ಚುಂಚನಕಟ್ಟೆ ಜಾನುವಾರು ಪರಿಷೆ: ಹಳ್ಳಿಕಾರ್ ತಳಿಯ 2 ಕರುಗಳ ಬೆಲೆ ₹2 ಲಕ್ಷ

ಸಾಲಿಗ್ರಾಮ: ಚುಂಚನಕಟ್ಟೆಯ ಜಾನುವಾರು ಪರಿಷೆಯಲ್ಲಿ ‘ಹಳ್ಳಿಕಾರ್ ತಳಿಯ ಹಾಲು ಹಲ್ಲಿನ ಕರುಗಳ’ ಕಾರುಬಾರು ಜೋರಾಗಿದ್ದು, ಎರಡು ಕರುಗಳು ಬರೋಬ್ಬರಿ ₹2 ಲಕ್ಷಕ್ಕೆ ಖರೀದಿಯಾಗಿವೆ.

. ಹಳ್ಳಿಕಾರ್ ತಳಿಗೆ ಹೆಸರುವಾಸಿಯಾಗಿರುವ ಈ ಪರಿಷೆಯಲ್ಲಿ ಜಾನುವಾರು ಖರೀದಿಸಲು ಬಂದಿರುವ ರೈತರು ಬೆಲೆ ಕೇಳಿ ಹುಬ್ಬೇರಿಸುವ ಪರಿಸ್ಥಿತಿ ಜಾತ್ರೆಯಲ್ಲಿ ಎದುರಾಗುತ್ತಿದೆ.

. ಉಳುಮೆಗೆ ಹಳ್ಳಿಕಾರ್ ಜೋಡೆತ್ತುಗಳೇ ಬೇಕು ಎಂದು ಖರೀದಿಗೆ ಮುಂದಾಗುತ್ತಿರುವ ರೈತರು ಪಕ್ಕದಲ್ಲೇ ‘ಸಿಂಗಾರದ ದಾವಣಿ’ಯಲ್ಲಿ (ಜಾನುವಾರು ಕಟ್ಟಿಹಾಕುವ ಚಪ್ಪರ) ಕಟ್ಟಿರುವ ಕರುಗಳನ್ನು ಕಂಡು ಸಾಕುವ ಹಂಬಲ ಇರುವ ಬೆಲೆಯನ್ನು ಲೆಕ್ಕಿಸದೇ ಕೆಲವು ರೈತರು ಖರೀದಿಸಿ ಮುದ್ದಾದ ಕರುಗಳನ್ನು ತೆಗೆದುಕೊಂಡು ಹೋಗುತ್ತಿದ್ದಾರೆ.

. ಜಾನುವಾರು ಪರಿಷೆಯಲ್ಲಿ ಈ ವರ್ಷ ಹಾಲು ಹಲ್ಲಿನ ಮುದ್ದಾದ ಕರುಗಳ ಸಂಖ್ಯೆ ಅಧಿಕವಾಗಿದ್ದು, ಪರಿಷೆ ವೀಕ್ಷಿಸಲು ಬಂದಿದ್ದ ಸಾವಿರಾರು ಮಂದಿಯಲ್ಲಿ ಬಹುತೇಕ ಮಹಿಳೆಯರು ಮತ್ತು ಮಕ್ಕಳು ಮುದ್ದಾದ ಹಳ್ಳಿಕಾರ್ ತಳಿಯ ಹಾಲು ಹಲ್ಲಿನ ಕರುಗಳನ್ನು ಕಂಡು ಸೆಲ್ಫಿ ತೆಗೆದುಕೊಂಡು ಮುಟ್ಟಿ ಆನಂದಿಸಿ ಸಮಯ ಕಳೆಯುತ್ತಿರುವುದು ಸಾಮಾನ್ಯವಾಗಿದೆ.

. ಹುಣಸೂರು ತಾಲ್ಲೂಕಿನ ಬಿಳಿಕೆರೆ ಹೋಬಳಿಯ ರೈತ ಕರಿಗೌಡ ಅವರಿಗೆ ಸೇರಿದ ಹಾಲು ಹಲ್ಲಿನ ಹಳ್ಳಿಕಾರ್ ತಳಿಯ ಜೋಡಿ ಕರುಗಳ ಬೆಲೆ ₹ 1.80 ಲಕ್ಷವಾಗಿದ್ದು, ಈ ಕರುಗಳನ್ನು ಹಾಸನ ಜಿಲ್ಲೆಯ ಅಣ್ಣಯ್ಯ ಅವರು ಖರೀದಿಸಿದರು.

