ಮಹ್ಮದ್ರಫಿ ಅಲ್ಲಿ ಭದ್ರತಾ ಕರ್ತವ್ಯದಲ್ಲಿ ನಿರತರಾಗಿದ್ದರು. ಸ್ಥಳಕ್ಕೆ ಬಂದ ಆರೋಪಿ ತನಗೆ ಇನ್ನೂ ಬರಬೇಕಿರುವ ಹಣ ಕೊಡಬೇಕು, ಅಲ್ಲಿಯವರೆಗೂ ಕೆಲಸ ನಡೆಸಬಾರದು ಎಂದು ತಕರಾರು ತೆಗೆದಿದ್ದಾರೆ. ಆದರೆ ಕಾನೂನಿನ ಅನ್ವಯ ಜಮೀನು ಗುತ್ತಿಗೆ ಪಡೆದು ಒಪ್ಪಂದದ ಪ್ರಕಾರ ಕೆಲ ವರ್ಷಗಳ ಹಿಂದೆಯೇ ಪೂರ್ಣ ಹಣ ಪಾವತಿಸಲಾಗಿದ್ದು ಯಾವುದೇ ಬಾಕಿ ಇಲ್ಲ ಎಂದು ಅಲ್ಲಿಯ ಸಿಬ್ಬಂದಿ ಹೇಳಿದ್ದಾರೆ. ಅದಕ್ಕೆ ಒಪ್ಪದ ಆರೋಪಿ ಏಕಾಏಕಿ ಬಡಿಗೆಯಿಂದ ಮಾಜಿ ಸೈನಿಕ ಮಹ್ಮದ್ರಫಿ ಅವರ ಮೇಲೆ ಹಲ್ಲೆ ನಡೆಸಿದ್ದಾರೆ. ಈ ದೃಶ್ಯಗಳು ಜಾಲತಾಣಗಳಲ್ಲಿ ಹರಿದಾಡುತ್ತಿವೆ.