‘ಭಾರತ ಯಾತ್ರಿ’ಗಳೊಂದಿಗೆ ಮೈಸೂರಿನ ಪ್ಯಾರಿ ಜಾನ್‌

ಕೇರಳದಿಂದ ಆರಂಭವಾದ ಪಾದಯಾತ್ರೆಯಲ್ಲಿ ಸಹಯಾತ್ರಿಗಳೊಂದಿಗೆ ಅವರು ಹುಮ್ಮಸ್ಸಿನಿಂದ ಹೆಜ್ಜೆ ಹಾಕುತ್ತಿದ್ದಾರೆ.

‘ಪಕ್ಷದ ನಾಯಕ ಹಮ್ಮಿಕೊಂಡಿರುವ ದೇಶದಾದ್ಯಂತ ನಡೆಯುವ ಯಾತ್ರೆಗೆ ರಾಜ್ಯದಿಂದ ಆಯ್ಕೆಯಾಗಿರುವ ನಾಲ್ವರಲ್ಲಿ ನಾನೊಬ್ಬಳಾಗಿರುವುದಕ್ಕೆ ಹೆಮ್ಮೆಯಾಗುತ್ತದೆ. ಬೆಳಿಗ್ಗೆ 6.30ರಿಂದಲೇ ನಡಿಗೆ ಆರಂಭವಾಗುತ್ತದೆ. ಯಾರು ಬರಲಿ, ಬಾರದಿರಲಿ ರಾಹುಲ್‌ ಗಾಂಧಿ ಯಾತ್ರೆ ಆರಂಭಿಸುತ್ತಾರೆ. ವಾಸ್ತವ್ಯ ಮೊದಲಾದವುಗಳಿಗೆ ಕಂಟೇನರ್‌ಗಳನ್ನು ಬಳಸಲಾಗುತ್ತಿದೆ’ ಎಂದು ತಿಳಿಸಿದರು.

‘ಯಾತ್ರೆಯಲ್ಲಿ ಪಾಲ್ಗೊಂಡಿದ್ದರಿಂದ ಆ ಭಾಗದ ಸಂಸ್ಕೃತಿಯ ಪರಿಚಯ ಆಗುತ್ತಿದೆ. ‍ಪಕ್ಷ ಸಂಘಟನೆಗೂ ಸಹಕಾರಿಯಾಗುತ್ತಿದೆ. ಅಲ್ಲಿನ ನಾಯಕರ ಬಗ್ಗೆಯೂ ತಿಳಿಯುತ್ತದೆ. ಯಾತ್ರೆಗೆ ನಿರೀಕ್ಷೆಗೂ ಮೀರಿ ಬೆಂಬಲ ವ್ಯಕ್ತವಾಗುತ್ತಿರುವುದು ನಮ್ಮ ಹುಮ್ಮಸ್ಸು ಹೆಚ್ಚಿಸಿದೆ’ ಎಂದು ಪ್ರತಿಕ್ರಿಯಿಸಿದರು.