ಬಹುಭಾಷೆಗಳ ಅರಿವಿನಿಂದ ಜ್ಞಾನ ಸಮೃದ್ಧ: ಲೇಖಕಿ ದೀಪಾ ಬಾಸ್ತಿ ಅಭಿಮತ

‘ಸಂವಿಧಾನದಲ್ಲಿರುವ ಮಹಿಳಾ ಸಬಲೀಕರಣದ ಆಶಯಗಳು ಎಲ್ಲಿಯವರೆಗೂ ಈಡೇರುವುದಿಲ್ಲವೋ ಅಲ್ಲಿಯ ತನಕವೂ ಡಾ.ಬಿ.ಆರ್‌.ಅಂಬೇಡ್ಕರ್‌ ವಿಚಾರಗಳು ಪ್ರಸ್ತುತವಾಗಿರುತ್ತವೆ’ ಎಂದು ಲೇಖಕಿ ದೀಪಾ ಭಾಸ್ತಿ ಹೇಳಿದರು. ‘ಮಹಿಳೆಯರ ಬಗೆಗೆ ಡಾ.ಬಿ.ಆರ್‌.ಅಂಬೇಡ್ಕರ್ ಅತ್ಯಂತ ಅತ್ಯಾಧುನಿಕ ಅನಿಸಿಕೆಗಳು ಪ್ರಗತಿಪರ ವಿಚಾರಗಳನ್ನು ಹೊಂದಿದ್ದರು. ಮಹಿಳೆಯರ ಸಾಮಾಜಿಕ ಶೈಕ್ಷಣಿಕ ಆರ್ಥಿಕ ರಾಜಕೀಯ ಸಮಾನತೆ ವಿಚಾರಗಳು ಇಂದೆಲ್ಲ ಪ್ರಗತಿಪರ ಎನಿಸುತ್ತವೆ. ಆದರೆ ಹಲವು ದಶಕಗಳಿಗೂ ಮುನ್ನವೇ ಡಾ.ಅಂಬೇಡ್ಕರ್ ಇವುಗಳನ್ನು ಹೇಳಿದ್ದಾರೆ’ ಎಂದರು.

‘ಜಾತಿ ಕಾರಣಕ್ಕೆ ಬದುಕಿನಲ್ಲಿ ಇಂದಿಗೂ ಅವಮಾನ ತಪ್ಪಿಲ್ಲ’ ಎಂದು ಮಹಾಯಾನ ಕೃತಿಯ ಲೇಖಕ ಪ್ರೊ.ಎಚ್.ಟಿ.ಪೋತೆ ವಿಷಾದಿಸಿದರು. ‘ಟೀಕೆಗಳು ಸಾಯುತ್ತವೆ ಕೆಲಸಗಳು ಉಳಿಯುತ್ತವೆ ಎಂಬ ಕುವೆಂಪು ಮಾತಿನಂತೆ ನಾನು ಬದುಕಲು ಪ್ರಯತ್ನಿಸಿದೆ. ಬುದ್ಧ ಬಸವ ಅಂಬೇಡ್ಕರ್‌ ಅವರನ್ನು ಪಡೆದುಕೊಂಡರೆ ಬದುಕಿನಲ್ಲಿ ಅಪಮಾನ ಕಳೆದುಕೊಳ್ಳಲು ಸಾಧ್ಯವಿದೆ. ಆದರೆ ಯುವಪೀಳಿಗೆಯಲ್ಲಿ ಯಾರೊಬ್ಬರೂ ಅಂಬೇಡ್ಕರ್ ಅವರನ್ನು ಓದದಿರುವುದು ದುರದೃಷ್ಟಕರ’ ಎಂದು ಕಳವಳ ವ್ಯಕ್ತಪಡಿಸಿದರು.