ಸಾಧನೆಯ ಕನಸು ಹುಟ್ಟು ಹಾಕುವ ಕೊಪ್ಪಳದ ಗವಿಸಿದ್ಧೇಶ್ವರ ಜಾತ್ರೆ: ಪ್ರಾಣೇಶ್ ಬಣ್ಣನೆ

ಕೊಪ್ಪಳ: ಪರಿಸರಕ್ಕೆ ಮಾಲಿನ್ಯ ಉಂಟು ಮಾಡುತ್ತಿರುವ ಹಾಗೂ ಹೊಸದಾಗಿ ವಿಸ್ತರಣೆಗೆ ಮುಂದಾಗಿರುವ ಕಾರ್ಖಾನೆಗಳ ವಿರುದ್ಧ ಜಿಲ್ಲಾ ಬಚಾವೊ ಆಂದೋಲನ ಸಮಿತಿ ಹಾಗೂ ಪರಿಸರ ಹಿತರಕ್ಷಣಾ ವೇದಿಕೆಯ ಜಂಟಿ ಕ್ರಿಯಾ ವೇದಿಕೆ ಸದಸ್ಯರು ಹೋರಾಟಕ್ಕೆ ಜಾತ್ರೆಯಲ್ಲಿ ಬೆಂಬಲ ನೀಡಿದ ಅಂಗಡಿಕಾರರಿಗೆ ಸನ್ಮಾನಿಸಿದರು. 70ನೇ ದಿನದ ಹೋರಾಟದಲ್ಲಿ ಸಂಘಟನೆಯವರು ಫಲಕಗಳನ್ನು ಹಾಕಿದ ಮಾಲೀಕರಾದ ಪ್ರದೀಪ ಎಂ.ಡಿ. ರಫೀಕ್ ಎಂ.ಡಿ.ಜಾವೀದ್ ಎಂ.ಡಿ. ಹುಸೇನ್ ಮಿಠಾಯಿ ಗುರುರಾಜ ಬಳ್ಳಾರಿ ಅವರನ್ನು ಸನ್ಮಾನ ಮಾಡಿದರು. ಮಿಠಾಯಿ ಪಳಾರ ಅಂಗಡಿಗಳಲ್ಲಿ ಕಾರ್ಖಾನೆ ವಿರುದ್ಧ ಪರಿಸರ ರಕ್ಷಣೆ ಬಲ್ಡೋಟಾ ಹಠಾವೊ ಸಂದೇಶಗಳನ್ನು ಹಾಕಲಾಗಿದೆ. ಮಹಾರಥೋತ್ಸವದ ಹಿಂದಿನ ದಿನ ವಿದ್ಯಾರ್ಥಿಗಳು ಹಾಕಿದ್ದ ರಂಗೋಲಿಯಲ್ಲಿಯೂ ಈ ಕುರಿತು ಜಾಗೃತಿ ಸಂದೇಶಗಳಿದ್ದವು.

ಒಡಿಶಾದ ಕಂದಮಾಲ್‌ ಜಿಲ್ಲೆಯ ಗುಮ್ಸಾಹಿ ಗ್ರಾಮದ ಕೃಷಿಕ ಹಾಗೂ ಮಕ್ಕಳ ಓದಿಗಾಗಿ ಬೆಟ್ಟ ಕಡಿದು ಎಂಟು ಕಿ.ಮೀ. ರಸ್ತೆ ಕಡಿದ ಜಲಂಧರ್ ನಾಯಕ್ ಗವಿಮಠದ ಜಾತ್ರೆಯಲ್ಲಿ ಎಲ್ಲರ ಮುಂದೆಯೂ ‘ಹೀರೊ’ ಆದರು. ಆದಿವಾಸಿ ಸಮುದಾಯದ ಜಲಂಧರ್ ನೆಲೆಸಿರುವ ಗ್ರಾಮದಲ್ಲಿ ಮೊದಲು ಐದು ಕುಟುಂಬಗಳಿದ್ದವು. ಸೌಲಭ್ಯಗಳ ಬರಕ್ಕೆ ನಾಲ್ಕು ಕುಟುಂಬ ಅಲ್ಲಿಂದ ಪಲಾಯನ ಮಾಡಿದರೆ 53 ವರ್ಷದ ಜಲಂ‌ಧರ್‌ ತಮ್ಮ ಮೂವರು ಮಕ್ಕಳ ಓದಿಗೆ ಅನುಕೂಲವಾಗಲು ತಮ್ಮೂರಿನಿಂದ ಫುಲಬಾನಿ ಪಟ್ಟಣಕ್ಕೆ ಸಂಪರ್ಕ ಕಲ್ಪಿಸಲು ಬೆಟ್ಟವನ್ನೇ ಕಡಿದು ಸಂಪರ್ಕ ಕಲ್ಪಿಸಿದ್ದಾರೆ. ಇದಕ್ಕಾಗಿ ಎರಡು ವರ್ಷ ಕೆಲಸ ಮಾಡಿ ಪ್ರಸ್ತುತ ಎಸ್‌ಎಸ್‌ಎಲ್‌ಸಿ ಪಿಯುಸಿ ಹಾಗೂ ಪದವಿ ಓದುತ್ತಿರುವ ಮಕ್ಕಳ ಭವಿಷ್ಯಕ್ಕೆ ನೆರವಾಗಿದ್ದಾರೆ. ಇಂಥ ಸಾಧಕ ಕೊಪ್ಪಳದ ಜಾತ್ರೆಗೆ ಬಂದು ಮೂರು ದಿನ ತಂಗಿದ್ದಾಗ ತಮ್ಮೂರಿನಿಂದಲೇ ತಂದಿದ್ದ ಚಪಾತಿ ಗೆಣಸು ಅವಲಕ್ಕಿ ಮಾತ್ರ ತಿಂದಿದ್ದಾರೆ. ಸ್ಥಳೀಯವಾಗಿ ಊಟದ ವ್ಯವಸ್ಥೆ ಮಾಡಿದ್ದರೂ ಅದನ್ನು ಒಪ್ಪದೆ ತಮ್ಮೂರಿನ ಊಟ ಮಾತ್ರ ಸವಿದು ಜಾತ್ರೆ ಮುಗಿಸಿದರು.