ಕಾಳಗಿ: ₹5 ಕೋಟಿ ವೆಚ್ಚದ ಬಸ್ ನಿಲ್ದಾಣ: ಕುಡಿಯುವ ನೀರಿಲ್ಲದೆ ಪ್ರಯಾಣಿಕರ ಪರದಾಟ

ಆದರೆ ಪ್ರಯಾಣಿಕರಿಗೆ ಕುಡಿಯುವ ನೀರಿನ ವ್ಯವಸ್ಥೆ ಮಾಡದಿರುವುದು ಜನರ ಆಕ್ರೋಶಕ್ಕೆ
ಕಾರಣವಾಗಿದೆ. ನಿಲ್ದಾಣ ಕಳೆದ ಮಾರ್ಚ್ 20ರಂದು ಉದ್ಘಾಟನೆಗೊಂಡಿದೆ. ಆದರೆ
ಕಾಮಗಾರಿ ಅಪೂರ್ಣದ ಹಿನ್ನೆಲೆಯಲ್ಲಿ ನ.4ರಂದು ಕಾರ್ಯಾರಂಭ ಮಾಡಿದೆ. ಅಂದಿನಿಂದ ಎಲ್ಲಾ
ಬಸ್ಸುಗಳು ಹಳೆನಿಲ್ದಾಣದ ಬದಲು ಹೊಸ ಬಸ್ ನಿಲ್ದಾಣದಲ್ಲೇ ಬಂದು ನಿಲ್ಲುತ್ತಿವೆ. ಆದರೆ ಈ
ನಿಲ್ದಾಣಕ್ಕೆ ಸಾರ್ವಜನಿಕವಾಗಿ ಕುಡಿಯುವ ನೀರಿನ ಯಾವುದೇ ಮೂಲ ಇಲ್ಲ. ಅಕ್ಕಪಕ್ಕದಲ್ಲಿ
ಹೋಟೆಲ್, ಖಾನಾವಳಿ, ದುಕಾನ, ಪಾನಶಾಪ, ಬೇಕರಿ, ಮನೆಗಳಿಲ್ಲ. ನಿಲ್ದಾಣದ 14 ಮಳಿಗೆಗಳಿಗೆ
ಇನ್ನೂ ಟೆಂಡರ್ ಆಗದೆ ಅವುಗಳಿಗೆ ಬೀಗ ಬಿದ್ದಿದೆ. ಪ್ರಯಾಣಿಕರು ನೀರು ಕೊಂಡು
ಕೊಳ್ಳಬೇಕೆಂದರೆ ಹಳೆ ಬಸ್ ನಿಲ್ದಾಣ ಮತ್ತು ಭರತನೂರ ರಸ್ತೆ ಮಾರ್ಗ ಸ್ವಲ್ಪ ಅಂತರದಲ್ಲಿದ್ದು
ಬಸ್ಸು ತಪ್ಪಿಸಿಕೊಳ್ಳುವ ಭಯ ಪ್ರಯಾಣಿಕರಿಗೆ ಕಾಡುತ್ತಿದೆ.

‘ಕುಡಿಯುವ ನೀರಿನ ವ್ಯವಸ್ಥೆ ಯಾಕೆ ಮಾಡಿಲ್ಲ? ಎಂದು ಬಸ್ ನಿಲ್ದಾಣ ಅಥವಾ ಬಸ್ ಘಟಕದ
ಮುಖ್ಯಸ್ಥರಿಗೆ ಕೇಳಿದರೆ, ಈ ನೀರಿನ ವ್ಯವಸ್ಥೆಯು ಹೊಸ ನಿಲ್ದಾಣದ ನಿರ್ಮಾಣ ಕಾಮಗಾರಿ ಗುತ್ತಿಗೆದಾರರಿಗೆ ಸಂಬಂಧಪಟ್ಟಿಲ್ಲ ಹೀಗಾಗಿ ಅವರು ವ್ಯವಸ್ಥೆ ಕಲ್ಪಿಸಿರುವುದಿಲ್ಲ ಎಂಬ ಹಾರಿಕೆ
ಉತ್ತರ ನೀಡುತ್ತಿದ್ದಾರೆ’ ಎಂದು ಪ್ರಯಾಣಿಕರು ದೂರಿದ್ದಾರೆ.

ಬಸ್ ನಿಲ್ದಾಣ ಉದ್ಘಾಟನೆಗೊಂಡು ಏಳು ತಿಂಗಳ ಬಳಿಕ ಕಾರ್ಯಾರಂಭಗೊಳಿಸಿದರೂ ಇನ್ನು
ಕುಡಿಯುವ ನೀರಿನ ವ್ಯವಸ್ಥೆ ಇಲ್ಲವೆಂದರೆ ಏನರ್ಥ? ಎಂದು ಪ್ರಯಾಣಿಕರು ಪ್ರಶ್ನಿಸುತ್ತಿದ್ದಾರೆ.