ರಾಯಚೂರು: ₹ 20ಕ್ಕೆ ಕುಸಿದ ಎಳನೀರು ಬೆಲೆ!

ರಾಯಚೂರು : ಜಿಲ್ಲೆಯಲ್ಲಿ ತೀವ್ರ ಚಳಿ ಮುಂದುವರಿದಿರುವ ಕಾರಣ ಎಳನೀರಿನ ಬೆಲೆ ದಿಢೀರ್ ಕುಸಿತ ಕಂಡಿದೆ. ಆರು ತಿಂಗಳ ಹಿಂದೆ ₹70 ಇದ್ದ ಎಳನೀರು ಬೆಲೆ ಇದೀ ₹ 20ಗೆ ಕುಸಿದು ವ್ಯಾಪಾರಸ್ಥರನ್ನು ಸಂಕಷ್ಟಕ್ಕೆ ಸಿಲುಕಿಸಿದೆ.

. ಇಳುವರಿ ಕಡಿಮೆಯಾಗಿದ್ದರಿಂದ ಮಳೆಗಾಲದಲ್ಲೂ ಎಳನೀರಿನ ದರ ಕಡಿಮೆಯಾಗಿರಲಿಲ್ಲ. ಅನಾರೋಗ್ಯದಿಂದ ಬಳಲುತ್ತಿದ್ದವರು ಮಾತ್ರ ಖರೀದಿಸಿ ಸೇವಿಸುತ್ತಿದ್ದರು. ಈಗ ಅತಿಯಾದ ಚಳಿಯು ಎಳು ನೀರು ಮಾರುಕಟ್ಟೆ ಮೇಲೆ ಗಂಭೀರ ಪರಿಣಾಮ ಬೀರಿದೆ.

. ಜಿಲ್ಲೆಯಲ್ಲಿ ಕನಿಷ್ಠ ಉಷ್ಣಾಂಶ 10ರಿಂದ 14 ಡಿಗ್ರಿ ಸೆಲ್ಸಿಯಸ್ ಆಸುಪಾಸಿನಲ್ಲಿದ್ದರೆ, ಗರಿಷ್ಠ 30 ಡಿಗ್ರಿ ಸೆಲ್ಸಿಯಸ್ಗೆ ಇಳಿದಿದೆ. ಬಿಸಿಲೂರಿನ ಜನರನ್ನು ತೀವ್ರತರ ಚಳಿ ಕಾಡುತ್ತಿದೆ. ಮಧ್ಯಾಹ್ನ ಬಿಸಿಲು ಇದ್ದರೂ ಅದು ಬೆಚ್ಚನೆಯ ಅನುಭೂತಿ ನೀಡುತ್ತಿದೆ. ಚಳಿಯಿಂದಾಗಿ ಎಳ ನೀರು ಸೇವಿಸುವುದು ಕಡಿಮೆಯಾಗಿದೆ.

. ತೆಂಗು ಬೆಳೆಗಾರರಿಂದ ಅಧಿಕ ಪ್ರಮಾಣದಲ್ಲಿ ಎಳನೀರು ಖರೀದಿಸಿರುವ ವ್ಯಾಪಾರಸ್ಥರು ನಗರದಲ್ಲೇ ಗೂಡ್ಸ್ ಆಟೊಗಳಲ್ಲಿ ಒಂದು ಸಣ್ಣ ಎಳನೀರಿಗೆ ₹20, ದೊಡ್ಡ ಎಳನೀರಿಗೆ ₹30ಗೆ ಮಾರಾಟ ಮಾಡುತ್ತಿದ್ದಾರೆ. ಒಟ್ಟಾರೆ ಖರೀದಿಸಿದ ಎಳನೀರು ಖಾಲಿಯಾದರೆ ಸಾಕು ಎನ್ನುವ ಮನಸ್ಥಿತಿಯಲ್ಲಿದ್ದಾರೆ.

. ‘ಬೇಸಿಗೆಯಲ್ಲಿ ನಿತ್ಯ 600 ರಿಂದ 700 ಎಳೆ ನೀರು ಮಾರಾಟವಾಗುತ್ತಿತ್ತು. ಪ್ರಸ್ತುತ ಗರಿಷ್ಠ 40 ಎಳನೀರು ಮಾರಾಟವಾಗುತ್ತಿಲ್ಲ. ಸಗಟು ಮಾರುಕಟ್ಟೆಯಲ್ಲೂ ಎಳನೀರಿನ ದರ ಕುಸಿದಿದೆ. ತೀವ್ರ ಚಳಿಯಿಂದಾಗಿ ಎಳನೀರಿನ ಬೇಡಿಕೆ ಕಡಿಮೆಯಾಗಿದೆ’ ಎಂದು ವ್ಯಾಪಾರಿ ಅಬ್ದುಲ್ ರೌಫ್ ಹೇಳುತ್ತಾರೆ.

