ಕಾರ ಹುಣ್ಣಿಮೆ: ದೇವಸ್ಥಾನಕ್ಕೆ ಹರಿದು ಬಂದ ಭಕ್ತ ಸಾಗರ

ದೇವಸ್ಥಾನದಲ್ಲಿ ಬೆಳಿಗ್ಗೆ ಅಲಂಕಾರ, ವಿಶೇಷ ಪೂಜೆ ಮಹಾ ಮಂಗಳಾರತಿ ನಡೆಯಿತು. ಬೆಳಿಗ್ಗೆಯಿಂದಲೇ ರೈಲು, ಬಸ್‌ ಮತ್ತು ಲಘು ವಾಹನಗಳ ಮೂಲಕ ಬಂದ ಸಾವಿರಾರು ಭಕ್ತರು ನದಿಯಲ್ಲಿ ಪುಣ್ಯ ಸ್ನಾನ ಮಾಡಿ, ಗಂಗಾ ಪೂಜೆ ಮತ್ತು ಜೋಗತಿಪೂಜೆ, ಹರಕೆ ತೀರಿಸಿ, ಸರತಿ ಸಾಲಿನಲ್ಲಿ ನಿಂತು ದೇವಿಯ ದರ್ಶನ ಪಡೆದರು.

ನಂತರ ಫಳಾರ, ಆಟಿಕೆ ಸಾಮಾನು, ಸೌಂದರ್ಯ ವರ್ಧಕಗಳು, ಗೃಹೋಪಯೋಗಿ ವಸ್ತುಗಳು, ದೇವರ ಚಿತ್ರಪಟಗಳನ್ನು ಮತ್ತು ಕುಂಕುಮ, ಭಂಡಾರ, ಬಳೆ ಖರೀದಿಸಿ, ಸಂಭ್ರಮಿಸಿದರು.

ಜಾತ್ರೆಯ ಸಂಭ್ರಮ: ಕಳೆದ ತಿಂಗಳು 13 ರಂದು ಜಾತ್ರಾ ಮಹೋತ್ಸವ ಅಂಗವಾಗಿ ಮಹಾರಥೋತ್ಸವ ಜರುಗಿತ್ತು. ಜಾತ್ರೆಗೆ ಬಾರದ ಭಕ್ತರು ಹುಣ್ಣಿಮೆಯ ದಿನ ಬಂದು ದರ್ಶನ ಪಡೆಯುವುದು ಇಲ್ಲಿಯ ವಾಡಿಕೆ.