ಶ್ರೀರಂಗಪಟ್ಟಣ: ಮಗುವಿನ ಗಂಟಲಿನಲ್ಲಿ ಸಿಕ್ಕಿಕೊಂಡಿದ್ದ ‘ಮೆಂಥೋ ಪ್ಲಸ್’ ಡಬ್ಬಿಯನ್ನು ಪಟ್ಟಣದ ಸಾರ್ವಜನಿಕ ಆಸ್ಪತ್ರೆಯ ವೈದ್ಯರು ಸೋಮವಾರ ಯಶಸ್ವಿಯಾಗಿ ಹೊರ ತೆಗೆದರು.
ತಾಲ್ಲೂಕಿನ ಕೆಆರ್ಎಸ್ ಗ್ರಾಮದ ಶಿವಕುಮಾರ್ ಮತ್ತು ಚಂದ್ರಕಲಾ ದಂಪತಿಯ ಒಂದೂವರೆ ವರ್ಷದ ಹೆಣ್ಣು ಮಗು ಚಾರ್ವಿ ಆಟ ಆಡುವಾಗ ಡಬ್ಬಿ ನುಂಗಿತ್ತು. ಉಸಿರಾಟದ ತೊಂದರೆ ಕಾಣಿಸಿಕೊಂಡಾಗ ಪೋಷಕರಿಗೆ ಈ ವಿಚಾರ ಗೊತ್ತಾಗಿದೆ.
ಸರ್ಜನ್ ಡಾ.ಮಹೇಶ್, ಅನಸ್ತೇಷಿಯಾ ತಜ್ಞ ಡಾ.ರಾಜು ಮತ್ತು ಆಸ್ಪತ್ರೆಯ ಮುಖ್ಯ ವೈದ್ಯಾಧಿಕಾರಿ ಡಾ.ಪಿ.ಮಾರುತಿ ಅವರನ್ನು ಒಳಗೊಂಡ ತಂಡ ಶಸ್ತ್ರಚಿಕಿತ್ಸೆ ನಡೆಸದೇ ಅರ್ಧ ತಾಸಿನಲ್ಲಿ ಡಬ್ಬಿಯನ್ನು ಹೊರಗೆ ತೆಗೆದಿದೆ.