ಮಾನ್ವಿ: ತಾಲ್ಲೂಕಿನ ಕುರ್ಡಿ ಗ್ರಾಮದಲ್ಲಿ ಸೋಮವಾರ ನಸುಕಿನಲ್ಲಿ ಮನೆಯಲ್ಲಿ ಮಲಗಿದವರ ಮೇಲೆ ಮನೆ ಗೋಡೆ ಕುಸಿದಿದ್ದರಿಂದ ದಂಪತಿ ಹಾಗೂ ಒಂದು ಮಗು ಮೃತಪಟ್ಟಿದ್ದಾರೆ.
ಪರಮೇಶ (45), ಜಯಮ್ಮ (40)ಹಾಗೂ ಮೃತ ಪರಮೇಶನ ಕಿರಿಯ ಸಹೋದರನ ಪುತ್ರ ಮಗ ಭರತ್(4) ಮೃತರಾಗಿದ್ದಾರೆ. ಕಳೆದ ಎರಡು ದಿನಗಳಿಂದ ಭಾರಿ ಮಳೆ ಸುರಿಯುತ್ತಿದ್ದು, ಮಣ್ಣಿನ ಗೋಡೆ ನೆನೆದಿದ್ದರಿಂದ ಕುಸಿತ ಉಂಟಾಗಿದೆ.
ಮಾನ್ವಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಸಂಬಂಧಿಗಳ ಆಕ್ರಂದನ ಮುಗಿಲು ಮುಟ್ಟಿದೆ.