. ‘ಸೆಪ್ಟೆಂಬರ್ ವರೆಗೂ ಮಂಡ್ಯ ಜಿಲ್ಲೆಯ ಮದ್ದೂರಿನಿಂದ ರಾಯಚೂರಿಗೆ ನಿತ್ಯ ಎರಡು ಲಾರಿ ಎಳನೀರು ಬರುತ್ತಿದ್ದವು. ಈಗ ವಾರದಲ್ಲೇ ಒಂದೇ ಲಾರಿ ಬರುತ್ತಿದೆ. ಅಷ್ಟೇ ಅಲ್ಲ; ಬೇಡಿಕೆ ಸಲ್ಲಿಸಿದರೆ ಮಾತ್ರ ಲಾರಿಗಳು ಬರುತ್ತಿವೆ’ ಎನ್ನುತ್ತಾರೆ.

. ‘ವೈದ್ಯರ ಸಲಹೆ ಮೇರೆಗೆ ಕೆಲವರು ಬೆಳಗಿನ ಅವಧಿಯಲ್ಲಿ ಎಳನೀರು ಸೇವಿಸಲು ಬರುತ್ತಿದ್ದಾರೆ. ಆದರೆ, ಸಂಜೆ 4 ಗಂಟೆಯ ನಂತರ ಒಂದು ಎಳನೀರು ಮಾರಾಟವಾಗುತ್ತಿಲ್ಲ. ಬಿಸಿಲೂರಿನ ಜನ ತಪ್ಪು ಗ್ರಹಿಕೆಯಿಂದಾಗಿ ಚಳಿಗಾಲದಲ್ಲಿ ಸಂಜೆ ಎಳನೀರು ಸೇವಿಸುತ್ತಿಲ್ಲ’ ಎಂದು ವಿವರಿಸುತ್ತಾರೆ.

. ‘ರಾಯಚೂರು ನಗರದಲ್ಲಿ ಒಟ್ಟು 35 ನೋಂದಾಯಿತ ಎಳನೀರು ಮಾರಾಟಗಾರರು ಇದ್ದಾರೆ. ಮರದಿಂದ ಕೆಳಗಿಳಿಸಿದ ನಾಲ್ಕೈದು ದಿನಗಳಲ್ಲೇ ಎಳನೀರು ಮಾರಾಟ ಮಾಡಬೇಕು. ಇಲ್ಲದಿದ್ದರೆ ಅದರ ಸ್ವಾದ ಕಡಿಮೆಯಾಗುತ್ತದೆ. ಹೀಗಾಗಿ ನಾವು ಸಹ ಹೆಚ್ಚು ತರಿಸುತ್ತಿಲ್ಲ’ ಎಂದು ಹೇಳುತ್ತಾರೆ.

. ಬೇಸಿಗೆಯಲ್ಲಿ ₹70 ಆಗಿದ್ದ ಎಳನೀರು

. ಬೇಸಿಗೆಯಲ್ಲಿ ಬಿಸಿಲ ಝಳ ತಾಳಲಾರದ ಜನರು ತಂಪು ಪಾನೀಯಗಳ ಮೊರೆ ಹೋಗುತ್ತಿದ್ದರು. ಆಗ ಎಳನೀರು ₹70ಕ್ಕೆ ತಲುಪಿದಾಗ ಬೆಲೆ ಕೇಳಿಯೇ ಗ್ರಾಹಕರು ಹೌಹಾರುತ್ತಿದ್ದರು. ಪರ್ಯಾಯವಾಗಿ ಹಣ್ಣಿನ ರಸ ಸೇವಿಸಲು ಆರಂಭಿಸಿದ್ದರು. ಈಗ ಎಳನೀರು ಗ್ರಾಹಕರ ಕೈಗೆಟಕುವ ಬೆಲೆಯಲ್ಲಿ ಲಭ್ಯವಿದ್ದರೂ ವಾತಾವರಣ ಹಿಂಜರಿಯುವಂತೆ ಮಾಡಿದೆ.

. ಎಳನೀರು ಮಾರಾಟಗಾರರು ಅಲ್ಲಿ ಫಲಕಗಳನ್ನು ಹಾಕಿ ಗ್ರಾಹಕರನ್ನು ಸೆಳೆಯಲು ಪ್ರಯತ್ನಿಸುತ್ತಿದ್ದಾರೆ. ದೊಡ್ಡ ಕಾಯಿಗಳನ್ನು ನೂರು ರೂಪಾಯಿಗೆ ಮೂರು ಮಾರಾಟ ಮಾಡುತ್ತಿದ್ದಾರೆ. ಚಿಕ್ಕ ಗಾತ್ರದ ಕಾಯಿಗಳನ್ನು ₹20ಗೆ ಕೊಡುತ್ತಿದ್ದಾರೆ. ₹100ಗೆ ಅತಿ ದೊಡ್ಡ ಮೂರು ಕಾಯಿಗಳು ಮಾರಾಟಕ್ಕಿವೆ.

