ಹಳೇಬೀಡು: ಮನೆಗಳಿಗೆ ನುಗ್ಗಿದ ಚರಂಡಿ ನೀರು, ಪರದಾಟ

ಚರಂಡಿ ನೀರು ವೃದ್ಧೆ ಲಕ್ಷ್ಮಮ್ಮ ಹಾಗೂ ಕಾಮತ್ ಅವರ ಮನೆಗೆ ನುಗ್ಗಿತ್ತು. ಸುತ್ತಮುತ್ತಲಿನ ನಿವಾಸಿಗಳು ಕಷ್ಟಪಟ್ಟು ಚರಂಡಿ ನೀರನ್ನು ಮುಂದೆ ಸಾಗಿಸಿದರು. ಹೀಗಾಗಿ ಮತ್ತಷ್ಟು ಮನೆಗಳಿಗೆ ನೀರು ನುಗ್ಗುವುದು ತಪ್ಪಿತು. ಪುಟ್ಟ ಮನೆಯಲ್ಲಿ ತುಂಬಿಕೊಂಡಿದ್ದ ನೀರನ್ನು ಹೊರಹಾಕಲು ನಿಶ್ಯಕ್ತರಾದ ಲಕ್ಷ್ಮಮ್ಮ ಪಡಬಾರದ ಕಷ್ಟ ಅನುಭವಿಸಿದರು. ಕಾಮತ್ ಅವರೂ ಸಹ ಮಳೆ ನೀರನ್ನು ಮನೆಯಿಂದ ಹೊರಹಾಕಲು ಕಷ್ಟಪಟ್ಟರು.

ಗ್ರಾಮ ಪಂಚಾಯಿತಿ ಸದಸ್ಯರಾದ ಎಚ್.ಕೆ.ಶಿವಕುಮಾರ್ ಹಾಗೂ ಎಚ್.ಎಂ.ರಮೇಶ್ ಸ್ಥಳಕ್ಕೆ ಭೇಟಿ ನೀಡಿ, ‘ಸರಾಗವಾಗಿ ನೀರು ಹರಿಯುವಂತೆ ಮಾಡಿಸಲು ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿಯೊಂದಿಗೆ ಮಾತನಾಡುತ್ತೇವೆ’ ಎಂದರು.