₹ 4.22 ಲಕ್ಷ ಖೋಟಾ ನೋಟು ವಶ; ಆರೋಪಿ ಬಂಧನ

ಪಟ್ಟಣದ ಆಶ್ರಯ ಕಾಲೊನಿ ನಿವಾಸಿ ಅಲ್ಲಾವುದ್ದಿನ್ ಬಂಧಿತ ಆರೋಪಿ. ಖೋಟಾ ನೋಟುಗಳನ್ನು ಬ್ಯಾಗಿನಲ್ಲಿಟ್ಟುಕೊಂಡು ಚಿಂಚೋಳಿ ಕಡೆ ಸಾಗಿಸಲು ಯತ್ನಿಸುತ್ತಿದ್ದ. ಇದರ ಖಚಿತ ಮಾಹಿತಿ ತಿಳಿದ ಕಲಬುರ್ಗಿ ಡಿಸಿಬಿಐ ಪಿಎಸ್‌ಐ ಪರಶುರಾಮ್ ಅವರ ತಂಡ ದಾಳಿ ನಡೆಸಿ ಬಂಧಿಸಿತು. ₹ 500, ₹ 200 ಹಾಗೂ ₹ 100 ಮುಖಬೆಲೆಯ ನಕಲಿ ನೋಟುಗಳು, ಬೈಕ್ ಮತ್ತು ಮೊಬೈಲ್ ವಶಕ್ಕೆ ಪಡೆಯಲಾಗಿದೆ.

ಕೃತ್ಯದಲ್ಲಿ ಭಾಗಿಯಾದವರ ಬಗ್ಗೆ ಪತ್ತೆ ಮಾಡಲು ಆರೋಪಿಯ ಮೊಬೈಲ್ ಸಂಪರ್ಕ ಜಾಲಾಡಿ, ಸಂಗಡಿಗರನ್ನು ವಿಚಾರಣೆಗೆ ಒಳಪಡಿಸಲಾಗುತ್ತಿದೆ. ಇದೇ ಆರೋಪಿ ಕೆಲ ವರ್ಷಗಳ ಹಿಂದೆ ಕೂಡ ಖೋಡಾ ನೋಟು ಸಾಗಣೆ ಪ್ರಕರಣದಲ್ಲಿಯೇ ಬಂಧಿತನಾಗಿದ್ದ ಎಂದು ಪೊಲೀಸರು ತಿಳಿಸಿದ್ದಾರೆ.

ಸೇಡಂ ಪಿಎಸ್‌ಐ ನಾನಾಗಡ ಇದ್ದರು.