ಪುರಾಣದ ಕತೆ ಹೇಳಿ ಶೂದ್ರರಿಗೆ ವಂಚನೆ: ರಂಗಕರ್ಮಿ ಎಚ್‌.ಜನಾರ್ದನ್‌ ಬೇಸರ

ಶ್ರೀರಂಗಪಟ್ಟಣ: ಜೀವ ವಿರೋಧಿ ಕ್ರೌರ್ಯದ ಸಂಗತಿಗಳನ್ನು ವೈಭವೀ ಕರಿಸುವ ಪುರಾಣದ ಕತೆಗಳು ಮತ್ತು ದೇವರ ಹೆಸರಿನಲ್ಲಿ ಶೂದ್ರ ವರ್ಗದ ಜನರನ್ನು ಶತ ಶತಮಾನಗಳಿಂದ ವಂಚಿಸಲಾಗುತ್ತಿದೆ ಎಂದು ಹಿರಿಯ ರಂಗಕರ್ಮಿ ಎಚ್.ಜನಾರ್ದನ್ (ಜನ್ನಿ) ವಿಷಾದ ವ್ಯಕ್ತಪಡಿಸಿದರು.

. ಪಟ್ಟಣದ ಅಂಬೇಡ್ಕರ್ ಭವನದಲ್ಲಿ ಭಾನುವಾರ ನಡೆದ ಕವಿ ಡಾ.ಸಿದ್ದಲಿಂಗಯ್ಯ ಅವರ ಸ್ಮರಣೆ ಕಾರ್ಯಕ್ರಮ ಉದ್ಘಾಟಿಸಿ ಅವರು ಮಾತನಾಡಿದರು.

. ಡಾ.ಸಿದ್ದಲಿಂಗಯ್ಯ ಅವರು ತಮ್ಮ ಕವಿತೆಗಳ ಮೂಲಕ ಜಾಗೃತಿ ಮೂಡಿಸಿದರು. ಸಿದ್ದಲಿಂಗಯ್ಯ ಅವರದ್ದು ನೈಜ ಕಾವ್ಯ. ಅನ್ಯಾಯ, ಅಸಮಾನತೆ, ಜಾತೀಯತೆ, ಕ್ರೌರ್ಯ, ಮೌಢ್ಯ ಇರುವವರೆಗೆ ಸಿದ್ದಲಿಂಗಯ್ಯ ಜೀವಂತ ಇರುತ್ತಾರೆ ಎಂದರು.

. ಅಂಬೇಡ್ಕರ್ ಚಿಂತನೆಗಳ ಮೂಸೆ ಯಲ್ಲಿ ಡಾ.ಸಿದ್ದಲಿಂಗಯ್ಯ ಅವರು ಕಾವ್ಯ ಚಳವಳಿ ಕಟ್ಟಿದರು. ಒಂದು ಕಾಲದಲ್ಲಿ ದಲಿತ ಚಳವಳಿ ವಿಧಾನಸೌಧವನ್ನೇ ನಡುಗಿಸುವಷ್ಟು ಗಟ್ಟಿಯಾಗಿತ್ತು. ಅದನ್ನು ಸಹಿಸದ ರಾಜಕಾರಣಿಗಳು ಈ ಸಮಾಜವನ್ನು ಎಡ, ಬಲ ಎಂದು ಒಡೆದು ಹೋಳು ಮಾಡಿದರು ಎಂದರು.

. ಕಣ್ಣೀರೇ ಕಾವ್ಯವಾಯಿತು: ವಿಮ ರ್ಶಕ ಡಾ.ಎಸ್.ತುಕಾರಾಂ ಮಾತ ನಾಡಿ, ಡಾ.ಸಿದ್ದಲಿಂಗಯ್ಯ ಕಾವ್ಯದ ಮೂಲಕ ಜನರ ನೋವನ್ನು ಪರಿಣಾ ಮಕಾರಿಯಾಗಿ ತೋರಿಸಿದರು. 70ರ ದಶಕದಲ್ಲಿ ಬಡತನ ಮತ್ತು ಪ್ರತಿಭೆಯ ಸಂಗಮವಾಗಿದ್ದ ಸಿದ್ದಲಿಂಗಯ್ಯ ಅವರ ಸಾಹಿತ್ಯದಲ್ಲಿ ವರ್ತಮಾನದ ಸಂಕಟ ಗಳಿಗೆ ಪರಿಹಾರವಿದೆ ಎಂದು ಹೇಳಿದರು.

