ಕೊನೆಯ ದಿನ ಭಾನುವಾರ ರಾಜಾಸೀಟ್ ರಸ್ತೆಯಲ್ಲಿ ‘ಓಪನ್ ಸ್ಟ್ರೀಟ್ ಫೆಸ್ಟಿವಲ್’ನಲ್ಲಿ ನಡೆದ ಸಾಂಸ್ಕೃತಿಕ ಕಾರ್ಯಕ್ರಮ ಪ್ರೇಕ್ಷಕರ ಮನರಂಜಿಸಿತು. ಬೆಳಿಗ್ಗೆ ಯೋಗ ಶಿಬಿರದಲ್ಲಿ ಸಾಕಷ್ಟು ಜನರು ಪಾಲ್ಗೊಂಡಿದ್ದರು. ನಂತರ, ರಸ್ತೆಯ ಮಧ್ಯೆದಲ್ಲಿ ನಿರ್ಮಾಣಗೊಂಡ ವೇದಿಕೆಯಲ್ಲಿ ವಿವಿಧ ಕಲಾ ತಂಡಗಳು ಪ್ರದರ್ಶನ ನೀಡಿದವು. ಡೊಳ್ಳು ಕುಣಿತ, ಸುಗ್ಗಿ ಕುಣಿತ, ಚಂಡೆ, ಮರಗಾಲು ಕುಣಿತ, ಜಾನಪದ ಶೈಲಿಯ ವಿವಿಧ ನೃತ್ಯಕ್ಕೆ ಪ್ರವಾಸಿಗರೂ ಹೆಜ್ಜೆ ಹಾಕಿದರು.