ಅಪಘಾತ: ಸವಾರ ಸಾವು

ಕಮಲಾಪುರ: ಪಟ್ಟಣದ ಪೊಲೀಸ್ ಠಾಣೆ ಎದುರು ಕಾರು- ಬೈಕ್ ಮಧ್ಯೆ ಡಿಕ್ಕಿ ಸಂಭವಿಸಿ ಬೈಕ್ ಸವಾರ ಮೃತಪಟ್ಟ ಘಟನೆ ಮಂಗಳವಾರ ನಡೆದಿದೆ.

ಕಲಬುರ್ಗಿ ತಾಲ್ಲೂಕಿನ ಕೆರೆ ಭೋಸಗಾದ ಸಚಿನ್ ನಾಗಣ್ಣ ಚಲವಾದಿ (23) ಮೃತಪಟ್ಟವರು.

ಮಂಗಳವಾರ ಹುಮನಾಬಾದ್‍ಗೆ ತೆರಳಿದ್ದ ಸಚಿನ್ ತಮ್ಮ ಅಳಿಯನ ಬೈಕ್ ತೆಗೆದುಕೊಂಡು ಕೆರೆ ಭೋಸಗಾಕ್ಕೆ ಮರಳುತ್ತಿದ್ದರು. ಕಲಬುರ್ಗಿಯಿಂದ ಹುಮನಾಬಾದ್ ಕಡೆಗೆ ತೆರಳುತ್ತಿದ್ದ ಕಾರು ಡಿಕ್ಕಿ ಹೊಡೆದಿದೆ. ತೀವ್ರ ಗಾಯಗೊಂಡಿದ್ದ ಇವರನ್ನು ಕಲಬುರ್ಗಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಚಿಕಿತ್ಸೆ ಫಲಕಾರಿಯಾಗದೆ ಕೊನೆಯುಸಿರೆಳೆದಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಕಮಲಾಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.