ಬಂಗಾರಪೇಟೆ: ತಾಲ್ಲೂಕಿನ ಬೀರಾಂಡಹಳ್ಳಿ ಬಳಿ ಇರುವ ಕೋಲಾರ ನಿರಾಶ್ರಿತರ ಕೇಂದ್ರದ ಆವರಣದಲ್ಲಿ ಶುಕ್ರವಾರ ಬೆಂಕಿ ಅವಘಡ ಸಂಭವಿಸಿದೆ.
ಪ್ರಾಣಹಾನಿ ಆಗಿಲ್ಲ. ಗಿಡಮರಗಳು ಸುಟ್ಟುಹೋದ ಬಳಿಕ ಬೆಂಕಿ ನಂದಿದೆ.
ಕೇಂದ್ರ ಸುಮಾರು 28 ಎಕರೆ ವಿಸ್ತೀರ್ಣ ಹೊಂದಿದೆ. ಒಂದು ಮೂಲೆಯಲ್ಲಿ ಬೆಂಕಿ ಕಾಣಿಸಿಕೊಂಡಿತ್ತು.
ಕೇಂದ್ರದ ಸುಮಾರು 10 ಎಕರೆಯಲ್ಲಿದ್ದ ಬಿದಿರು, ಹೊಂಗೆ, ನೇರಳೆ ಸೇರಿದಂತೆ ಬಹುತೇಕ ಗಿಡ ಮರಗಳು ಬೆಂಕಿಗೆ ಆಹುತಿಯಾಗಿದೆ. ಬೆಂಕಿ ಹೊತ್ತಿಕೊಂಡಿರುವ ಬಗ್ಗೆ ನಿರಾಶ್ರಿತರ ಕೇಂದ್ರದ ಮುಖ್ಯಸ್ಥರು ಯಾರಿಗೂ ತಿಳಿಸಿಲ್ಲ. ಈ ಬಗ್ಗೆ ಅವರು ನಿರ್ಲಕ್ಷ್ಯ ವಹಿಸಿದ್ದಾರೆ ಎಂದು ಗ್ರಾಮಸ್ಥರು ದೂರಿದ್ದಾರೆ.
