ಮಂಡ್ಯ: ಏಲಕ್ಕಿ ಬಾಳೆ ದುಬಾರಿ, ಟೊಮೆಟೊ ಅಗ್ಗ

ಹೊರರಾಜ್ಯದಿಂದ ಏಲಕ್ಕಿ ಬಾಳೆಹಣ್ಣು ಬಾರದ ಪರಿಣಾಮ ಏಲಕ್ಕಿ ಬಾಳೆಹಣ್ಣು ದರ ಏರಿಕೆಯಾಗಿದೆ. ಪ್ರಮುಖವಾಗಿ ತಮಿಳುನಾಡಿನಲ್ಲಿ ಬಾಳೆಹಣ್ಣಿನ ಹಂಗಾಮು ಮುಗಿದಿದ್ದು ಜಿಲ್ಲೆಗೆ ಬಾರದ ಕಾರಣ ದರದಲ್ಲಿ ವ್ಯತ್ಯಾಸ ಉಂಟಾಗಿದೆ. ಸ್ಥಳೀಯ ಹಣ್ಣು ಮಾತ್ರ ಮಾರಾಟವಾಗುತ್ತಿದ್ದು ₹110ರ ಗಡಿ ದಾಟಿದೆ. ಏಲಕ್ಕಿ ಬಾಳೆಹಣ್ಣು ದರ ಏರಿಕೆಯಾಗಿರುವ ಕಾರಣ ವರ್ತಕರು ಪಚ್ಚ ಬಾಳೆಹಣ್ಣಿನ ದರವನ್ನೂ ಹೆಚ್ಚಳ ಮಾಡಿದ್ದು ₹50ಕ್ಕೆ ಮಾರಾಟವಾಗುತ್ತಿದೆ.

ಕಳೆದ ತಿಂಗಳು ಟೊಮೆಟೊಗೆ ಭರ್ಜರಿ ಬೆಲೆ ಬಂದಿದ್ದ ಕಾರಣ ಬಹುತೇಕ ರೈತರು ಟೊಮೆಟೊ ಬೆಳೆದಿದ್ದಾರೆ. ಮಾರುಕಟ್ಟೆಗೆ ಟೊಮೆಟೊ ಹರಿದು ಬರುತ್ತಿದ್ದು ಕೆ.ಜಿಗೆ ₹10– ₹15ರಂತೆ ಮಾರಾಟವಾಗುತ್ತಿದೆ. ಉಳಿದಂತೆ ತರಕಾರಿ ಬೆಲೆ ಸ್ಥಿರವಾಗಿದೆ.

ಸೌತೆಕಾಯಿ ₹16, ಪಡಲಕಾಯಿ, ಎಲೆಕೋಸು, ಮೂಲಂಗಿ, ಬೆಂಡೆಕಾಯಿ, ಮಂಗಳೂರುಸೌತೆ, ಬದನೆಕಾಯಿ ₹20ರಂತೆ ಕೆ.ಜಿ ಮಾರಾಟವಾಗುತ್ತಿವೆ. ಫಾರಂ ಬೀನ್ಸ್‌, ಗೆಡ್ಡೆಕೋಸು, ಸೀಮೆಬದನೆಕಾಯಿ, ಹೂಕೋಸು, ಹೀರೇಕಾಯಿ, ಬೀಟ್‌ರೂಟ್‌, ಸೋರೆಕಾಯಿ, ಆಲೂಗೆಡ್ಡೆ, ಸಿಹಿಗುಂಬಳ, ಬೂದುಗುಂಬಳ ₹30, ಈರುಳ್ಳಿ ₹33ಕ್ಕೆ ದೊರೆಯುತ್ತಿವೆ.

ನಾಟಿ ಬೀನ್ಸ್‌, ಕ್ಯಾರೆಟ್‌, ದಪ್ಪಮೆಣಸಿನಕಾಯಿ, ಹಾಗಲಕಾಯಿ, ನುಗ್ಗೇಕಾಯಿ, ಅವರೆಕಾಯಿ, ಗೋರಿಕಾಯಿ, ತೊಂಡೆಕಾಯಿ, ಸಿಹಿಗೆಣಸು, ಮರಗೆಣಸು, ತಗಣಿಕಾಯಿ, ಬಜ್ಜಿ ಮೆಣಸಿನಕಾಯಿ ₹40, ಸುವರ್ಣಗೆಡ್ಡೆ, ಹಸಿರುಮೆಣಸಿನಕಾಯಿ ₹60ಕ್ಕೆ ಬಿಕರಿಯಾಗುತ್ತಿವೆ. ಹಸಿಬಟಾಣಿ, ಫಾರಂ ಬೆಳ್ಳುಳ್ಳಿ ₹120, ರಾಜ್‌ಈರುಳ್ಳಿ, ನಾಟಿಬೆಳ್ಳುಳ್ಳಿ ₹160 ರಂತೆ ಪ್ರತಿ ಕೆ.ಜಿಗೆ ಮಾರಾಟವಾಗುತ್ತಿದ್ದರೆ, ಒಂದು ನಿಂಬೆಹಣ್ಣು ₹5 ರಂತೆ ಮಾರಾಟ ಮಾಡಲಾಗುತ್ತಿದೆ.

