ಹಬ್ಬಕ್ಕೆ ದೇವರ ಮೂರ್ತಿಗೆ ಹೂವಿನ ಅಲಂಕಾರ ಮಾಡಿದರೆ, ಪೂಜೆ ಬಗೆಬಗೆಯ ಹಣ್ಣುಗಳನ್ನು ಇಡುವುದು ವಾಡಿಕೆ. ಹೀಗಾಗಿ ಮಾರುಕಟ್ಟೆಯಲ್ಲಿ ಹಣ್ಣುಗಳೂ ತಮ್ಮ ಬೆಲೆ ಏರಿಸಿಕೊಂಡಿದ್ದವು. ಏಲಕ್ಕೆ ಬಾಳೆ ಪ್ರತಿ ಕೆ.ಜಿ.ಗೆ ₹70-80ರಂತೆ ಮಾರಾಟವಾಯಿತು. ಪಚ್ಚೆ ಬಾಳೆ ₹40, ಮೋಸಂಬಿ ₹80, ದಾಳಿಂಬೆ ₹100, ಕಿತ್ತಳೆ ₹140, ದ್ರಾಕ್ಷಿ ₹100, ಫೈನ್ಆಪಲ್ ಒಂದಕ್ಕೆ ₹30 ಹಾಗೂ ಸೀಬೆಹಣ್ಣು 1ಕ್ಕೆ ₹ 10ರಂತೆ ಮಾರಾಟ ನಡೆಯಿತು. ಸೇಬಿನ ಹಣ್ಣು ಕೊಂಚ ದುಬಾರಿ ಆಗಿದ್ದು, ಪ್ರತಿ ಕೆ.ಜಿ.ಗೆ ₹200 ದರ ಇತ್ತು. ಇದಲ್ಲದೆ ಬಾಳೆ ಕಂದು, ವಿವಿಧ ಅಲಂಕಾರದ ಎಲೆಗಳು ಸಹ ಮಾರುಕಟ್ಟೆಯಲ್ಲಿ ಇದ್ದವು.