ಕೋವಿಡ್‌: 1933 ಮಂದಿ ಚೇತರಿಕೆ

ಹಾಸನ: ಜಿಲ್ಲೆಯಲ್ಲಿ ಕೊರೊನಾ ಸೋಂಕಿತರ ಚೇತರಿಕೆ ಪ್ರಮಾಣದಲ್ಲಿ ಅಲ್ಪ ಏರಿಕೆಯಾಗಿದೆ. ಹೊಸದಾಗಿ ಶನಿವಾರ 1933 ಕೋವಿಡ್‌ ಪ್ರಕರಣಗಳು ಪತ್ತೆಯಾಗಿದ್ದು, ಚಿಕಿತ್ಸೆಗೆ ಸ್ಪಂದಿಸದೆ

14 ಮಂದಿ ಮೃತಪಟ್ಟಿದ್ದಾರೆ. ಸೋಂಕಿತರ ಸಂಖ್ಯೆ 72242ಕ್ಕೆ ಏರಿಕೆಯಾಗಿದ್ದು, 1930 ಮಂದಿ ಸೇರಿದಂತೆ ಒಟ್ಟಾರೆ 56965 ಮಂದಿ ಗುಣಮುಖರಾಗಿದ್ದಾರೆ. ಕಾಯಿಲೆಯಿಂದ ಈವರೆಗೆ 905 ಮಂದಿ ಮೃತಪಟ್ಟಿದ್ದಾರೆ. 14,372 ಸಕ್ರಿಯ ಪ್ರಕರಣಗಳ ಪೈಕಿ 130 ಮಂದಿ ತೀವ್ರ ನಿಗಾ ಘಟಕದಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಹೊಸದಾಗಿ ಆಲೂರು ತಾಲ್ಲೂಕಿನ 103, ಅರಕಲಗೂಡು 240, ಅರಸೀಕೆರೆ 255, ಬೇಲೂರು 198, ಚನ್ನರಾಯಪಟ್ಟಣ 141, ಹಾಸನ 614, ಹೊಳೆನರಸೀಪುರ 234, ಸಕಲೇಶಪುರ 145 ಹಾಗೂ ಇತರೆ ಜಿಲ್ಲೆಯ ಮೂವರಿಗೆ ಕೊರೊನಾ ಸೋಂಕು ತಗುಲಿದೆ. ಹಾಸನ ತಾಲ್ಲೂಕಿನ 4, ಚನ್ನರಾಯಪಟ್ಟಣ, ಹೊಳೆನರಸೀಪುರದ ಮೂವರು, ಅರಕಲಗೂಡು 2, ಅರಸೀಕೆರೆ, ಸಕಲೇಶಪುರದ ತಲಾ ಒಬ್ಬರು ಕೊರೊನಾ ಸೋಂಕಿನಿಂದ ಮೃತಪಟ್ಟಿದ್ದಾರೆ ಎಂದು ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿ ಡಾ.ಕೆ.ಎಂ.ಸತೀಶ್ ಕುಮಾರ್‌ ತಿಳಿಸಿದ್ದಾರೆ.