<p><strong>ಮದ್ದೂರು (ಮಂಡ್ಯ ಜಿಲ್ಲೆ)</strong>: ಬಿರು ಬೇಸಿಗೆಯ ತಾಪ ಹೆಚ್ಚಾಗುತ್ತಿದ್ದಂತೆಯೇ ದಣಿವು ನೀಗಿಸುವ ಎಳನೀರಿನ ದರ ದಾಖಲೆಯ ಏರಿಕೆ ಕಂಡಿದೆ.</p>.<p>ಏಷ್ಯಾದಲ್ಲಿಯೇ ದೊಡ್ಡ ಎಳನೀರು ಮಾರುಕಟ್ಟೆಯೆಂದೇ ಹೆಸರಾಗಿರುವ ಮದ್ದೂರಿನ ಎಳನೀರು ಎಪಿಎಂಸಿ ಮಾರುಕಟ್ಟೆಯಲ್ಲಿ ಎಳನೀರು ಒಂದಕ್ಕೆ ₹55ರಿಂದ ₹60ಕ್ಕೆ ರೈತರಿಂದ ವರ್ತಕರು ಖರೀದಿಸುತ್ತಿದ್ದಾರೆ. </p>.<p>ಸಾಮಾನ್ಯವಾಗಿ ಪ್ರತಿವರ್ಷ ಮಾರ್ಚ್ನಿಂದ ಮೇ ತಿಂಗಳವರೆಗೆ ಇಲ್ಲಿನ ಎಳನೀರಿಗೆ ಬೇಡಿಕೆ ಹೆಚ್ಚಾಗಿರುತ್ತದೆ. ಆದರೆ, ಕಳೆದೆರಡು ವರ್ಷಗಳಿಂದ ಮಳೆಯ ಪ್ರಮಾಣ ಕಡಿಮೆಯಾಗಿರುವುದರಿಂದ, ತೆಂಗು ಬೆಳೆಗೆ ಈ ಭಾಗದಲ್ಲಿ ಕಪ್ಪು ತಲೆಹುಳ ರೋಗ ಹಾಗೂ ನುಸಿ ಪೀಡೆ ರೋಗದ ಕಾಟ ಹೆಚ್ಚಾಗಿದೆ. ಇದರಿಂದ ಎಳನೀರಿನ ಉತ್ಪಾದನೆ ಕಡಿಮೆಯಾಗಿ, ದರ ಏರಿಕೆಗೆ ಪ್ರಮುಖ ಕಾರಣ ಎನ್ನಲಾಗಿದೆ. </p>.<p>‘2023ರಲ್ಲಿ (ಮೇ ತಿಂಗಳ ಅಂತ್ಯದವರೆಗೆ) ಮಾರುಕಟ್ಟೆಗೆ 10.95 ಕೋಟಿ ಎಳನೀರು, 2024ರಲ್ಲಿ 9.62 ಕೋಟಿ ಎಳನೀರು, 2025ರಲ್ಲಿ ಇದುವರೆಗೆ 9.94 ಕೋಟಿ ಎಳನೀರು ತೆಂಗು ಬೆಳೆಗಾರರಿಂದ ಪೂರೈಕೆಯಾಗಿವೆ’ ಎಂದು ಎಳನೀರು ಮಾರುಕಟ್ಟೆಯ ಆಡಳಿತಾಧಿಕಾರಿ ಹಾಗೂ ಹೆಚ್ಚುವರಿ ನಿರ್ದೇಶಕ ಮಂಜುನಾಥ್ ಮಾಹಿತಿ ನೀಡಿದ್ದಾರೆ. </p>.