ಮೈಸೂರು: ವೈದ್ಯಕೀಯ ಕೋರ್ಸ್‌ನ ಪ್ರವೇಶಕ್ಕೆ ನಡೆದ ರಾಷ್ಟ್ರೀಯ ಅರ್ಹತಾ ಮತ್ತು ಪ್ರವೇಶ ಪರೀಕ್ಷೆಯಲ್ಲಿ (ನೀಟ್‌) ನಗರದ ಬೇಸ್‌ ಪಿಯು ಕಾಲೇಜಿನ ಕೆ.ಸಂಜನಾ ಅವರು ಅಖಿಲ ಭಾರತ ಮಟ್ಟದಲ್ಲಿ 128ನೇ ರ್ಯಾಂಕ್ ಪಡೆದುಕೊಂಡಿದ್ದಾರೆ.
ಒಟ್ಟು 720 ಅಂಕಗಳಲ್ಲಿ 696 ಅಂಕಗಳನ್ನು ಪಡೆದುಕೊಂಡಿರುವ ಅವರು ರಾಜ್ಯದಲ್ಲಿ ಮೈಸೂರು ಭಾಗಕ್ಕೆ ‘ಟಾಪರ್‌’ ಎನಿಸಿಕೊಂಡಿದ್ದಾರೆ.
ದ್ವಿತೀಯ ಪಿಯು ಪರೀಕ್ಷೆಯಲ್ಲಿ 591 ಅಂಕಗಳನ್ನು ಗಳಿಸಿದ್ದ ಸಂಜನಾ, ಸಿಇಟಿಯಲ್ಲಿ ಬಿಎಸ್‌ಇ ಕೃಷಿ ಮತ್ತು ಯೋಗ ವಿಜ್ಞಾನದಲ್ಲಿ ಎರಡನೇ ರ್ಯಾಂಕ್ ಪಡೆದು ಕೊಂಡಿದ್ದರು.
ಇದೇ ಕಾಲೇಜಿನ ವಿದ್ಯಾರ್ಥಿಗಳಾದ ಶಶಾಂಕ್‌ ವಿ.ಸಿಂಹ ಅಖಿಲ ಭಾರತ ಮಟ್ಟದಲ್ಲಿ 1,005ನೇ ರ್ಯಾಂಕ್, ಮುಹಮ್ಮದ್‌ ಮುವಾಜ್ ಇಕ್ಬಾಲ್ 3,789 ರ್ಯಾಂಕ್ ಮತ್ತು ಸ್ವಾತಿ ಕೆ. ಐತಾಳ್ ಅವರು 7,779 ರ್ಯಾಂಕ್ ಪಡೆದುಕೊಂಡಿದ್ದಾರೆ ಎಂದು ಪ್ರಕಟಣೆ ತಿಳಿಸಿದೆ.