ಸೊಪ್ಪುಗಳಲ್ಲಿ ಸಬ್ಬಸಿಗೆ, ಚಿಕ್ಕಿಸೊಪ್ಪು, ನಾಟಿ ಕೊತ್ತಂಬರಿ ಸೊಪ್ಪಿನ ಬೆಲೆ ಏರಿಕೆಯಾಗಿದೆ. ಇತರ ಸೊಪ್ಪುಗಳ ಬೆಲೆ ಸಾಧಾರಣವಾಗಿದೆ. ಕೀರೆ ₹5, ಕಿಲಕೀರೆ, ದಂಟು ₹6, ಪಾಲಾಕ್, ಪುದೀನಾ, ಕರಿಬೇವು ₹10, ಮೆಂತೆ, ಸಬ್ಬಸಿಗೆ, ಫಾರಂ ಕೊತ್ತಂಬರಿ ₹25, ಚಿಕ್ಕಿಸೊಪ್ಪು, ನಾಟಿ ಕೊತ್ತಂಬರಿ ₹20ರಂತೆ ಮಾರಾಟವಾಗುತ್ತಿವೆ.

ವರಮಹಾಲಕ್ಷ್ಮಿ ಹಬ್ಬ, ಶ್ರಾವಣ ಪೂಜೆ ಅಂಗವಾಗಿ ಹೂವುಗಳ ಬೆಲೆ ಏರಿಕೆಯಾಗಿದ್ದವು. ಈಗ ನಿಯಂತ್ರಣಕ್ಕೆ ಬಂದಿದ್ದು ಗ್ರಾಹಕರು ನಿರಾಳರಾಗಿದ್ದಾರೆ. ಕೆ.ಜಿ ಚೆಂಡುಹೂ ₹30, ಸೇವಂತಿಗೆ, ಬಟನ್ಸ್‌ ₹100, ಬಿಳಿಸೇವಂತಿಗೆ ₹120, ಕಾಕಡ, ಕಲ್ಕತ್ತಾ ಮಲ್ಲಿಗೆ, ಗಣಗಲೆ ₹150, ಮರಳೆ, ಸುಗಂಧರಾಜ ₹200, ಮಲ್ಲಿಗೆ, ಕನಕಾಂಬರ ₹500ರಂತೆ ಮಾರಾಟವಾಗುತ್ತಿವೆ.

ಮಾರು ತುಳಸಿ, ಕಾಕಡ, ಸೇವಂತಿಗೆ, ಗಣಗಲೆ, ಕೆಂಪು ಚೆಂಡುಹೂ, ಹಳದಿ ಚೆಂಡುಹೂ ₹30, ಕನಕಾಂಬರ, ಮರಳೆ, ಬಟನ್ಸ್‌ ₹50, ಮಲ್ಲಿಗೆ ₹60ರಂತೆ ಮಾರಾಟವಾಗುತ್ತಿವೆ.

ಹಣ್ಣುಗಳಲ್ಲಿ ಸೇಬು ದುಬಾರಿ ಬೆಲೆಗೆ ಮಾರಾಟವಾಗುತ್ತಿದೆ. ಪಪ್ಪಾಯ ₹20, ಕಲ್ಲಂಗಡಿ ₹25, ಕರಬೂಜ, ಸೀಬೆ ₹40, ಅನಾನಸ್‌, ಮೂಸಂಬಿ ₹70, ಏಲಕ್ಕಿಬಾಳೆ ₹120, ಮರಸೇಬು ₹120, ಕಿವಿಹಣ್ಣು (ಬಾಕ್ಸ್‌) ₹130, ಸಣ್ಣದ್ರಾಕ್ಷಿ ₹170, ದಾಳಿಂಬೆ ₹180, ಆಸ್ಟ್ರೇಲಿಯಾ ಕಿತ್ತಳೆ ₹210, ಸೇಬು ₹200ರಂತೆ ಪ್ರತಿ ಕೆ.ಜಿಗೆ ಮಾರಾಟವಾಗುತ್ತಿವೆ.

ನಾಟಿ ಕೊತ್ತಂಬರಿ ಸೊಪ್ಪಿನ ಬೆಲೆಯಲ್ಲಿ ಏರಿಕೆ ದುಬಾರಿಯಾದ ಸೇಬು ಹಣ್ಣು ಮಾರುಕಟ್ಟೆಗೆ ಬರುತ್ತಿದೆ ಗುಣಮಟ್ಟದ ಟೊಮೆಟೊ