<p>‘ಕಳೆದ ವರ್ಷ ಸಾಧಾರಣ ಎಳನೀರು ₹20ರಿಂದ ₹25, ಮಧ್ಯಮ ಗುಣಮಟ್ಟ ಹಾಗೂ ದಪ್ಪ ಎಳನೀರು ₹30ರಿಂದ ₹35 ಹಾಗೂ ಉತ್ತಮ ಗುಣಮಟ್ಟದ ಎಳನೀರು ₹40ರಿಂದ ₹45 ದರವಿತ್ತು. ಈ ವರ್ಷ ಸಾಧಾರಣ ಗುಣಮಟ್ಟದ ಎಳನೀರಿಗೆ ₹30 ರಿಂದ ₹35, ಮಧ್ಯಮ ಎಳನೀರು ₹40ರಿಂದ ₹45 ಹಾಗೂ ಉತ್ತಮ ಗುಣಮಟ್ಟದ ಎಳನೀರಿಗೆ ₹55 ರಿಂದ ₹60 ತಲುಪುವುದರೊಂದಿಗೆ ಸಾರ್ವಕಾಲಿಕ ದಾಖಲೆ ಬೆಲೆ ತಲುಪಿದೆ’ ಎಂದು ಇಲ್ಲಿನ ಮಾರುಕಟ್ಟೆಯ ವರ್ತಕರ ಸಂಘದ ಉಪಾಧ್ಯಕ್ಷ ಉಮೇಶ್ ಮಾಹಿತಿ ನೀಡಿದ್ದಾರೆ.</p>.<p>ಇಲ್ಲಿನ ಎಳನೀರು ಪ್ರಮುಖವಾಗಿ ಮಹಾರಾಷ್ಟ್ರ, ಮಧ್ಯಪ್ರದೇಶ, ದೆಹಲಿ, ಜಮ್ಮು ಮತ್ತು ಕಾಶ್ಮೀರ, ಆಂಧ್ರ ಪ್ರದೇಶ, ಪಂಜಾಬ್, ಉತ್ತರ ಪ್ರದೇಶ, ತಮಿಳುನಾಡು ಸೇರಿ ಹಲವಾರು ರಾಜ್ಯಗಳಿಗೆ ಪೂರೈಕೆಯಾಗುವುದರ ಜೊತೆಗೆ ಅಲ್ಲಿ ಬೇಡಿಕೆಯನ್ನೂ ಹೊಂದಿದ್ದು ಪ್ರತಿವರ್ಷ ಕೋಟ್ಯಂತರ ವಹಿವಾಟು ನಡೆಸುತ್ತಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮದ್ದೂರು (ಮಂಡ್ಯ ಜಿಲ್ಲೆ)</strong>: ಬಿರು ಬೇಸಿಗೆಯ ತಾಪ ಹೆಚ್ಚಾಗುತ್ತಿದ್ದಂತೆಯೇ ದಣಿವು ನೀಗಿಸುವ ಎಳನೀರಿನ ದರ ದಾಖಲೆಯ ಏರಿಕೆ ಕಂಡಿದೆ.</p>.<p>ಏಷ್ಯಾದಲ್ಲಿಯೇ ದೊಡ್ಡ ಎಳನೀರು ಮಾರುಕಟ್ಟೆಯೆಂದೇ ಹೆಸರಾಗಿರುವ ಮದ್ದೂರಿನ ಎಳನೀರು ಎಪಿಎಂಸಿ ಮಾರುಕಟ್ಟೆಯಲ್ಲಿ ಎಳನೀರು ಒಂದಕ್ಕೆ ₹55ರಿಂದ ₹60ಕ್ಕೆ ರೈತರಿಂದ ವರ್ತಕರು ಖರೀದಿಸುತ್ತಿದ್ದಾರೆ. </p>.<p>ಸಾಮಾನ್ಯವಾಗಿ ಪ್ರತಿವರ್ಷ ಮಾರ್ಚ್ನಿಂದ ಮೇ ತಿಂಗಳವರೆಗೆ ಇಲ್ಲಿನ ಎಳನೀರಿಗೆ ಬೇಡಿಕೆ ಹೆಚ್ಚಾಗಿರುತ್ತದೆ. ಆದರೆ, ಕಳೆದೆರಡು ವರ್ಷಗಳಿಂದ ಮಳೆಯ ಪ್ರಮಾಣ ಕಡಿಮೆಯಾಗಿರುವುದರಿಂದ, ತೆಂಗು ಬೆಳೆಗೆ ಈ ಭಾಗದಲ್ಲಿ ಕಪ್ಪು ತಲೆಹುಳ ರೋಗ ಹಾಗೂ ನುಸಿ ಪೀಡೆ ರೋಗದ ಕಾಟ ಹೆಚ್ಚಾಗಿದೆ. ಇದರಿಂದ ಎಳನೀರಿನ ಉತ್ಪಾದನೆ ಕಡಿಮೆಯಾಗಿ, ದರ ಏರಿಕೆಗೆ ಪ್ರಮುಖ ಕಾರಣ ಎನ್ನಲಾಗಿದೆ. </p>.