. ಅಧ್ಯಕ್ಷತೆ ವಹಿಸಿದ್ದ ದಲಿತ ಸಂಘರ್ಷ ಸಮಿತಿ ರಾಜ್ಯ ಘಟಕದ ಅಧ್ಯಕ್ಷ ಗುರುಪ್ರಸಾದ್ ಕೆರಗೋಡು, ಸಿದ್ದಲಿಂಗಯ್ಯ ಅವರ ಕಾವ್ಯದ ಆಶಯ ಈಡೇರಬೇಕು ಎಂದರು.

. ದಲಿತ ಸಂಘರ್ಷ ಸಮಿತಿಯ ಮಾವಳ್ಳಿ ಶಂಕರ್, ಗಾಂಧಿವಾದಿ ಡಾ.ಬಿ.ಸುಜಯಕುಮಾರ್, ಡಿವೈಎಸ್ಪಿ ಸಂದೇಶ್ಕುಮಾರ್ ಮಾತನಾಡಿದರು.

. ಡಾ.ಸಿದ್ದಲಿಂಗಯ್ಯ ಹೆಸರಿನಲ್ಲಿ ಅಧ್ಯಯನ ಪೀಠ ಮತ್ತು ಸ್ಮಾರಕ ಸ್ಥಾಪನೆಗೆ ಪ್ರಯತ್ನ ನಡೆಯುತ್ತಿದ್ದು, ಸಹಕರಿಸಬೇಕು ಎಂದು ಸಿದ್ದಲಿಂಗಯ್ಯ ಅವರ ಪುತ್ರಿ ಡಾ.ಮಾನಸ ಕೋರಿದರು.

. ರೈತ ಸಂಘದ ಜಿಲ್ಲಾ ಘಟಕದ ಅಧ್ಯಕ್ಷ ಎ.ಎಲ್.ಕೆಂಪೂಗೌಡ, ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಮಂಜೇಶ್ಗೌಡ, ರಮಾ ಸಿದ್ದಲಿಂಗಯ್ಯ, ಗಂಜಾಂ ರವಿಚಂದ್ರ, ಕೆಎಎಸ್ ಅಧಿಕಾರಿ ಲಾಲಿಪಾಳ್ಯ ಶಿವಣ್ಣ, ಕುಬೇರಪ್ಪ, ಕ್ಯಾತನಹಳ್ಳಿ ಚಂದ್ರಣ್ಣ, ಪಾಂಡು, ವೀಣಾಕುಮಾರಿ, ಮಹದೇವಸ್ವಾಮಿ ಇದ್ದರು.

. ಕಾವ್ಯ ನಮನ: ಡಾ.ಸಿದ್ದಲಿಂಗಯ್ಯ ಅವರಿಗೆ ಕವಿಗಳಾದ ಅನಾರ್ಕಲಿ ಸಲೀಂ, ಮಜ್ಜಿಗೆಪುರ ಶಿವರಾಂ, ಶರ್ಮಿಳಾ ಅಪ್ಪಾಜಿ, ವೇದವತಿ, ಪುಟ್ಟು ಬೆಳಗೊಳ, ಗಾನಸುಮಾ ಪಟ್ಟಸೋಮನಹಳ್ಳಿ ಇತರರು ಕಾವ್ಯ ನಮನ ಸಲ್ಲಿಸಿದರು. ಯರಹಳ್ಳಿ ಪುಟ್ಟಸ್ವಾಮಿ, ಹರಳಹಳ್ಳಿ ಗೋವಿಂದರಾಜು ಅವರಿಂದ ಗೀತ ನಮನ ನಡೆಯಿತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪುರಾಣದ ಕತೆ ಹೇಳಿ ಶೂದ್ರರಿಗೆ ವಂಚನೆ: ರಂಗಕರ್ಮಿ ಎಚ್‌.ಜನಾರ್ದನ್‌ ಬೇಸರ

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ದ್ವಿಶತಕ: ಸಚಿನ್, ಕೊಹ್ಲಿ ಸೇರಿದಂತೆ ದಿಗ್ಗಜರ ದಾಖಲೆಗಳನ್ನು ಮುರಿದ ಗಿಲ್

ಜಾವೆಲಿನ್‌ ಥ್ರೊ ಕೂಟ: ಬೆಂಗಳೂರಿನಲ್ಲಿ ಕಣಕ್ಕಿಳಿಯಲು ನೀರಜ್ ಉತ್ಸುಕ

ಬ್ಯಾಡ್ಮಿಂಟನ್: ಕ್ವಾರ್ಟರ್‌ಗೆ ಶ್ರೀಕಾಂತ್‌

ಚೆಸ್‌: ಮುನ್ನಡೆ ಹಂಚಿಕೊಂಡ ಗುಕೇಶ್‌

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್