ಓಎಂಆರ್‌ ತೋರಿಸಿ ವಂಚನೆ: ಇಬ್ಬರ ಬಂಧನ

ಅಜಯಕುಮಾರ ಮೇಹ್ತಾ ಹಾಗೂ ದೇವಪ್ಪ ನೀರಲಕೇರಿ ಬಂಧಿತರು. ಆರೋಪಿಗಳಿಂದ 9 ಓಎಂಆರ್‌ ಸೀಟುಗಳನ್ನು ವಶಕ್ಕೆ ಪಡೆಯಲಾಗಿದೆ. ಬಂಧಿತರು ಮೂರು ಜನರಿಂದ ₹8 ಲಕ್ಷ ಪಡೆದು ಮೋಸ ಮಾಡಿದ್ದಾರೆ. ಓಎಂಆರ್‌ ಅಸಲೀತನದ ಬಗ್ಗೆ ಪೊಲೀಸರು ಪರಿಶೀಲನೆ ನಡೆಸಿದ್ದಾರೆ.

ವಿದ್ಯಾರ್ಥಿನಿ ಅಕ್ಕಮ್ಮ ಹಿರೇಮಠ ಅವರು ನೀಡಿದ್ದ ದೂರನ್ನು ಆಧರಿಸಿ, ಪೊಲೀಸರು ಆರೋಪಿಗಳನ್ನು ಬಂಧಿಸಿದ್ದಾರೆ. ಎಫ್‌ಡಿಎ ನೇಮಕಾತಿ ಮಾಡಿಸುವುದಾಗಿ ಅಕ್ಕಮ್ಮ ಅವರ ತಂದೆಯನ್ನು ನಂಬಿಸಿ ₹3 ಲಕ್ಷ ಹಣ ಪಡೆದಿದ್ದರು. ಇನ್ನುಳಿದ ₹2 ಲಕ್ಷ ಕೊಟ್ಟರೆ ನೇಮಕ ಮಾಡಿಸುದಾಗಿ ಮತ್ತೆ ಮನೆಗೆ ಆರೋಪಿಗಳು ಬಂದಿದ್ದರು. ಪರೀಕ್ಷೆಯನ್ನೆ ಬರೆದಿಲ್ಲ; ನೇಮಕ ಹೇಗಾಗುತ್ತದೆ ಎಂದು ಸಂಶಯಗೊಂಡ ಅಕ್ಕಮ್ಮ ಅವರು ಲಿಂಗಸುಗೂರು ಠಾಣೆಗೆ ಈ ಬಗ್ಗೆ ದೂರು ಸಲ್ಲಿಸಿದ್ದರು.