<p>‘2023ರಲ್ಲಿ (ಮೇ ತಿಂಗಳ ಅಂತ್ಯದವರೆಗೆ) ಮಾರುಕಟ್ಟೆಗೆ 10.95 ಕೋಟಿ ಎಳನೀರು, 2024ರಲ್ಲಿ 9.62 ಕೋಟಿ ಎಳನೀರು, 2025ರಲ್ಲಿ ಇದುವರೆಗೆ 9.94 ಕೋಟಿ ಎಳನೀರು ತೆಂಗು ಬೆಳೆಗಾರರಿಂದ ಪೂರೈಕೆಯಾಗಿವೆ’ ಎಂದು ಎಳನೀರು ಮಾರುಕಟ್ಟೆಯ ಆಡಳಿತಾಧಿಕಾರಿ ಹಾಗೂ ಹೆಚ್ಚುವರಿ ನಿರ್ದೇಶಕ ಮಂಜುನಾಥ್ ಮಾಹಿತಿ ನೀಡಿದ್ದಾರೆ. </p>.<p>‘ಕಳೆದ ವರ್ಷ ಸಾಧಾರಣ ಎಳನೀರು ₹20ರಿಂದ ₹25, ಮಧ್ಯಮ ಗುಣಮಟ್ಟ ಹಾಗೂ ದಪ್ಪ ಎಳನೀರು ₹30ರಿಂದ ₹35 ಹಾಗೂ ಉತ್ತಮ ಗುಣಮಟ್ಟದ ಎಳನೀರು ₹40ರಿಂದ ₹45 ದರವಿತ್ತು. ಈ ವರ್ಷ ಸಾಧಾರಣ ಗುಣಮಟ್ಟದ ಎಳನೀರಿಗೆ ₹30 ರಿಂದ ₹35, ಮಧ್ಯಮ ಎಳನೀರು ₹40ರಿಂದ ₹45 ಹಾಗೂ ಉತ್ತಮ ಗುಣಮಟ್ಟದ ಎಳನೀರಿಗೆ ₹55 ರಿಂದ ₹60 ತಲುಪುವುದರೊಂದಿಗೆ ಸಾರ್ವಕಾಲಿಕ ದಾಖಲೆ ಬೆಲೆ ತಲುಪಿದೆ’ ಎಂದು ಇಲ್ಲಿನ ಮಾರುಕಟ್ಟೆಯ ವರ್ತಕರ ಸಂಘದ ಉಪಾಧ್ಯಕ್ಷ ಉಮೇಶ್ ಮಾಹಿತಿ ನೀಡಿದ್ದಾರೆ.</p>.<p>ಇಲ್ಲಿನ ಎಳನೀರು ಪ್ರಮುಖವಾಗಿ ಮಹಾರಾಷ್ಟ್ರ, ಮಧ್ಯಪ್ರದೇಶ, ದೆಹಲಿ, ಜಮ್ಮು ಮತ್ತು ಕಾಶ್ಮೀರ, ಆಂಧ್ರ ಪ್ರದೇಶ, ಪಂಜಾಬ್, ಉತ್ತರ ಪ್ರದೇಶ, ತಮಿಳುನಾಡು ಸೇರಿ ಹಲವಾರು ರಾಜ್ಯಗಳಿಗೆ ಪೂರೈಕೆಯಾಗುವುದರ ಜೊತೆಗೆ ಅಲ್ಲಿ ಬೇಡಿಕೆಯನ್ನೂ ಹೊಂದಿದ್ದು ಪ್ರತಿವರ್ಷ ಕೋಟ್ಯಂತರ ವಹಿವಾಟು ನಡೆಸುತ್ತಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
