ಕಾಣದ ರೋಗಕ್ಕೆ ಮನದಲ್ಲೇ ಪರಿಹಾರ

ಹಾವೇರಿ: ಬದುಕಿಗೆ ವಿಜ್ಞಾನ, ತಂತ್ರಜ್ಞಾನದ ಜೊತೆ ಧ್ಯಾನವೂ ಬಹುಮುಖ್ಯ. ಅಂಗವೇ ಲಿಂಗವಾಗುವ ಧ್ಯಾನದ ‘ಸಹಜ ಶಿವಯೋಗ’ವು ಕಾಣದ ಕಾಯಿಲೆಗಳಿಗೂ ಪರಿಹಾರ ನೀಡುತ್ತದೆ ಎಂದು ಡಾ.ಶಿವಮೂರ್ತಿ ಮುರುಘಾ ಶರಣರು ಹೇಳಿದರು.

. ಲಿಂ.ನೈಘಂಟಿನ ಸಿದ್ದಬಸವ ಮುರುಘರಾಜೇಂದ್ರ ಸ್ವಾಮೀಜಿ ಹಾಗೂ ಅಥಣಿ ಮುರುಘೇಂದ್ರ ಶಿವಯೋಗಿಗಳ ಸ್ಮರಣೋತ್ಸವದ ನಿಮಿತ್ತ ಇಲ್ಲಿನ ಹೊಸಮಠದಲ್ಲಿ ನಡೆಯುತ್ತಿರುವ ‘ಶರಣ ಸಂಸ್ಕೃತಿ ಉತ್ಸವ’ದಲ್ಲಿ ಶನಿವಾರ ಬೆಳಿಗ್ಗೆ ‘ಸಹಜ ಶಿವಯೋಗ’ದ ಪ್ರಾತ್ಯಕ್ಷಿಕೆ ನೀಡಿ ಮಾತನಾಡಿದರು.

. ಖಿನ್ನತೆಯು ಬಾಲ್ಯದಿಂದ ವೃದ್ಧಾಪ್ಯ ತನಕ ಸಾಮಾನ್ಯನಿಂದ ಸ್ವಾಮೀಜಿಗಳ ತನಕ ಎಲ್ಲರಿಗೂ ಕಾಡುವ ಕಾಯಿಲೆ. ಈ ಮಹಾಮಾರಿಯು ಹಲವರ ಬದುಕಗಳನ್ನೂ ಬಲಿ ಪಡೆದಿದೆ. ಇದು, ವೈದ್ಯಕೀಯ ಪರೀಕ್ಷೆಗಳಲ್ಲಿ ಪತ್ತೆಯಾಗದಿರಬಹುದು. ಆದರೆ, ಪರಿಣಾಮಕಾರಿ ಧ್ಯಾನದಿಂದ ಬಗೆಹರಿಸಬಹುದು ಎಂದರು.

. ಒಳಗಿನ ಸಮಸ್ಯೆಗಳಿಗೆ ಹೊರಗೆ ಪರಿಹಾರ ಹುಡುಕಾಡಬೇಡಿ. ಅಂತರಂಗದಲ್ಲಿ ಪಾರಮಾರ್ಥ ತುಂಬಿಕೊಳ್ಳಿ. ಬದುಕೇ ಧ್ಯಾನವಾಗಲಿ, ಸಮಸ್ಯೆಗಳು ಕರಗಿ ಹೋಗುತ್ತವೆ ಎಂದರು.

. ಪಾಶ್ಚಾತ್ಯದ ಸಿದ್ಧಾಂತಗಳು ತತ್ವಜ್ಞಾನ ನೀಡಿದರೆ, ಶರಣರು ತತ್ವಜ್ಞಾನದ ಜೊತೆ ಕಾಯಕವನ್ನು ನೀಡಿದ್ದಾರೆ. ಹೀಗಾಗಿ, ಧ್ಯಾನ, ಏಕಾಗ್ರತೆ, ಶಿಯೋಗಗಳನ್ನು ‘ಪಾರ್ಟ್ ಟೈಮ್ ’ ರೀತಿ ಮಾಡಬೇಡಿ. ಧ್ಯಾನದಲ್ಲಿ ಲೀನವಾಗಿ, ಕಣ್ಣಲ್ಲಿ ಭಾಷ್ಪ ತುಂಬುವಷ್ಟು ತಲ್ಲೀನರಾಗಿ ಎಂದರು.

. ಅದಕ್ಕಾಗಿ ಸತ್ಯ ಶುದ್ಧ ಕಾಯಕ ಮಾಡಿ. ಸತ್ ಚಿಂತನೆ, ಸದ್ಭಾವನೆ, ಸದ್ವರ್ತನೆಗಳಿಂದ ಸನ್ಮಾರ್ಗ ಮತ್ತು ಯಶಸ್ಸು ಕಂಡುಕೊಳ್ಳಿ ಎಂದ ಅವರು, ಬಸವಣ್ಣನವರ ಮಾರ್ಗವನ್ನು ರಾಷ್ಟ್ರಕವಿ ಕುವೆಂಪು ಅವರು ‘ಋಜುಮಾರ್ಗ’ ಎಂದು ಕರೆದಿದ್ದಾರೆ ಎಂದರು.

