ಮೈಸೂರು: ಕೆಲ್ಲಹಳ್ಳಿಯ 4 ವರ್ಷದ ಬಾಲಕನಿಗೆ ಮಿದುಳು ಜ್ವರ

ತೀವ್ರ ಜ್ವರದಿಂದ ಬಳಲುತ್ತಿರುವ ಬಾಲಕನನ್ನು ಜೆಎಸ್‌ಎಸ್‌ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಗ್ರಾಮಕ್ಕೆ ಆರೋಗ್ಯ ಇಲಾಖೆ ಸಿಬ್ಬಂದಿ ಭೇಟಿ ನೀಡಿ ಈಚೆಗೆ ಜ್ವರದಿಂದ ಬಳಲಿದವರ ರಕ್ತದ ಮಾದರಿಗಳನ್ನು ಪಡೆದು ಪರೀಕ್ಷೆಗೆ ಕಳುಹಿಸಿದ್ದಾರೆ.

ಈ ಕುರಿತು ‘ಪ್ರಜಾವಾಣಿ’ಗೆ ಪ್ರತಿಕ್ರಿಯಿಸಿದ ಜಿಲ್ಲಾ ರೋಗವಾಹಕ ಆಶ್ರಿತ ರೋಗಗಳ ನಿಯಂತ್ರಣಾಧಿಕಾರಿ ಡಾ.ಚಿದಂಬರ ‘ಮಿದುಳು ಜ್ವರ ಪತ್ತೆಯಾಗಿದೆ. ಆತಂಕಪಡುವ ಅಗತ್ಯವಿಲ್ಲ’ ಎಂದರು.

‘ಜಿಲ್ಲೆಯಲ್ಲಿ ಪ್ರಸಕ್ತ ವರ್ಷ ಮಿದುಳು ಜ್ವರದ 23 ಪ್ರಕರಣಗಳು ಪತ್ತೆಯಾಗಿವೆ. ಸೊಳ್ಳೆಯಿಂದ ಹರಡುವ ‘ಜಫಾನಿಸ್ ಬಿ ಎನ್‌ಕೆಫಾಲೆಟಿಸ್‌’ ಪ್ರಕರಣ ಕೆಲ್ಲಹಳ್ಳಿ ಕಂಡುಬಂದಿದೆ. ರೋಗ ಇರುವ ವೈರಸ್‌ ಅನ್ನು ಸೊಳ್ಳೆಯು ಮನುಷ್ಯನಿಂದ ಹಂದಿಗೆ ಮೊದಲು ರವಾನಿಸುತ್ತದೆ. ಹಂದಿಯಲ್ಲಿ ಬೆಳವಣಿಗೆಯಾದ ಅದೇ ವೈರಸ್‌ ಮತ್ತೆ ಸೊಳ್ಳೆಯಿಂದ ಮನುಷ್ಯನಿಗೆ ಹರಡುತ್ತದೆ’ ಎಂದು ಮಾಹಿತಿ ನೀಡಿದರು.