ಲಾಕ್‌ಡೌನ್‌ ಸಂಕಷ್ಟ | ಜಮೀನಿನಲ್ಲೇ ಉಳಿದಿದೆ ಹೂಕೋಸು

‘10 ವರ್ಷಗಳಿಂದ ಹೂಕೋಸು ಬೆಳೆಯುತ್ತಿದ್ದೇನೆ. ಪ್ರತಿ ವರ್ಷ ಏಜೆನ್ಸಿಯವರು ಮುಂಬೈ ಮಾರುಕಟ್ಟೆಗೆ ಕಳುಹಿಸುತ್ತಿದ್ದರು. 50 ಹೂಕೋಸುಗಳಿಗೆ ₹500 ದರ ಸಿಗುತ್ತಿತ್ತು. ಎಕರೆಗೆ ₹1ಲಕ್ಷ ಆದಾಯ ಬರುತ್ತಿತ್ತು. ಆದರೆ,ಈಗ ಸ್ಥಳೀಯ ಮಾರುಕೊಟ್ಟೆಯಲ್ಲಿ ರೂಪಾಯಿಗೊಂದು ಕೊಡುವಂತೆ ಕೇಳುತ್ತಿದ್ದಾರೆ.ಎಕರೆಗೆ ₹ 50 ಸಾವಿರ ಖರ್ಚಾಗಿದ್ದು, ಹಾಕಿದ ಹಣ ಬಂದರೆ ಸಾಕು ಎಂಬಂತಾಗಿದೆ’ ಎಂದು ರೈತ ಅಳಲು ತೋಡಿಕೊಂಡರು.

‘ಬ್ಯಾಂಕ್‌ನಲ್ಲಿ ಬೆಳೆ ಸಾಲ ಪಡೆದಿದ್ದೇನೆ. ಸದ್ಯ ಕಟಾವು ಮಾಡಲೇ ಬೇಕು. ಅವಧಿ ಮೀರಿದರೆ ಯಾರೂ ಖರೀದಿಸುವುದಿಲ್ಲ. ನಾನು ಬೆಳೆದಿರುವ ಹೂಕೋಸುಗಳ ಮಾರಾಟಕ್ಕೆ ಸರ್ಕಾರ ವ್ಯವಸ್ಥೆ ಮಾಡಬೇಕು’ ಎಂಬುದು ಅವರ ಒತ್ತಾಯ.