ಸುನೀತ ಸಾಮ್ರಾಟ ಕಣವಿ!

ಚನ್ನವೀರ ಕಣವಿ ಅವರು ಗದುಗಿನ ತೋಂಟದಾರ್ಯ ಮಠದೊಂದಿಗೆ ನಿಕಟ ಸಂಪರ್ಕ ಹೊಂದಿದ್ದರು. ಲಿಂಗೈಕ್ಯ ಸಿದ್ಧಲಿಂಗ ಶ್ರೀಗಳ ಜತೆಗೆ ಉತ್ತಮ ಒಡನಾಟ ಇರಿಸಿಕೊಂಡಿದ್ದರು. ಶ್ರೀಗಳ ಜತೆಗೆ ಗೋಕಾಕ್‌ ಚಳವಳಿಯಲ್ಲೂ ಭಾಗವಹಿಸಿದ್ದರು.

ಅಂದಹಾಗೆ, ಚನ್ನವೀರ ಕಣವಿ ಅವರು ಜನಿಸಿದ್ದು ಗದಗ ತಾಲ್ಲೂಕಿನ ಹೊಂಬಳ ಗ್ರಾಮದಲ್ಲಿ. ಹೊಂಬಳ ಗ್ರಾಮ ಕಣವಿ ಅವರ ತಾಯಿ ಪಾರ್ವತವ್ವ ಅವರ ತವರುಮನೆ. ತಂದೆ ಸಕ್ಕರಪ್ಪ ಅವರು ಪ್ರಾಥಮಿಕ ಶಾಲೆ ಶಿಕ್ಷಕರಾಗಿದ್ದರು. ಬಳಿಕ ಇವರ ಕುಟುಂಬ ಧಾರವಾಡ ಸಮೀಪದ ಗರಗ ಗ್ರಾಮಕ್ಕೆ ಸ್ಥಳಾಂತರಗೊಂಡಿತು.