ಪ್ರಸಕ್ತ ವರ್ಷ ಮುಂಗಾರು ಬೇಗ ಆರಂಭವಾಗಿದೆ. ಎಫ್ರಿಲ್ ಮೇ ತಿಂಗಳಲ್ಲೂ ಮಳೆಯಾಗಿದೆ. ಕಾಕತಾಳಿಯ ಎನ್ನುವಂತೆ ಮೇ ತಿಂಗಳ ಕೊನೆಯವರೆಗೂ ಪಂಚಲಿಂಗೇಶ್ವರ ಬುಗ್ಗೆಯಲ್ಲಿ ಹರಿಯುತ್ತಿದ್ದ ನೀರು ಮಳೆಗಾಲ ಆರಂಭವಾದ ಮೇಲೆ ಬತ್ತಿ ಹೋಗಿದೆ. ಜೂನ್ 1ರಂದು, 7ರಂದು ಹಾಗೂ 22ರಂದು ಮತ್ತು 23ರಂದು ಉತ್ತಮ ಮಳೆಯಾಗಿದೆ. ಆದರೆ ಬುಗ್ಗೆ ಮಾತ್ರ ನೀರಿಲ್ಲದೇ ಭಣಗುಡುತ್ತಿದೆ. ಪ್ರತಿವರ್ಷ ಏಪ್ರಿಲ್ ಕೊನೆಯ ಇಲ್ಲವೇ ಮೇ ಕೊನೆಯ ವಾರದಲ್ಲಿ ಬತ್ತುತ್ತಿದ್ದ ಬುಗ್ಗೆ ಪ್ರಸಕ್ತ ವರ್ಷ ಮಳೆ ಸುರಿಯುತ್ತಿದ್ದರೂ ಮಳೆಗಾಲದಲ್ಲಿ ಬತ್ತಿ ಜನರು ಹುಬ್ಬೇರಿಸುವಂತೆ ಮಾಡಿದೆ. ಜೂನ್ ತಿಂಗಳಲ್ಲಿ 208 ಮಿ.ಮೀ ಮಳೆ ಸುರಿದಿದೆ. ಇದು ವಾಡಿಕೆ ಮಳೆಗಿಂತ ಶೇ 19ರಷ್ಟು ಹೆಚ್ಚಾಗಿದೆ.