. ರಾಯಚೂರು ನಗರದಲ್ಲಿ ಅಧಿಕೃತ ಮಾರಾಟಗಾರರು 35 40 ಎಳನೀರು ಸಹ ನಿತ್ಯ ಮಾರಾಟವಾಗುತ್ತಿಲ್ಲ ವಾರಕ್ಕೆ ಬರುತ್ತಿರುವ ಲಾರಿಗಳು ಕೇವಲ 2

. ಎಳನೀರು ಜೀವಾಮೃತ ಇದ್ದಂತೆ. ರೋಗಿಗಳು ಎಳನೀರು ಸೇವಿಸಲು ಬರುತ್ತಿದ್ದಾರೆ. ಆದರೆ ಆರೋಗ್ಯವಂತರು ಚಳಿಗೆ ಹೆದರಿ ಹಿಂಜರಿಯುತ್ತಿದ್ದಾರೆ ಅಬ್ದುಲ್ ರೌಫ್ ಎಳನೀರು ವ್ಯಾಪಾರಿ . ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ರಾಯಚೂರು: ₹ 20ಕ್ಕೆ ಕುಸಿದ ಎಳನೀರು ಬೆಲೆ!

ಚಿನಕುರುಳಿ: ಮಂಗಳವಾರ, 16 ಡಿಸೆಂಬರ್ 2025

ಚುರುಮುರಿ: ಚೋರಿ ಪರಸಂಗ

ದಿನ ಭವಿಷ್ಯ: ಶ್ರೇಯಸ್ಸು ಹುಡುಕಿಕೊಂಡು ಬರುವುದರಿಂದ ಸಂತಸ ಸಿಗುವುದು

ದರ್ಶನ್ ಬ್ಯಾರಕ್‌ಗೆ ಡಿಜಿಪಿ ಅಲೋಕ್‌ ಕುಮಾರ್ ಭೇಟಿ; ಪರಿಶೀಲನೆ

IPL Auction: ಹರಾಜಿನಲ್ಲಿ ಖರೀದಿಯಾಗದೇ ಉಳಿದ ಸ್ಟಾರ್‌ ಆಟಗಾರರ ಪಟ್ಟಿ ಇಲ್ಲಿದೆ

ಕೆಎಸ್‌ಸಿಎ: ಕ್ರಿಕೆಟ್ ಸಲಹಾ ಸಮಿತಿಯಲ್ಲಿ ಕುಂಬ್ಳೆ, ಶ್ರೀನಾಥ್

IPL 2026 Auction: ಗ್ರೀನ್ ದುಬಾರಿ ಆಟಗಾರ; ಪ್ರಶಾಂತ್‌,ಕಾರ್ತಿಕ್‌ಗೆ ಜಾಕ್‌ಪಾಟ್

IPL Auction: ಅನ್‌ಕ್ಯಾಪ್ಡ್‌ ಭಾರತೀಯ ಆಟಗಾರರಿಗೆ ತೆರೆದ ಅದೃಷ್ಟದ ಬಾಗಿಲು

ಒಳನೋಟ | ಯುಕೆಪಿಗೆ ಇಚ್ಛಾಶಕ್ತಿ ಕೊರತೆ

ಒಳನೋಟ | ನಿಗಮ– ಮಂಡಳಿಗಳು: ಸರ್ಕಾರ ಸಾಕುವ ಬಿಳಿಯಾನೆ

ಒಳನೋಟ: ಖಾಲಿಯಿವೆ ಬಿ.ಇ ಸೀಟು!

ಒಳನೋಟ: ಶ್ರೀಗಂಧ ಕೃಷಿಗೆ ನೂರು ಕಷ್ಟ

ಚಿನಕುರುಳಿ: ಮಂಗಳವಾರ, 16 ಡಿಸೆಂಬರ್ 2025

ಚುರುಮುರಿ: ಚೋರಿ ಪರಸಂಗ

ದಿನ ಭವಿಷ್ಯ: ಶ್ರೇಯಸ್ಸು ಹುಡುಕಿಕೊಂಡು ಬರುವುದರಿಂದ ಸಂತಸ ಸಿಗುವುದು

ದರ್ಶನ್ ಬ್ಯಾರಕ್‌ಗೆ ಡಿಜಿಪಿ ಅಲೋಕ್‌ ಕುಮಾರ್ ಭೇಟಿ; ಪರಿಶೀಲನೆ