ಮೈಸೂರು: ಸಂಭ್ರಮದ ರಾಜ್ಯೋತ್ಸವ-ಕನ್ನಡ ಮನಸ್ಸುಗಳ ಏಕೀಕರಣಕ್ಕೆ ಕರೆ

ಸಹಕಾರ ಸಚಿವ ಎಸ್.ಟಿ.ಸೋಮಶೇಖರ್ ಕನ್ನಡ ಮತ್ತು ರಾಷ್ಟ್ರ ಧ್ವಜಾರೋಹಣ ನೆರವೇರಿಸಿದರು.

ಅಶ್ವಾರೋಹಿ ಪಡೆ, ಕೆ ಎಸ್ ಆರ್ ಪಿ ತುಕಡಿಗಳಿಂದ ಗೌರವ ವಂದನೆ‌ ಸ್ವೀಕರಿಸಿದರು. ಪೊಲೀಸ್ ಬ್ಯಾಂಡ್ ಸಂಗೀತದ ನಡುವೆ ಮಹಾಲಿಂಗು ಮತ್ತು ಸಂಗಡಿಗರು ನಾಡಗೀತೆ ಹಾಡಿದರು.

ಇದಕ್ಕೂ ಮುನ್ನ ಅರಮನೆ ಆವರಣದಲ್ಲಿರುವ ಭುವನೇಶ್ವರಿ ದೇಗುಲದಲ್ಲಿ ವಿಶೇಷ ಪೂಜೆ ನೆರವೇರಿಸಿದರು.
ಈ ಬಾರಿ ಅದ್ದೂರಿಯಾದ ಮೆರವಣಿಗೆ ಇರಲಿಲ್ಲ‌.

ಕನ್ನಡ ಮನಸ್ಸುಗಳ ಏಕೀಕರಣಕ್ಕೆ ಕರೆ
ಧ್ವಜಾರೋಹಣ ನೆರವೇರಿಸಿ ಮಾತನಾಡಿದ ಸಹಕಾರ ಸಚಿವ ಎಸ್.ಟಿ.ಸೋಮಶೇಖರ್ ಕೇವಲ ಭೌಗೋಳಿಕವಾಗಿ ಹಾಗೂ ಆಡಳಿತಾತ್ಮಕವಾಗಿ ಏಕೀಕರಣವಾದರೆ ಸಾಲದು. ಕನ್ನಡದ ಮನಸ್ಸುಗಳು ಏಕೀಕರಣ ಆಗಬೇಕು ಎಂದು ಕರೆ ನೀಡಿದರು.
ಡಿಜಿಟಲ್ ಲೋಕದಲ್ಲಿ ಕನ್ನಡ ಭಾಷೆಯು ಹಿಂದುಳಿಯದಂತೆ ಸರ್ಕಾರವು ಅನೇಕ ಕಾರ್ಯಕ್ರಮಗಳನ್ನು ಜಾರಿಗೊಳಿಸಿದೆ‌. ಕನ್ನಡ ಮಾಧ್ಯಮದಲ್ಲಿ ಎಂಜಿನಿಯರಿಂಗ್ ಶಿಕ್ಷಣ ನೀಡಲು 5 ಕಾಲೇಜುಗಳಿಗೆ ಅನುಮತಿ ನೀಡಲಾಗಿದೆ ಎಂದರು.