ಮಡಿಕೇರಿ: ತಾಲ್ಲೂಕಿನ ಕಾಡಂಚಿನ ಗ್ರಾಮ ವಣಚಲುವಿನ ಮತಗಟ್ಟೆಯಲ್ಲಿ ಮೂಲಸೌಕರ್ಯ ಕಲ್ಪಿಸಿಲ್ಲ ಎಂದು ಸ್ಥಳೀಯರು ದೂರಿದರು.
ನಾವೇ ಸ್ವತಃ ಕುಡಿಯುವ ನೀರನ್ನು ಒದಗಿಸಿದ್ದೇವೆ. ರಾತ್ರಿ ವಿದ್ಯುತ್ ಇರಲಿಲ್ಲ ಸಿಬ್ಬಂದಿ ಪರದಾಡಿದರು. ಬೆಳಿಗ್ಗೆಯೂ ಉಪಾಹಾರ ತಡವಾಗಿ ಬಂದಿದೆ ಎಂದು ಸ್ಥಳೀಯರು ಆರೋಪಿಸಿದರು.
11 ಪೊಲೀಸರ ನಿಯೋಜನೆ:
ಈ ಮತಗಟ್ಟೆಗೆ ಒಟ್ಟು 11 ಪೊಲೀಸರನ್ನು ನಿಯೋಜಿಸಲಾಗಿದೆ. ಇವರಲ್ಲಿ ಸಿವಿಲ್, ಕೆ ಎಸ್ ಆರ್ ಪಿ ಹಾಗೂ ಗೃಹ ರಕ್ಷಕ ದಳದ ಸಿಬ್ಬಂದಿ ಇದ್ದಾರೆ. ನಕ್ಸಲ್ ನಿಗ್ರಹ ಪಡೆಯ ಸಿಬ್ಬಂದಿ ಸುತ್ತಮುತ್ತಲಿನ ಕಾಡಿನಲ್ಲಿದ್ದಾರೆ ಎಂದು ಪೊಲೀಸರು ತಿಳಿಸಿದರು.
ಇಲ್ಲಿಗೆ ಸಮೀಪದಲ್ಲೆ ಶಂಕಿತ ನಕ್ಸಲರ ಚಲನವಲನಗಳು ಕಂಡು ಬಂದಿದ್ದವು.
11.30 ರ ವೇಳೆ 80 ಮಂದಿ ಮತದಾನ:
ಶುಕ್ರವಾರ ಮಧ್ಯಾಹ್ನ 11.30 ರ ವೇಳೆಗೆ 190 ಮತದಾರರ ಪೈಕಿ 80 ಮತದಾರರು ಮತದಾನ ಮಾಡಿದ್ದರು. ಒಟ್ಟು ಇಲ್ಲಿ 53 ಮನೆಗಳಿವೆ.