ಮುಂಗಾರು ಆಗಮನ: ಶರಾವತಿ ಕಣಿವೆ ಪ್ರದೇಶದಲ್ಲಿ ಚಿಗುರೊಡೆದ ಕೃಷಿ ಕೆಲಸ

ಒಣಗಿ ನಿಂತಿದ್ದ ಭತ್ತದ ಗದ್ದೆಗಳಲ್ಲಿ ನೀರು ಸಂಗ್ರಹವಾಗಿದ್ದು, ಉಳುಮೆ ಕೆಲಸಕ್ಕೆ ಪೂರಕವಾದ ವಾತಾವರಣ ಎಲ್ಲೆಡೆ ಕಂಡು ಬರುತ್ತಿದೆ. ಲಿಂಗನಮಕ್ಕಿ ಜಲಾಶಯದ ಕೆಳಭಾಗದ ನದಿ ತೀರ ಪ್ರದೇಶಗಳಾದ ಇಡುವಾಣಿ, ಮರಳುಕೋರೆ, ಕಾರ್ಗಲ್, ಜೋಗ, ಬಿದರೂರು, ಹೆನ್ನಿ ತಳಕಳಲೆ ಗ್ರಾಮಗಳು ಸೇರಿದಂತೆ ಭತ್ತದ ಗದ್ದೆಗಳಲ್ಲಿ ಎತ್ತುಗಳನ್ನು ಬಳಸಿ ಉಳುಮೆ ಕೆಲಸಕ್ಕೆ ರೈತರು ಮುಂದಾಗಿದ್ದಾರೆ.

ಚಿಗುರೊಡೆದ ಭತ್ತದ ಸಸಿಗಳನ್ನು ರೈತರು ನೆಡುವ ಕೆಲಸಕ್ಕೆ ಮುಂದಾಗಿರುವುದು ಕೆಲಭಾಗಗಳಲ್ಲಿ ಕಾಣಿಸುತ್ತಿದೆ. ಮಳೆ ಮಾರುತಗಳು ಒಂದೇ ಮಟ್ಟವನ್ನು ಕಾಯ್ದುಕೊಂಡರೆ ಕೃಷಿ ಚಟುವಟಿಕೆಗೆ ಸಹಾಯವಾಗುತ್ತದೆ ಎಂದು ಕೃಷಿಕ ವೀರರಾಜಯ್ಯ ಜೈನ್ ಅಭಿಪ್ರಾಯಪಟ್ಟರು.