ಕಳೆದ ವರ್ಷ ಸೆಪ್ಟೆಂಬರ್ 3ರಂದು ಜಯಸುಧಾ ಅವರಿಗೆ ಅಪರಿಚಿತರೊಬ್ಬರು ಟೆಲಿಗ್ರಾಂ ಲಿಂಕ್ ಕಳುಹಿಸಿ ಕಿವಿ ಕಂಪನಿಯಲ್ಲಿ ಏರ್ ಟಿಕೆಟ್‍ಗಳನ್ನು ಬುಕ್ಕಿಂಗ್ ಮಾಡಿದರೆ ನಿತ್ಯ ₹ 1000ದಿಂದ ₹3,600 ಲಾಭ ಮಾಡಬಹುದು ಎಂದು ಹೇಳಿದ್ದಾರೆ. ಅವರ ಮಾತಿಗೆ ಮಾರುಹೋದ ಶಿಕ್ಷಕಿ ಕಂಪನಿಯ ವೆಬ್‌ಸೈಟ್‌ನಲ್ಲಿ ಹಣ ನೀಡಿ ಟಿಕೆಟ್‍ಗಳನ್ನು ಬುಕಿಂಗ್ ಮಾಡಿದ್ದಾರೆ. ಕಂಪನಿಯವರು ಮೊದಲು ಸ್ವಲ್ಪ ಹಣ ನೀಡಿದ್ದರಿಂದ ಅದನ್ನು ನಂಬಿ ಟಿಕೆಟ್ ಬುಕಿಂಗ್‍ಗಾಗಿ 2023ರ ಸೆಪ್ಟೆಂಬರ್ 3ರಿಂದ 2024ರ ಜನವರಿ 12ರವರೆಗೆ ಹಂತ ಹಂತವಾಗಿ ಅವರ ವಿವಿಧ ಬ್ಯಾಂಕ್ ಖಾತೆಗಳಿಗೆ ₹2,77,52,153 ಹಣ ಹಾಕಿದ್ದಾರೆ.