. ಹಾವನೂರು ದಳವಾಯಿ ಮಠದ ಸಿದ್ಧಲಿಂಗ ಸ್ವಾಮೀಜಿ ಮಾತನಾಡಿ, ತನುವಿದ್ದಲ್ಲೇ ಮನ ಇರಬೇಕು. ನಮ್ಮ ಮನಸ್ಸಿನ ಮೇಲೆ ನಮಗೆ ನಿಯಂತ್ರಣ ಇರಬೇಕು ಎಂದರು.

. ತಿಪ್ಪಾಯಿಕೊಪ್ಪದ ಮಹಾಂತ ದೇವರು ಮಾತನಾಡಿ, ‘ಶರಣ ಸಂಸ್ಕೃತಿ’ಯು ಪುರಾಣವಲ್ಲ. ಅದು, ಚಲನಶೀಲ, ಸದಾ ಬದುಕು ಮತ್ತು ಬದಲಾವಣೆಗೆ ಸ್ಪಂದಿಸುವ ಸಂಸ್ಕೃತಿ. ಪೂಜೆಗಾಗಿಯೇ ಪ್ರತ್ಯೇಕ ಸಮಯ ಮತ್ತು ಹಣದ ದುಂಧುವೆಚ್ಚ ಬೇಡ. ಕಾಯಕದಲ್ಲೇ ಭಗವಂತನ ಕಾಣಿರಿ. ದಾಸೋಹದಲ್ಲಿ ನೆಮ್ಮದಿ ಪಡೆಯಿರಿ ಎಂದರು.

. ಸಾಮರಸ್ಯ, ಸಮಭಾವದ ಸಂದೇಶವನ್ನು ಸಹಜ ಶಿವಯೋಗ ನೀಡಿದೆ ಎಂದು ಚಿತ್ರಕಲಾವಿದ ಎಂ.ಡಿ. ರಫಿ ಹೇಳಿದರು. ಹೊಸಮಠದ ಚರಮೂರ್ತಿ ಬಸವಶಾಂತಲಿಂಗ ಸ್ವಾಮೀಜಿ, ಅಗಡಿ ತೋಟದ ಜಯದೇವ ಅಗಡಿ, ಉತ್ಸವ ಸಮಿತಿ ಅಧ್ಯಕ್ಷ ಪ್ರಕಾಶ್ ಶೆಟ್ಟಿ, ಕಾರ್ಯಾಧ್ಯಕ್ಷ ಡಾ.ಮೃತ್ಯುಂಜಯ ತುರಕಾಣಿ, ಉಪಾಧ್ಯಕ್ಷ ಇಂಧೂದರ ಯರೇಶಿಮ ಇದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕಾಣದ ರೋಗಕ್ಕೆ ಮನದಲ್ಲೇ ಪರಿಹಾರ

ಚಿನಕುರುಳಿ | ಶುಕ್ರವಾರ, 18 ಜುಲೈ 2025

ಚುರುಮುರಿ | ಬಾಹ್ಯಾಕಾಶ ಪುರಾಣ!

ರಾಯಚೂರು: ಕೆಡಿಪಿ ಸಭೆಯಲ್ಲಿ ನೆಲದ ಮೇಲೆ ಕುಳಿತು ಶಾಸಕಿ ಕರೆಮ್ಮ ನಾಯಕ ಧರಣಿ

'ಜೂನಿಯರ್' ಚಿತ್ರ ವಿಮರ್ಶೆ: ಸಿರಿವಂತ ಸಿನಿಮಾದಲ್ಲಿ ಕಥೆಯೇ ಬಡವ

ಜಿಂಬಾಬ್ವೆ ವಿರುದ್ಧ ನ್ಯೂಜಿಲೆಂಡ್‌ಗೆ ಜಯ

2036ರ ಒಲಿಂಪಿಕ್ಸ್‌ಗೆ ಸಿದ್ಧತೆ: ಅಮಿತ್‌ ಶಾ

IND vs ENG: ಜಡೇಜ ಆಟ ಕೊಂಡಾಡಿದ ಟೀಮ್ ಇಂಡಿಯಾ

ಫಿಡೆ ಮಹಿಳಾ ವಿಶ್ವಕಪ್‌ ಟೂರ್ನಿ: ಎಂಟರ ಘಟ್ಟಕ್ಕೆ ಭಾರತದ ನಾಲ್ವರು

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಶುಕ್ರವಾರ, 18 ಜುಲೈ 2025

ಚುರುಮುರಿ | ಬಾಹ್ಯಾಕಾಶ ಪುರಾಣ!

ರಾಯಚೂರು: ಕೆಡಿಪಿ ಸಭೆಯಲ್ಲಿ ನೆಲದ ಮೇಲೆ ಕುಳಿತು ಶಾಸಕಿ ಕರೆಮ್ಮ ನಾಯಕ ಧರಣಿ

'ಜೂನಿಯರ್' ಚಿತ್ರ ವಿಮರ್ಶೆ: ಸಿರಿವಂತ ಸಿನಿಮಾದಲ್ಲಿ ಕಥೆಯೇ ಬಡವ