. ‘ಸಾಕುವ ಉದ್ದೇಶದಿಂದ ಖರೀದಿ ಮಾಡಿರುವೆ’ ಎಂದು ‘ಪ್ರಜಾವಾಣಿ’ಗೆ ಪ್ರತಿಕ್ರಿಯಿಸಿದರು.

. ‘ಉಳುಮೆಗೆ ಅಗತ್ಯ ಇರುವ ಹಳ್ಳಿಕಾರ್ ಜೋಡೆತ್ತುಗಳ ಬೆಲೆಗಿಂತ ಹಾಲು ಹಲ್ಲಿನ ಕರುಗಳ ಬೆಲೆ ಅಧಿಕವಾಗಿರುವುದು ಇದು ಮೊದಲಲ್ಲ’ ಎಂದು ಜಾನುವಾರು ಮಾರಾಟ ದಲ್ಲಾಳಿ ಚಂದ್ರೇಗೌಡ ಪ್ರತಿಕ್ರಿಯಿಸಿದರು.

. ‘ಬೇಸಾಯಕ್ಕೆ ಜೋಡೆತ್ತುಗಳನ್ನು ಖರೀದಿ ಮಾಡುವುದು ಕಷ್ಟವಾಗಿರುವ ಈ ದಿನಗಳಲ್ಲಿ ಹಾಲು ಹಲ್ಲಿನ ಕರುಗಳನ್ನು ಖರೀದಿ ಮಾಡಿ ಹಳ್ಳಿಕಾರ್ ತಳಿಯ ಜಾನುವಾರುಗಳನ್ನು ಮುಂದಿನ ಪೀಳಿಗೆಗೆ ಸಿಗುವಂತೆ ಮಾಡಿದರೆ ಮಾತ್ರ ರೈತಾಪಿ ಜನ ಬೇಸಾಯ ಮಾಡಲು ಮುಂದಾಗುತ್ತಾರೆ. ಅದಕ್ಕಾಗಿ ಕರುಗಳನ್ನು ಖರೀದಿ ಮಾಡಲು ಬಂದಿರುವೆ’ ಎಂದು ಮಂಡ್ಯ ಜಿಲ್ಲೆಯ ಸಿದ್ದೇಗೌಡ ಪ್ರತಿಕ್ರಿಯಿಸಿದರು.

. ಚುಂಚನಕಟ್ಟೆ ಜಾನುವಾರು ಪರಿಷೆಯಲ್ಲಿ ಸುಮಾರು 1 ಸಾವಿರಕ್ಕೂ ಹೆಚ್ಚು ಹಳ್ಳಿಕಾರ್ ತಳಿಯ ಕರುಗಳು ದಾವಣಿಯಲ್ಲಿ ನಿಂತಿದ್ದು, ಈ ಮುದ್ದಾದ ಕರುಗಳು ಪರಿಷೆಗೆ ಬರುವ ಜನರನ್ನು ತಮ್ಮತ್ತ ಆಕರ್ಷಿಸುವ ಮೂಲಕ ಪರಿಷೆಗೆ ಮೆರಗು ತರುತ್ತಿವೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚುಂಚನಕಟ್ಟೆ ಜಾನುವಾರು ಪರಿಷೆ: ಹಳ್ಳಿಕಾರ್ ತಳಿಯ 2 ಕರುಗಳ ಬೆಲೆ ₹2 ಲಕ್ಷ

ಚಿನಕುರುಳಿ: 04 ಜುಲೈ 2025, ಶುಕ್ರವಾರ

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಸಿರಾಜ್ ಮಿಂಚು; ಸ್ಟೋಕ್ಸ್ ಶೂನ್ಯಕ್ಕೆ ಔಟ್, ಇಂಗ್ಲೆಂಡ್ 5ನೇ ವಿಕೆಟ್ ಪತನ

ಗುಕೇಶ್ ವಿರುದ್ಧ ಸೋಲು; ಚೆಸ್ ಆನಂದಿಸುತ್ತಿಲ್ಲ ಎಂದ ವಿಶ್ವನ ನಂ.1ಆಟಗಾರ ಕಾರ್ಲಸನ್

NC Classic | ಭಾರತೀಯ ಅಥ್ಲೆಟಿಕ್ಸ್ ಇತಿಹಾಸದಲ್ಲಿ ಹೊಸ ಅಧ್ಯಾಯ: ನೀರಜ್ ಚೋಪ್ರಾ

ನಾಳೆ ಬೆಂಗಳೂರಲ್ಲಿ ವಿಶ್ವ ಮಟ್ಟದ ಜಾವೆಲಿನ್‌: ನೀರಜ್ ಚೋಪ್ರಾಗೆ ಪೇಟ ತೊಡಿಸಿದ CM

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 04 ಜುಲೈ 2025, ಶುಕ್ರವಾರ

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