ಕೋಲಾರ: ಮರದ ಕೆಳಗೆ ಪದವಿ ಪ್ರವೇಶಾತಿ!

ನಗರದ ಸರ್ಕಾರಿ ಪ್ರಥಮದರ್ಜೆ ಕಾಲೇಜಿನ ಸುಮಾರು 16 ಭದ್ರತಾ ಕೊಠಡಿಗಳಲ್ಲಿ ಏಪ್ರಿಲ್‌ 27ರಂದು ಮತಯಂತ್ರ ಇಟ್ಟು ಸೀಲ್‌ ಮಾಡಲಾಗಿದೆ. ಸುರಕ್ಷತೆಗಾಗಿ ಈ ಕೊಠಡಿಗಳ ವಿದ್ಯುತ್‌ ಸಂಪರ್ಕ ಕಡಿತಗೊಳಿಸಲಾಗಿದೆ. ಮೂರು ಹಂತದ ಭದ್ರತೆ ಕಲ್ಪಿಸಲಾಗಿದೆ. ಜೂನ್‌ 4ರಂದು ಇಲ್ಲಿಯೇ ಕೋಲಾರ ಮೀಸಲು ಕ್ಷೇತ್ರದ ಲೋಕಸಭೆ ಚುನಾವಣೆಯ ಮತ ಎಣಿಕೆ ನಡೆಯಲಿದ್ದು ಜೂನ್‌ 6ರ ನಂತರವಷ್ಟೇ ಕಾಲೇಜು ಪುನರಾರಂಭಿಸಲು ಬಿಟ್ಟುಕೊಡಲಾಗುತ್ತದೆ.

‘ಪಿಯುಸಿ ಫಲಿತಾಂಶ ಬಂದಿದ್ದು ಪ್ರಥಮ ಪದವಿಗೆ ಪ್ರವೇಶಾತಿ ಪ್ರಕ್ರಿಯೆ ನಡೆಯುತ್ತಿದೆ. ಈಗಾಗಲೇ 150 ಅರ್ಜಿಗಳನ್ನು ವಿದ್ಯಾರ್ಥಿಗಳು ತೆಗೆದುಕೊಂಡು ಹೋಗಿದ್ದಾರೆ. 25 ವಿದ್ಯಾರ್ಥಿಗಳು ಪ್ರವೇಶಾತಿ ಪಡೆದುಕೊಂಡಿದ್ದಾರೆ. ಈ ಬಾರಿ 500ರಿಂದ 600ವಿದ್ಯಾರ್ಥಿಗಳು ಹೊಸದಾಗಿ ಪ್ರವೇಶಾತಿ ಪಡೆಯುವ ನಿರೀಕ್ಷೆ ಇದೆ’ ಎಂದು ಕೆ.ಎನ್‌.ಶ್ರೀನಿವಾಸಗೌಡ ತಿಳಿಸಿದರು. ‘ಸದ್ಯ ಸರ್ಕಾರಿ ಪ್ರಥಮದರ್ಜೆ ಕಾಲೇಜಿನಲ್ಲಿ 1700 ವಿದ್ಯಾರ್ಥಿಗಳು ಇದ್ದಾರೆ. ಅಂತಿಮ ಪದವಿ ತರಗತಿ ಜುಲೈ 25ಕ್ಕೆ ಮುಗಿಯುತ್ತದೆ. ಆನಂತರ ಮೊದಲ ಪದವಿಯ ತರಗತಿಗಳು ಆರಂಭವಾಗುತ್ತವೆ’ ಎಂದರು.