ಪ್ರತಿ ಮನೆಗೂ ನೀರು ಪೂರೈಕೆಗೆ ಕ್ರಮ

ಸಭೆಯಲ್ಲಿ ಜೆಇ ನರೇಶ ಮಾತನಾಡಿ, ಜಲ ಜೀವನ ಮಿಷನ್ ಯೋಜನೆ ಕೇಂದ್ರ ಸರ್ಕಾರದ ಮಹತ್ವಾಕಾಂಕ್ಷಿ ಯೋಜನೆಯಾಗಿದೆ. ಪ್ರತಿ ಜನ ಸಮುದಾಯಕ್ಕೆ ಸಮರ್ಪಕವಾಗಿ ಮೂಲಸೌಕರ್ಯಗಳನ್ನು ಒದಗಿಸುವುದು ಅವಶ್ಯಕತೆ ಇದೆ. ಹಾಗಾಗಿ ಈ ಯೋಜನೆಯಲ್ಲಿ ಪ್ರತಿ ಮನೆ ಮನೆಗೆ ನೀರು ಸರಬರಾಜು ಮಾಡಬೇಕು ಎಂಬುದು ಈ ಯೋಜನೆಯ ಉದ್ದೇಶವಾಗಿದೆ ಎಂದರು.

ಅಳವಂಡಿ ಭಾಗದಲ್ಲಿ 14 ಗ್ರಾಮದಲ್ಲಿ ಜಲ ಜೀವನ ಮಿಷನ್ ಯೋಜನೆಯಲ್ಲಿ ತೆಗೆದುಕೊಂಡಿದ್ದೇವೆ. ಅಂಗನವಾಡಿ, ಶಾಲೆ ಹಾಗೂ ಸರ್ಕಾರಿ ಕಛೇರಿಗಳು, ದೇವಸ್ಥಾನ ಹಾಗೂ ಪ್ರತಿ ಮನೆಗೂ ನೀರನ್ನು ಸರಬರಾಜು ಮಾಡಲಾಗಿದೆ ಎಂದರು.

ಪಿಡಿಒ ಬಸವರಾಜ ಕೀರ್ದೀ ಮಾತನಾಡಿ, ಜಲ ಜೀವನ ಮಿಷನ್ ಯೋಜನೆಯಲ್ಲಿ ಗ್ರಾಮೀಣ ಭಾಗದ ಪ್ರತಿಯೊಂದು ಮನೆ ಮನೆಗೂ ನಲ್ಲಿಯ ಮೂಲಕ ಸಮರ್ಪಕವಾಗಿ ನೀರನ್ನು ಒದಗಿಸುವ ಗುರಿ ಹೊಂದಿದೆ ಎಂದರು.

ಗ್ರಾ.ಪಂ ಅಧ್ಯಕ್ಷೆ ಭಾರತಿ ಬೆಣಕಲ್, ಉಪಾಧ್ಯಕ್ಷೆ ಶಂಕ್ರಮ್ಮ ಜೋಗಿನ್, ಜೆಜೆಎಮ್ ಐಎಸ್ಆರ್ ಎಂ ಸಿಬ್ಬಂದಿಗಳಾದ‌ ದೇವಪ್ಪ, ಸಿದ್ದಪ್ಪ , ಪ್ರಮುಖರಾದ ಹನುಮಂತ,ತೋಟಯ್ಯ, ಪರಶುರಾಮ, ಪ್ರಕಾಶ್, ಹನುಮಂತಪ್ಪ, ಮಲ್ಲಪ್ಪ, ವಸಂತ ರೆಡ್ಡಿ, ಗೀತಾ , ಜಯಾ, ಚೆನ್ನಮ್ಮ, ಶೋಭಾ, ನೀಲಪ್ಪ, ರಫೀಕ, ಬಸವರಾಜ, ನಜೀರ್, ಮಾರುತಿ, ಸುರೇಶ, ವಸಂತ ರೆಡ್ಡಿ, ಧರ್ಮಪ್ಪ, ಕೊಟ್ರಪ್ಪ, ದೇವರಡ್ಡಿ, ಶಿವಮೂರ್ತಿ ಇದ್ದರು.