ಪೊನ್ನಂಪೇಟೆ: ಭಾನುವಾರ ಮಧ್ಯಾಹ್ನ ಪೊನ್ನಂಪೇಟೆ ಭಾಗದ ಕೆಲವು ಗ್ರಾಮಗಳಿಗೆ ಮಳೆಯಾಗಿದೆ. ಬಾಳೆಲೆ, ಕೊಟ್ಟಗೇರಿ ಗ್ರಾಮಗಳಿಗೆ ಉತ್ತಮ ಮಳೆಯಾಗಿದೆ. ಮಳೆಯ ನಿರೀಕ್ಷೆಯಲ್ಲಿದ್ದ ಶ್ರೀಮಂಗಲ ಭಾಗದ ಕೃಷಿಕರು ನಿರಾಸೆ ಅನುಭವಿಸಿದರು.
ನಿಟ್ಟೂರು ಗ್ರಾಮದಲ್ಲಿ ಜೋರಾದ ಗಾಳಿಯೊಂದಿಗೆ ಮಳೆಯಾಗಿದೆ. ಮಳೆಯಾದ ಬಹುತೇಕ ಭಾಗಗಳಲ್ಲಿ ಕೃಷಿಕರು ಕಾಫಿ ತೋಟಕ್ಕೆ ಗೊಬ್ಬರ ಹಾಕುವ ಕಾರ್ಯದಲ್ಲಿ ತೊಡಗಿಸಿಕೊಂಡಿದ್ದರು. ಗಾಳಿಯ ಅಬ್ಬರ ಜೋರಾದ ಕಾರಣ ಕಾರ್ಮಿಕರು ಕೆಲಸ ಮುಂದುವರೆಸಲು ಸಾಧ್ಯವಾಗಲಿಲ್ಲ.
