಿಗೆ ಬಾಡಿಗೆ ಹೊರೆ ತಪ್ಪಿದೆ. ನಗರದ ವ್ಯಾಪಾರಿಗಳು ಮಾತ್ರವಲ್ಲ, ಧಾರವಾಡ, ಹಾವೇರಿ, ಲಕ್ಷ್ಮೇಶ್ವರ, ಕುನ್ನೂರು, ಗುಡಿಗೇರಿಯಿಂದಲೂ ವ್ಯಾಪಾರಿಗಳು ಇಲ್ಲಿಗೆ ಮಣ್ಣಿನ ಮೂರ್ತಿಗಳನ್ನು ತಂದು ಮಾರಾಟ ಮಾಡುತ್ತಾರೆ.</p>.<p>ಕೈಯಿಂದಲೇ ತಯಾರಿ: ಇಲ್ಲಿನ ಟ್ಯಾಗೋರ್ ರಸ್ತೆಯಲ್ಲಿನ ಎಸ್.ಬಿ. ಕಿತ್ತೂರ ಗಣೇಶ ಮೂರ್ತಿ ತಯಾರಿಕ ಮಂಡಳಿಯಲ್ಲಿ ಬಣ್ಣ ಬಣ್ಣದ ಮೂರ್ತಿಗಳು ತಲೆ ಎತ್ತಿವೆ. ವಿಶೇಷವೆಂದರೆ ಇಲ್ಲಿ ಯಾವುದೇ ಅಚ್ಚನ್ನು ಬಳಸದೆ, ಕೈಯಿಂದಲೇ ಮೂರ್ತಿ ತಯಾರಿಸುತ್ತಾರೆ. ಜೇಡಿ ಮಣ್ಣಿನೊಂದಿಗೆ ಹತ್ತಿ ಮಿಶ್ರ ಮಾಡಿ ಮೂರ್ತಿ ತಯಾರಿಸುತ್ತಾರೆ.</p>.<p>ಮೂರ್ತಿ ತಯಾರಿಕೆಗೆ ಬೇಕಾದ ಜೇಡಿ ಮಣ್ಣನ್ನು ಶಿಗ್ಗಾಂವಿಯಿಂದ 4 ತಿಂಗಳ ಹಿಂದೆಯೇ ತಂದಿದ್ದಾರೆ. ಗಣೇಶನ ರುಂಡ, ಮುಂಡ, ಕೈ, ಕಾಲುಗಳನ್ನು ಪ್ರತ್ಯೇಕವಾಗಿ ತಯಾರಿಸಿ, ಒಣಗಿಸಿ ನಂತರ ಜೋಡಿಸುತ್ತಾರೆ. ‘ಗಣೇಶಮೂರ್ತಿಯೊಂದು ಸಂಪೂರ್ಣವಾಗಿ ಸಿದ್ಧಗೊಳ್ಳಲು 4 ದಿನ ಬೇಕಾಗುತ್ತದೆ. ಈಗಾಗಲೆ 1500 ರಿಂದ 2000 ಚಿಕ್ಕಗಾತ್ರದ ಮೂರ್ತಿಗಳನ್ನು ತಯಾರಿಸಲಾಗಿದೆ’ ಎಂದು ಕೆಲಸಗಾರ ಮುಸ್ತಾಕ್ ಹೇಳಿದರು.</p>.<p>ನಗರದಲ್ಲಿ ಅಂಗೈಯಗಲದ ಗಾತ್ರದಿಂದ ಹಿಡಿದು, 6 ಅಡಿ ಎತ್ತರದವರೆಗಿನ ಗಣೇಶ ವಿಗ್ರಹಗಳು ಲಭ್ಯವಿದೆ. ಮೂರ್ತಿಯ ಗಾತ್ರ, ಎತ್ತರ ಹೆಚ್ಚಿದಂತೆ ಒಡೆಯುವ ಸಾಧ್ಯತೆ ಹೆಚ್ಚು. ಒಂದೆಡೆಯಿಂದ ಇನ್ನೊಂದೆಡೆಗೆ ಸಾಗಿಸಲು ಕಷ್ಟ ಎನ್ನುತ್ತಾರೆ ಕಲಾವಿದರು. ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ಬಾರಿ ಬೆಲೆ ಏರಿಕೆಯಾಗಿದೆ. ಮುಖ್ಯವಾಗಿ ಮೂರ್ತಿ ತಯಾರಿಕೆಗೆ ಬಳಸುವ ಮಣ್ಣಿನ ಬೆಲೆ ಹೆಚ್ಚಿದೆ. ಕಾರ್ಮಿಕರ ಕೂಲಿಯೂ ಹೆಚ್ಚಿದೆ. ಸಣ್ಣಗಾತ್ರದ ಮೂರ್ತಿಗಳಿಗೆ ₹ 200 ರಿಂದ ಆರಂಭಿಸಿ ದೊಡ್ಡ ಗಾತ್ರದ ಮೂರ್ತಿಗೆ ₹ 15 ಸಾವಿರದವರೆಗೆ ಬೆಲೆ ಇದೆ ಎನ್ನುತ್ತಾರೆ ತಯಾರಕರು.</p>.<p>‘ಮಣ್ಣಿನ ಮೂರ್ತಿಗಳಿಗೆ ಲೇಪಿಸುವ ಬಣ್ಣಗಳು ರಾಸಾಯನಿಕ ರಹಿತವಾಗಿದ್ದು, ಪುಣೆ, ಮುಂಬೈ, ಕೊಲ್ಲಾಪುರದಿಂದ ಇದನ್ನು ತರಿಸುತ್ತೇವೆ. ಗಣೇಶನ ಹಬ್ಬಕ್ಕೆ ಇನ್ನೂ ಎರಡು ತಿಂಗಳು ಇರುವಾಗಲೇ ಮೂರ್ತಿ ತಯಾರಿಕೆ ಆರಂಭಗೊಂಡಿದೆ. ಪುರುಷರಿಗೆ ₹300 ರಿಂದ ₹600, ಮೂರ್ತಿಗಳಿಗೆ ಬಣ್ಣ ಲೇಪಿಸುವ ಮಹಿಳೆಯರಿಗೆ ₹ 200 ಕೂಲಿ ಇದೆ’ ಎಂದು ಮೂರ್ತಿ ತಯಾರಕ ಶರಣಪ್ಪ ಹೇಳಿದರು.</p>.<p>‘ಬಲಬದಿಗೆ ಸೊಂಡಿಲಿರುವ ಬಲಮುರಿ ಗಣೇಶನಿಗೆ ಹೆಚ್ಚಿನ ಬೇಡಿಕೆ ಇದೆ. ನಗರದ ನಿವಾಸಿಗಳು ಮಾತ್ರವಲ್ಲ, ಜಿಲ್ಲೆಯ ಸುತ್ತಮುತ್ತಲಿನ ಗ್ರಾಮಸ್ಥರು ಸಹ ಇಲ್ಲಿಗೆ ಮೂರ್ತಿಗಳನ್ನು ಖರೀದಿಸಲು ಬರುತ್ತಾರೆ. ಹಬ್ಬಕ್ಕೆ 5 ದಿನಗಳ ಬಾಕಿ ಉಳಿದಿರುವಾಗ ಖರೀದಿ ಭರಾಟೆ ಚುರುಕು ಪಡೆಯುತ್ತದೆ’ ಎಂದು ಅವರು ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
