ಹಾಸನ: ಸಕ್ರಿಯ ಪ್ರಕರಣ 430ಕ್ಕೆ ಏರಿಕೆ

ಹಾಸನ: ಜಿಲ್ಲೆಯಲ್ಲಿ ಹೊಸದಾಗಿ 73 ಜನರಿಗೆ ಕೊರೊನಾ ಸೋಂಕು ಪತ್ತೆಯಾಗಿದ್ದು, ಇದುವರೆಗೆ ಸೋಂಕಿತರ
ಸಂಖ್ಯೆ 29,470 ಏರಿಕೆಯಾಗಿದೆ.

430 ಸಕ್ರಿಯ ಪ್ರಕರಣಗಳ ಪೈಕಿ ತೀವ್ರ ನಿಗಾ ಘಟಕದಲ್ಲಿ 11 ಮಂದಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಬುಧವಾರ
ಬಿಡುಗಡೆಯಾದ 38 ಮಂದಿ ಸೇರಿದಂತೆ ಇದುವರೆಗೆ 28,568 ರೋಗಿಗಳು ಗುಣಮುಖರಾಗಿ
ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ. ಕಾಯಿಲೆಯಿಂದ ಈವರೆಗೆ ಒಟ್ಟು 472 ಮಂದಿ ಮೃತರಾಗಿದ್ದಾರೆ.

ಹೊಸದಾಗಿ ಹಾಸನ ತಾಲ್ಲೂಕಿನಲ್ಲಿ 36 ಮಂದಿ, ಅರಸೀಕೆರೆ 12, ಚನ್ನರಾಯಪಟ್ಟಣ 14, ಅರಕಲಗೂಡು 2, ಬೇಲೂರು 3, ಹೊಳೆನರಸೀಪುರ 4, ಸಕಲೇಶಪುರ ತಾಲ್ಲೂಕಿನ ಇಬ್ಬರಿಗೆ ಕೋವಿಡ್‌ ದೃಢಪಟ್ಟಿದೆ ಎಂದು ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿ ಡಾ. ಸತೀಶ್ ಕುಮಾರ್‌ ತಿಳಿಸಿದ್ದಾರೆ.