ಚಿಂಚೋಳಿ: ಇಲ್ಲಿನ ಗಾರಂಪಳ್ಳಿ ಗ್ರಾಮದಲ್ಲಿ ಮಳೆಗಾಲದ ವೇಳೆ ಅಂತ್ಯಸಂಸ್ಕಾರಕ್ಕೆ ಶವ ಸಾಗಿಸಲು ಗ್ರಾಮಸ್ಥರು ಪರದಾಡುವಂತೆ ಆಗಿದೆ.
ಗ್ರಾಮದ ಪರಿಶಿಷ್ಟ ಜಾತಿ, ಎಡ ಬಲ ವರ್ಗದ ಮೃತರ ಅಂತ್ಯಕ್ರಿಯೆಗೆ ಗೌಡನಹಳ್ಳಿ ಹಾದಿ ವ್ಯಾಪ್ತಿಯಲ್ಲಿ ಸ್ಥಳ ಗೊತ್ತುಪಡಿಸಲಾಗಿದೆ. ಈ ಮಾರ್ಗದಲ್ಲಿ ಹರಿಯುವ ಹಳ್ಳಕ್ಕೆ ಸೇತುವೆ ಇಲ್ಲ. ಹೀಗಾಗಿ, ಮಳೆಗಾಲದಲ್ಲಿ ಹಳ್ಳದಿಂದ ಶವ ಹೊತ್ತು ಸಾಗಲು ಗ್ರಾಮಸ್ಥರು ಪರದಾಡುವಂತಿದೆ.
ಕೋಲಿ, ಕುರುಬ, ಭೋವಿ, ಸೇರಿದಂತೆ ಇತರೆ ಸಮುದಾಯದ ಜನರ ಅಂತ್ಯಕ್ರಿಯೆಗೂ ಇಂತಹದ್ದೆ ಸಮಸ್ಯೆ ಇದೆ. ಈ ಭಾಗದಲ್ಲಿ ಸೇತುವೆ ನಿರ್ಮಿಸಿದರೆ ಅಂತ್ಯಕ್ರಿಯೆಗೆ ಶವ ಹೊತ್ತು ಸಾಗಲು ಅನುಕೂಲವಾಗುತ್ತದೆ ಎನ್ನುತ್ತಾರೆ ಗ್ರಾಮದ ಮುಖಂಡ ಸಂಜೀವಕುಮಾರ.
ರುದ್ರಭೂಮಿಯ ದಾಖಲೆಪತ್ರ ಲಗತ್ತಿಸಿ ಕಚೇರಿಗೆ ಅರ್ಜಿ ಸಲ್ಲಿಸಿದರೆ ಸೂಕ್ತ ಕ್ರಮ ಕೈಗೊಳ್ಳಲಾಗುವುದು ಎಂದು ತಹಶೀಲ್ದಾರ್ ಅರುಣಕುಮಾರ ಕುಲಕರ್ಣಿ ‘ಪ್ರಜಾವಾಣಿ‘ಗೆ ತಿಳಿಸಿದರು.
