ಲಾರಿ ಡಿಕ್ಕಿ: 6 ತಿಂಗಳ ಮಗು, ತಾಯಿ ಸಾವು

ಅಜಾದಪುರ ರಸ್ತೆಯ ಉಮರ್ ಕಾಲೊನಿ ನಿವಾಸಿಗಳಾದ ಇನ್ಶಿರಾ ಮಹ್ಮದಿ (6 ತಿಂಗಳು), ತಾಯಿ ಸುಲ್ತಾನಾ ಬೇಗಂ (30) ಮೃತಪಟ್ಟವರು. 9 ವರ್ಷದ ಸಾಯಮಾ ನಾಜಾ ಕಾಲಿಗೆ ಗಂಭೀರ ಗಾಯವಾಗಿದ್ದು, ಈಕೆಯನ್ನು ಜಿಲ್ಲಾ ಆಸ್ಪತ್ರೆಗೆ ದಾಖಲಿಸಲಾಗಿದೆ.
ನಗರದ ಕಣ್ಣಿ ಮಾರ್ಕೆಟ್‌ನಲ್ಲಿ ತರಕಾರಿ ವ್ಯಾಪಾರಿಯಾಗಿರುವ ಸುಲ್ತಾನಾ ಅವರ ಪತಿ ಮಹ್ಮದ್ ರಫೀಕ್ ಅವರು ಬೈಕ್‌ನಲ್ಲಿ ಕುಟುಂಬದೊಂದಿಗೆ ತೆರಳುತ್ತಿದ್ದರು. ಈ ವೇಳೆ ಲಾರಿ ಡಿಕ್ಕಿ ಹೊಡೆದಿದೆ.

ಅಪಘಾತದಿಂದಾಗಿ ಸೇಡಂ ರಸ್ತೆಯಲ್ಲಿ ಕೆಲಹೊತ್ತು ಸಂಚಾರ ಅಸ್ತವ್ಯಸ್ತವಾಗಿತ್ತು. ಸ್ಥಳಕ್ಕೆ ಭೇಟಿ ನೀಡಿದ ಸಂಚಾರ ಠಾಣೆ ಪೊಲೀಸರು ಪರಿಶೀಲನೆ ನಡೆಸಿದರು.